இந்திய ரூபாய்க் குறியீடு

இந்திய ரூபாய்க் குறியீடு (₹) என்பது இந்தியாவின் அதிகாரப்பூர்வ நாணயமான இந்திய ரூபாயின் பணக் குறியீடு ஆகும். இந்தக் குறியீடு இந்திய மக்களிடையே நடத்தப்பட்ட ஒரு திறந்த போட்டியின் மூலம் தேர்வு செய்யப்பட்டது. இந்த வடிவமைப்பு இந்திய அரசுக்கு 15 சூலை, 2010 அன்று அளிக்கப்பட்டது.^[1] இந்திய ரூபாய்க் குறியீடு தேவநாகரி எழுத்தான "र" (ர) என்பதையும் இலத்தீன் எழுத்தான "R" என்பதையும் இணைத்து உருவாக்கப்பட்டதாகும். ஒருங்குறி எழுத்துருத் தொகுதியில் U+20B9 என்ற இடத்தில் இக்குறியீடு வைக்கப்பட்டுள்ளது.

₹
இந்திய ரூபாய்க் குறியீடு
ஒருங்குறியில்	U+20B9 ₹ இந்திய ரூபாய்க் குறியீடு (HTML ₹)
நாணயம்
நாணயம்	இந்திய ரூபாய்
தொடர்புடையது
மேலும் பார்க்கவும்	U+20A8 ₨ (இலங்கை, பாக்கித்தான் மற்றும் நேபாளம்)
பகுப்பு

இந்திய ரூபாய்க் குறியீடு

தோற்றம்

மார்ச்சு 5, 2009 அன்று இந்திய அரசு இந்திய ரூபாய்க்கு ஒரு குறியீடு உருவாக்கும் போட்டியை அறிவித்தது.^[2][3] 2010ஆம் ஆண்டு இந்திய வரவுசெலவுத் திட்டக் கணக்கின்போது நிதியமைச்சர் பிரணாப் முகர்ஜி இந்திய ரூபாய்க்குக் குறியீடு என்பதை முன்மொழிந்தார். அக்குறியீடு இந்தியாவின் பண்பாட்டையும் பாரம்பரியத்தையும் கலாச்சாரத்தையும் பறைசாற்றுவதாகவும் இருக்கவேண்டும் என்று குறிப்பிட்டிருந்தார்.^[4] நந்திதா கொர்ரீய-மெக்ரோத்ரா, இத்தேஷ் பத்மசாலி, சிபின் கேகே, சாருக் ஜே இரானி, த. உதயகுமார் ஆகிய ஐந்து பேரது குறியீடுகள் அமைச்சரவைப் பரிந்துரைக்கு அனுப்பட்டன.^[5][6][6] இந்தப் போட்டியில் மொத்தம் 3331 குறியீடுகள் பெறப்பட்டன. இதிலிருந்து இவர்கள் ஐந்து பேரது குறியீடுகள் மட்டும் இறுதிச் சுற்றுக்கு சூன் 24, 2010 அன்று நடைபெற்ற அமைச்சரவைக் கூட்டத்தில் தேர்ந்தெடுக்கப்பட்டன.^[7] இறுதியாக சூலை 15, 2010 அன்று அமைச்சரவைக் கூட்டத்தில்^[1] த. உதயகுமார் உருவாக்கிய குறியீடு இறுதிப்படுத்தப்பட்டது.^[1][8] த. உதயகுமார் திமுக தலைவர் ஒருவரது மகனாவார்.^[9] இவர் குவகாத்தியிலுள்ள இந்தியத் தொழில்நுட்பக் கழகத்தில் துணைப்பேராசிரியராகப் பணிபுரிகிறார்.

மேலும் பார்க்க

புதிய இந்திய ரூபாய்க் குறியீட்டுடன் இரண்டு ரூபாய் நாணயம்

தங்கள் நாட்டுப் பணத்திற்கு பன்னாட்டுக் குறியீடுகளைக் கொண்டுள்ள சில நாடுகள்;

1. அமெரிக்கா -டாலர் ($)
2. ஐரோப்பா -யூரோ (€)
3. ஜப்பான் -யென் (¥)
4. கியூபா -பெசோஸ்
5. கொரியா -வான்
6. லாவோஸ் -கிப்ஸ்
7. கோஸ்டாரிக்கா -கொலோன்
8. சுவிட்சர்லாந்து -பிராங்க்
9. நைஜீரியா -நைராஸ்
10. மங்கோலியா -டக்ரிஸ்
11. உக்ரைன் -இர்வினா
12. தாய்லாந்து -பாக்ட்
13. துருக்கி -லிராஸ்
14. தென்னாப்பிரிக்கா -ரான்ட்