சங்கராபுரம்

சங்கராபுரம் (ஆங்கிலம்:Sankarapuram), இந்தியாவின் தமிழ்நாடு மாநிலத்தில் அமைந்துள்ள கள்ளக்குறிச்சி மாவட்டத்தில் உள்ள சங்கராபுரம் வட்டம் மற்றும் சங்கராபுரம் ஊராட்சி ஒன்றியம் ஆகியவற்றின் தலைமையிடமும், பேரூராட்சியும் ஆகும். சங்கராபுரம் நகரம் முந்தைய தென் ஆற்காடு மாவட்டத்தில் ஒரு பகுதியாக இருந்தது.

சங்கராபுரம்
—  பேரூராட்சி  —
சங்கராபுரம் அமைவிடம்: சங்கராபுரம், தமிழ்நாடு , இந்தியா
ஆள்கூறு	11°53′22″N 78°54′50″E
நாடு	இந்தியா
மாநிலம்	தமிழ்நாடு
மாவட்டம்	கள்ளக்குறிச்சி
வட்டம்	சங்கராபுரம் வட்டம்
ஆளுநர்	ஆர். என். ரவி[1]
முதலமைச்சர்	மு. க. ஸ்டாலின்[2]
மாவட்ட ஆட்சியர்	எம். எசு. பிரசாந்த், இ. ஆ. ப
சட்டமன்றத் தொகுதி	சங்கராபுரம்
சட்டமன்ற உறுப்பினர்	டி. உதயசூரியன் (திமுக)
மக்கள் தொகை • அடர்த்தி	15,664 (2011[update]) • 1,350/km2 (3,496/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	11.60 சதுர கிலோமீட்டர்கள் (4.48 sq mi)
குறியீடுகள் • அஞ்சல் குறியீட்டு எண் • 606401 • தொலைபேசி • +91 • வாகனம் • TN-15
இணையதளம்	www.townpanchayat.in/sankarapuram

அமைவிடம்

சங்கராபுரம் பேரூராட்சி கள்ளக்குறிச்சி மாவட்டத்தில் உள்ளது.இதன் கிழக்கில் திருக்கோவிலூர் 35 கி.மீ.; மேற்கில் கல்வராயன்மலை 35 கி.மீ.; வடக்கில் திருவண்ணாமலை 47 கி.மீ.;கள்ளக்குறிச்சி 18 கி.மீ. தொலைவில் உள்ளது.

பேரூராட்சியின் அமைப்பு

11.60 ச.கி.மீ. பரப்பும், 15 பேரூராட்சி மன்ற உறுப்பினர்களையும், 41 தெருக்களையும் கொண்ட இப்பேரூராட்சி, சங்கராபுரம் (சட்டமன்றத் தொகுதி)க்கும் மற்றும் கள்ளக்குறிச்சி மக்களவைத் தொகுதிக்கும் உட்பட்டது.^[3][4]

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 3,539 வீடுகளும், 15,664 மக்கள்தொகையும் கொண்டது. மேலும் இப்பேரூராட்சியின் எழுத்தறிவு 79.8%மற்றும் பாலின விகிதம் 1,000 ஆண்களுக்கு, 1,004 பெண்கள் வீதம் உள்ளனர். 6 வயதிற்குட்பட்ட குழந்தைகளின் பாலின விகிதம் 1000 ஆண் குழந்தைகளுக்கு, 935 பெண் குழந்தைகள் வீதம் உள்ளனர். பட்டியல் சாதியினரும் பட்டியல் பழங்குடியினரும் முறையே 2,304 மற்றும் 87 ஆகவுள்ளனர்.^[5]