ஒசூர் மாநகர மேயர்கள் பட்டியல்
ஒசூர் மேயர்கள் பட்டியல் From Wikipedia, the free encyclopedia
Remove ads
ஒசூர் மேயர் (Mayor of Hosur) என்பவர் தமிழ்நாட்டிலுள்ள ஒசூர் மாநகரின் முதல் குடிமகன் ஆவார். தேர்ந்தெடுக்கப்பட்ட மேயர் என்ற பதவிக்குரியவரான இவர் ஓசூர் மாநகராட்சியின் 45 மாமன்ற உறுப்பினர்களின் ஒத்துழைப்புடன் நகரத்தின் தலைமை நிர்வாகியாக பொறுப்பு வகிக்கிறார்.
தமிழ்நாட்டில் 2006-ஆம் ஆண்டு மேயரை மக்களே நேரடியாகத் தேர்ந்தெடுக்கும் முறை நீக்கப்பட்டது. தமிழ்நாடு தேர்தல் ஆணையத்தின் பரிந்துரையின் பேரில் 2011 ஆம் ஆண்டு நேரடித் தேர்தல் முறை மீண்டும் கொண்டுவரப்பட்டது.[1] ஆனால் 2022 ஆண்டு நடந்த மாநகராட்சித் தேர்தலில் மேயர்களை மறைமுகமாக தேர்ந்தெடுக்கும் முறை மீண்டும் கொண்டுவரப்பட்டது.
நகராட்சியாக இருந்த ஒசூர் 2019 பெப்ரவரி மாதம் மாநகராட்சியாக தரம் உயர்த்தப்பட்டது. ஆனாலும் தமிழ்நாட்டின் பிற மாநகரங்களைப் போலவே ஒசூர் மேயர் பதவியும் காலியாகவே இருந்தது. 2022 நகர்ப்புற உள்ளாட்சித் தேர்தலைத் தொடர்ந்து திராவிட முன்னேற்றக் கழகத்தை (திமுக) சேர்ந்த எஸ். ஏ. சத்யா, ஒசூரின் முதல் மேயராக 4 மார்ச் 2022 அன்று பதவியேற்றார்.[2]
Remove ads
ஒசூர் உள்ளாட்சி அமைப்பின் வரலாறு
தேர்வு நிலை பேரூராட்சியாக இருந்த ஒசூர், 1992 ஆம் ஆண்டு இரண்டாம் நிலை நகராட்சியாக மேம்படுத்தப்பட்டது. 1998 இல் தேர்வு நிலை நகராட்சியானது. 2011 ஆண்டு மத்திகிரி பேரூராட்சி, சூசூவாடி, மூக்கண்டபள்ளி, ஆவலப்பள்ளி, சென்னத்தூர் ஆகிய ஊராட்சிகள் ஒசூர் நகராட்சியுடன் இணைக்கப்பட்டு சிறப்பு நிலை நகராட்சியாக தரம் உயர்த்தப்பட்டது.[3] 2019 பெப்ரவரி மாதம் அச்செட்டிபள்ளி ஊராட்சி, பேகேபள்ளி ஊராட்சி, சென்னசந்திரம் ஊராட்சி, கொத்தகொண்டபள்ளி ஊராட்சி, ஒன்னல்வாடி ஊராட்சி, நல்லூர் ஊராட்சி, தொரபள்ளி அக்ரஹாரம் ஊராட்சி, பேரண்டப்பள்ளி ஊராட்சி உள்ளிட்ட எட்டு ஊராட்சிகள் ஒசூருடன் இணைக்கப்பட்டு, மாநகராட்சியாக தரம் உயர்த்தப்பட்டது. இதனைமூலம் ஒசூர் மாநகரின் பரப்பளவானது 200 சதுர கிலோமீட்டர் சுற்றளவுக்கு விரிவடைந்தது.[4]
Remove ads
ஊராட்சித் தலைவர்கள் பட்டியல்
பேரூராட்சித் தலைவர்கள் பட்டியல்
நகராட்சித் தலைவர்கள் பட்டியல்
Remove ads
மேயர்கள் பட்டியல்
மேற்கோள்கள்
Wikiwand - on
Seamless Wikipedia browsing. On steroids.
Remove ads