Kindi-jua

Kindi-jua ni wanyama wadogo wa jenasi Heliosciurus katika kabila Protoxerini la familia Sciuridae. Mkia yao una miviringo myeusi na kahawia au kijivu. Kama kindi wote spishi hizi hupitisha takribani saa zote mitini na huteremka kwa nadra ardhini. Hupatikana mara nyingi wakipumzika juani, sababu ya jina lao. Wanatokea misitu ya Afrika ya Magharibi, ya Kati na ya Mashariki kutoka Senegali mpaka Eritrea na Zimbabwe. Hula mbegu, makokwa, matunda, matumba, machipukizi, wadudu, mayai na mijusi, ndege na wanyama wadogo.

Kindi-jua
Kindi-jua kijivu (Heliosciurus gambianus)
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Ngeli: Mammalia (Wanyama wenye viwele wanaonyonyesha wadogo wao) Oda: Rodentia (Wagugunaji) Nusuoda: Sciuromorpha (Wanyama kama kindi) Familia: Sciuridae (Wanyama walio na mnasaba na kindi) Muirhead, 1819 Nusufamilia: Xerinae (Wanyama wanaofanana na kindi) Osborn, 1910 Kabila: Protoxerini (Wanyama wanaofanana sana na kindi) Jenasi: Heliosciurus Trouessart, 1880
Ngazi za chini
Spishi 6: H. gambianus (Ogilby, 1835) H. mutabilis (Peters, 1852) H. punctatus (Temminck, 1853) H. rufobrachium (Waterhouse, 1842) H. ruwenzorii (Schwann, 1904) H. undulatus (True, 1892)

Spishi

• Heliosciurus gambianus, Kindi-jua Kijivu (Gambian Sun Squirrel)
• Heliosciurus mutabilis, Kindi-jua Kusi (Mutable Sun Squirrel)
• Heliosciurus punctatus, Kindi-jua Mdogo (Small Sun Squirrel)
• Heliosciurus rufobrachium, Kindi-jua Miguu-myekundu (Red-legged Sun Squirrel)
• Heliosciurus ruwenzorii, Kindi-jua wa Ruwenzori (Ruwenzori Sun Squirrel)
• Heliosciurus undulatus, Kindi-jua Mashariki (Zanj Sun Squirrel)

Picha

• 
  Kindi-jua mdogo
• 
  Kindi-jua miguu-myekundu
• 
  Kindi-jua wa Ruwenzori