Paulo wa Tebe

Paulo wa Tebe (230 hivi - Jangwa la Thebe, 5 Januari 342) anakumbukwa kama mkaapweke wa Kikristo wa kwanza nchini Misri.

Picha ya Kikopti ya Paulo wa Tebe.

Paulo wa Tebe, José de Ribera, 1640.

Mt. Antoni abati na Mt. Paulo Mkaapweke walivyochorwa na Diego Velázquez, 1635 hivi - Museo del Prado, Madrid (Hispania).

Mt. Antoni abati na Mt. Paulo Mkaapweke.

Anaheshimiwa na Wakatoliki na Waorthodoksi tangu zamani sana kama mtakatifu.

Sikukuu yake inaadhimishwa kila tarehe 10 Januari^[1] au 15 Januari^[2].

Maisha

Chanzo cha habari kuhusu maisha yake ni kitabu cha Jeromu, Vita Sanctii Pauli primi eremitae, kilichoandikwa katika nusu ya pili ya karne IV.

Wakati wa dhuluma ya Kaisari Decius, Paulo, kijana msomi na tajiri wa Misri, alilazimika kukimbia mji wake na kwenda jangwani kisha kushtakiwa na jamaa zake (waliotamani kujipatia mali yake) kuwa ni Mkristo.

Baada ya dhuluma hiyo kali kwisha mapema, Paulo hakurudi nyuma, bali aliendelea kuishi upwekeni hadi kifo chake.

Alipokaribia kufa alitembelewa na Antoni Abati, akamuomba amzike amefunikwa joho alilopewa na Atanasi wa Aleksandria.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Mababu wa jangwani