Nikodemo

Nikodemo (kwa Kigiriki Νικόδημος, Nikodemos) alikuwa mwalimu wa Torati wa madhehebu ya Mafarisayo tena mwanabaraza wa Baraza la Israeli katika karne ya 1 BK.

Nikodemo akisaidia kushusha maiti ya Yesu kutoka msalabani (Pietà, sanamu iliyochongwa na Michelangelo).

Anaheshimiwa na Wakristo wengi kama mtakatifu, ingawa sikukuu yake inaadhimishwa katika tarehe tofautitofauti, hasa tarehe 31 Agosti^[1].

Nikodemo katika Injili

Anajulikana kwa sababu ya kutajwa mara kadhaa katika Injili ya Yohane,^[2] kama mtu aliyevutiwa na Yesu Kristo ingawa aliogopa maneno ya Wayahudi wenzake.

Ndiyo sababu alimtembelea usiku ili kumuuliza maswali ya dini yao bila kujulikana (Yoh 3:1–21).

Baadaye katika baraza alimtetea Yesu kwamba si haki kuhukumu mtu bila kumsikiliza kwanza, lakini alinyamazishwa (Yoh 7:50–51).

Hatimaye alimsaidia Yosefu wa Arimataya, ambaye alitarajia Ufalme wa Mungu uliotangazwa na Yesu, akachukua jukumu la kumzika (Yoh 19:39–42) ^[3].

Nikodemo katika picha

• 
  Nicodemus (left) talking to Jesus, by Henry Ossawa Tanner
• 
  Christus und Nicodemus, by Fritz von Uhde (1848–1911)
• 
  Entombment, by Tizian
• 
  Jesus and Nicodemus by Crijn Hendricksz, 1616–1645
• 
  Cima da Conegliano, Nicodemus with Christ's body, Apostle John on the right and Mary to left.
• 
  Entombment, by Pietro Perugino, with Nicodemus and Joseph from Arimatea
• 
  Nicodemus (right) talking to Jesus, by William Brassey Hole, (1846–1917)
• 
  Tanner - Nicodemus coming to Christ II

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko