E-Sir

Issah Mmari, anayejulikana zaidi kwa jina lake la kisanii E-Sir (20 Mei 1981 – 16 Machi 2003), alikuwa msanii maarufu wa hip hop na kapuka kutoka Nairobi, Kenya.

E-Sir
Jina la kuzaliwa	Issah Mmari
Pia anajulikana kama	E-Sir
Amezaliwa	1981
Asili yake	South C, Nairobi, Kenya
Aina ya muziki	Hip hop, Kapuka
Kazi yake	Rapa
Miaka ya kazi	2001-2003

Alianzisha kazi yake ya muziki chini ya studio ya Ogopa DJs, ikijulikana kwa uwezo wa kutengeneza wimbo wenye ubora wa hali ya juu na mtindo wa Kiswahili. Alipata umaarufu mwaka 2001 kupitia wimbo wake “Jo”, ulioongozwa na mtindo wa rap wa Black Rob katika “WHOA”, na hivyo kuipandisha hadhi yake katika tasnia ya muziki ya Kenya. Baadaye, alitoa albamu yake ya kwanza “Nimefika” mwaka 2003, ambayo ilipata mafanikio makubwa. Pia, E-Sir alishinda tuzo nne katika Kisima Music Awards 2003.

E-Sir alifariki kwa ajali ya barabarani tarehe 16 Machi 2003, akiwa njiani kutoka Nakuru kuelekea kufanikisha albamu yake. Kifo chake kilisababisha huzuni kubwa miongoni mwa mashabiki wake, hasa kwa sababu alikuwa katika kilele cha umaarufu wake. Baadhi ya nyimbo zake zinazojulikana ni “Mos Mos”, “Boomba Train”, “Hamunitishi”, na “Leo ni Leo”. Baada ya kifo chake, wimbo mmoja wa kumbukumbu, “Maisha”, ulitolewa akiwa ameimba pamoja na Nameless.

Ndugu mdogo wa E-Sir, Habib, pia ni msanii wa muziki na pamoja na kundi la Manga, wamezindua nyimbo kadhaa zikiwemo “Dunda” na “Fever”, wakidumisha urithi wa muziki wa familia yao.

Albamu ya nimefika

Nyimbo kwenye Albamu

• 1.Jobless corner 1 (Skit)
• 2.Kamata
• 3.Bamba
• 4.Moss Moss
• 5.Saree
• 6.Jobless Corner 2 (skit)
• 7.Sweet Kid ulimi twister
• 8.Hamunitishi
• 9.Deux Train
• 10.Leo ni Leo
• 11.Nimefika 'Jo'
• 12.Saree
• 13.Kamaiko (skit)

Tuzo

Alishinda

• Kisima Music Awards 2003 - Nyimbo ya mwaka ( "Bumba Train") & Mwanaume Mwanamziki wa mwaka, Albamu ya Mwaka ( "Nimefika")

Kuchaguliwa

• Kora Awards 2003 - Mwanamziki Bora Afrika Mashariki ^[1]
• Tanzania Music Awards 2004 - Albamu bora Afrika Mashariki( "Nimefika") ^[2]