Juma Nature

Juma Kassim Ally, anayejulikana zaidi kama Juma Nature au Sir Nature (alizaliwa Dar es Salaam mwaka 1980), ni mwanamuziki wa aina ya Bongo Flava na Hip Hop kutoka Tanzania. Ni mwanzilishi wa kundi maarufu la TMK Wanaume Family.

Juma Nature
Juma Nature
Maelezo ya awali
Jina la kuzaliwa	Juma Kassim Ally
Pia anajulikana kama	Sir. Nature Kibla Msitu wa Vina Jitu la Maneno ya Shombo
Amezaliwa	1980
Kazi yake	Rapa
Miaka ya kazi	1997 - hadi leo
Studio	Bongo Records Sound Crafters Records Mj Records
Ame/Wameshirikiana na	Dknob Mh Temba Dark Master TID Solo Thang Professor Jay AY Inspector Haroun Chegge Mandojo na Domokaya Zay B.

Juma Nature ni msanii mbunifu ambaye si mtunzi wa mashairi tu, bali pia ana kipaji cha kipekee kinachochangiwa na sauti yake nzuri ya uimbaji. Moja ya sababu zinazoufanya muziki wake kupendwa sana Afrika Mashariki ni mashairi yake yenye maana na ujumbe wa kina. Miongoni mwa nyimbo zake zilizompa heshima kubwa kitaifa ni Umoja wa Tanzania, wimbo uliolenga kupatanisha mgogoro wa kisiasa kati ya vyama vya CCM na CUF. Mbali na wimbo huo, Nature ametoa nyimbo nyingi zenye mafunzo na ujumbe wa kizalendo kwa Taifa. ^[1][2]

Albamu alizotoa

• Nini Chanzo (2010).
• Ugali (2010).
• Ubinadamu-Kazi (2005).
• Zote History (2006).