Filastri

Filastri (330 - 387 hivi) anakumbukwa kama askofu wa 6 wa Brescia (Italia Kaskazini)^[1].

Mchoro wa ukutani unaomuonyesha Mt. Filastri.

Asili yake haijulikani: zinatajwa Italia, Hispania na Misri.

Alitunga kitabu kilichoorodhesha aina 156 za uzushi (Diversarum Hereseon Liber; kifupi: De Haeresibus) kutokana na safari zake nyingi za kimisionari alipopigwa mijeledi pia.

Alisifiwa na mwandamizi wake Gaudioso wa Brescia katika hotuba ya kila mwaka; imetufikia moja, iliyo chanzo kikuu cha taarifa juu ya maisha na kifo chake^[2].

Tangu kale anaheshimiwa na Wakatoliki na Waorthodoksi kama mtakatifu.

Sikukuu yake huadhimishwa tarehe 18 Julai^[3][4].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko