இளைய மெம்னோன் சிற்பம்

இளைய மெம்னோன் சிற்பம் (Younger Memnon) பண்டைய எகிப்தின் தெற்கில் அமைந்த தீபை நகரத்தின் ராமேசியம் கட்டிடத் தொகுதியில் கண்டெடுக்கப்பட்ட இரண்டு கருங்கல் சிற்பங்கள் ஆகும். இதன் காலம் ஏறத்தாழ கிமு 1270 ஆகும். இது எகிப்தின் 19-ஆம் வம்ச பார்வோன் இரண்டாம் ராமேசசின் உடைந்த சிற்பப் பகுதி ஆகும்.

இளைய மெம்னோன் சிற்பத் தலை

இளைய மெம்னோன் சிற்பம் (இரண்டாம் ராமேசஸ்), ராமேசியம்
செய்பொருள்	கருங்கல்
அளவு	உயரம்:267 cm (105 அங்) அகலம்:203 cm (80 அங்)
உருவாக்கம்	ஏறத்தாழ கிமு 1270
காலம்/பண்பாடு	எகிப்தின் 19-ஆம் வம்சம்
இடம்	ராமேசியம் வாசல்
தற்போதைய இடம்	பிரித்தானிய அருங்காட்சியகம் அறை எண் 4 இலண்டன்
அடையாளம்	EA 19

ராமேசியத்தில் தற்போதும் உள்ள இளைய மெம்னோன் சிற்பம்

ராமேசியத்தில் நிறுவப்பட்ட ஒரே கருங்கல்லில் நிறுவப்பட்ட இரண்டு இளைய மெம்னோன் சிற்பங்களில் இதுவும் ஒன்றாகும். இச்சிற்பம் 2.7 மீட்டர் உயரமும், 2 மீட்டர் அகலமும் (இரு தோள்களுக்கு இடையே), 7.25 டன் எடையும் கொண்டது. இதில் ஒரு சிற்பம் பிரித்தானிய அருங்காட்சியகத்தில் காட்சிக்கு வைக்கப்பட்டுள்ளது.^[1][2]மற்றொரு சிற்பம் எகிப்தின் ரமேசியத்தில் உள்ளது.