Isha Ramadhani

Isha Ramadhani (amezaliwa 3 Februari 1982) ni mwimbaji na mtunzi mahiri wa nyimbo za taarab kutoka nchini Tanzania.

Isha Ramadhani
Isha Ramadhani akitumbuiza
Maelezo ya awali
Jina la kuzaliwa	Isha Ramadhani
Pia anajulikana kama	Isha Mashauzi Mamaa wa Mashauzi Mamaa Ina-Hu
Amezaliwa	3 Februari 1982 (1982-02-03) (umri 43)
Asili yake	Mwanza Tanzania
Aina ya muziki	Taarab
Miaka ya kazi	2006-hadi leo
Ame/Wameshirikiana na	Mzee Yusuf MC Babu Ayubu

Anafahamika sana kwa kuwa mmoja kati ya walioanzisha kundi zima la taarab la Jahazi Modern Taarab. Kundi ambalo linaongozwa na Mzee Yusuf. Bi. Isha alizaliwa mkoani Mwanza, akiwa mtoto wa kwanza kati ya watoto watano katika familia yake. Alisoma shule ya msingi Mnazi Mmoja huko jijini Dar es Salaam kuanzia mwaka wa 1990 hadi 1996 alipomaliza darasa la saba.

Kwa bahari nzuri, kabahatika kuchaguliwa kuendelea na masomo ya sekondari, lakini aliishia kidato cha pili shuleni hapo kwa kutokana na matatizo mbalimbali ya kifamilia. Isha, ambaye ni mwenyeji wa mkoa wa Mara, hivi sasa ameolewa na ana watoto wawili. Anaishi na familia yake maeneo ya Tandale, Dar es Salaam.

Muziki

Mara yake ya kwanza kupanda jukwaani na kuimba na kundi la Jahazi, ilikuwa kwenye onyesho lililofanyika kwenye ukumbi wa bwalo la maofisa wa polisi, Oysterbay, Dar es Salaam. Katika onyesho hilo, aliimba wimbo wa "Hayanifiki" ambao umempatia umaarufu kwa kiasi kikubwa na kumfanya atambulike kwenye ulimwengu wa muziki wa taarab nchini Tanzania. Tangu hapo, akawa anashiriki kwenye vibao kadha wa kadha. Kibao hicho kilitungwa na Mzee Yusuf.

Miaka miwili baadaye, alifanikiwa kutunga wimbo wake mwenyewe, unaotambulika kwa jina la "Ya Wenzenu Midomo Juu". Wimbo ambao unapatikana kwenye albamu ya "VIP", ambayo ni ya nne kwa Jahazi. Wimbo huo ulimfanya awe juu na kuweza kupata mashabiki wengi zaidi kwenye ulimwengu wa mipasho.^[1]

Maisha binafsi