Sila

Sila au Siluano (kwa Kigiriki: Σίλας / Σιλουανός; karne ya 1 AD) ni mmojawapo kati ya viongozi muhimu zaidi wa Kanisa la mwanzo huko Yerusalemu^[1].

Kutoka huko alitumwa mara nyingi kwa Wakristo wasio Wayahudi kushughulikia matatizo mbalimbali (kuanzia Mdo 15:22) akawa mwenzi wa Mtume Paulo katika safari za kimisionari (kuanzia Mdo 16:25) akatimiza hadi mwisho huduma zake kwa neema ya Mungu na bidii isiyokubali kuchoka.

Anatajwa na Paulo katika barua mbalimbali (k.mf. 2Kor 1:19).

Hatimaye alimsaidia Mtume Petro kuandika waraka yake wa kwanza (1 Pet 5:12).^[2]

Anaheshimiwa na madhehebu mengi ya Ukristo kama mtakatifu, ila tarehe ya sikukuu yake ni tofautofauti. Kwa Wakatoliki ni tarehe 13 Julai^[3].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko