சௌக்கிட் நிலையம்

சௌக்கிட் நிலையம் அல்லது சௌக்கிட் மோனோரெயில் நிலையம் (ஆங்கிலம்: Chow Kit Station; மலாய்: Stesen Monorel Chow Kit; சீனம்: 周杰站) என்பது மலேசியா, கோலாலம்பூர், சௌக்கிட், பகாங் சாலை, ஈப்போ சாலை, துவாங்கு அப்துல் ரகுமான் சாலை ஆகிய சாலைகளில் கோலாலம்பூர் மோனோரெயில் வழித்தடத்தில் (KL Monorail) அமைந்துள்ள ஓர் ஒற்றைத் தண்டூர்தி நிலையமாகும்.

MR10  சௌக்கிட் நிலையம்
| ஒற்றைத் தண்டூர்தி Chow Kit Station
சௌக்கிட் நிலையம் (2023)
பொது தகவல்கள்
அமைவிடம்	பகாங் சாலை, ஈப்போ சாலை, துவாங்கு அப்துல் ரகுமான் சாலை, சௌக்கிட், கோலாலம்பூர், மலேசியா
ஆள்கூறுகள்	3°10′2″N 101°41′53″E
உரிமம்	கேஎல் இன்பரா
இயக்குபவர்	ரேபிட் ரெயில்[1]
தடங்கள்	8  கோலாலம்பூர் மோனோ
நடைமேடை	2 பக்க நடைமேடைகள்
இருப்புப் பாதைகள்	2
இணைப்புக்கள்	170  171  173  180  190  191  GOKL 03  GOKL 08  GOKL 12
கட்டமைப்பு
கட்டமைப்பு வகை	MR10  உயர்த்திய நிலையம்
தரிப்பிடம்	இல்லை
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	MR10  கோலாலம்பூர் மோனோ
வரலாறு
திறக்கப்பட்டது	31 ஆகத்து 2003
சேவைகள்
முந்தைய நிலையம்   ரேபிட் கேஎல்   அடுத்த நிலையம்     மேடான் துவாங்கு கேஎல் சென்ட்ரல்   கோலாலம்பூர் மோனோ   தித்திவங்சா நிலையம் முடிவிடம்
அமைவிடம்

இந்த நிலையம் பகாங் சாலை; மற்றும் ஈப்போ சாலை ஆகியவற்றின் தெற்கு முனைகளில் அமைந்துள்ளது. அத்துடன் துவாங்கு அப்துல் ரகுமான் சாலையின் வடக்கு முனை சந்திப்புப் புள்ளியின் மேல் அமைந்துள்ள இந்த நிலையத்திற்கு சௌக்கிட் எனும் புறநகர்ப் பகுதியின் பெயர் வழங்கப்பட்டு உள்ளது. துவாங்கு அப்துல் ரகுமான் சாலையின் கீழே செல்லும் இந்த மோனோரயில் பாதை சுல்தான் இசுமாயில் சாலை வரை சென்று, பின்னர் கிழக்கு நோக்கித் திரும்புகிறது.

பொது

இந்த நிலையம் ஆகத்து 31, 2003 (மலேசிய விடுதலை நாள்) அன்று; மற்ற மோனோரெயில் நிலையங்களுடன் திறக்கப்பட்டது.^[2] இந்த நிலையத்தின் அமைவிடம் காரணமாக, பொதுவாக நெரிசல் நேரங்களில்; பொது விடுமுறை நாட்கள், வார இறுதி நாட்கள்; மற்றும் பள்ளி விடுமுறை நாட்களில் இந்த நிலையம் பரபரப்பாக இருக்கும். ஏனெனில் பயணிகள் பலர் சௌக்கிட் மையப் பகுதியை அடைய இந்த நிலையத்தைப்ப் பயன்படுத்துகிறார்கள்.

மேலும் இந்த நிலையம் பல அங்காடிக் கடைகள் மற்றும் வணிக நிறுவனங்களுக்கு அருகிலும் அமைந்துள்ளது.

சௌக்கிட்

சௌக்கிட் (Chow Kit) என்பது மலேசியா, கோலாலம்பூர் மாநகரத்தில் உள்ள துணை மாவட்டம் ஆகும். இது சௌக்கிட் சாலையில் உள்ளது. சௌக்கிட் சாலையின் இரு புறமும் ராஜா லாவுட் சாலை, துவாங்கு அப்துல் ரகுமான் சாலை என இரு சாலைகள் இணையாகச் செல்கின்றன.

முன்பு காலத்தில் சௌக்கிட் பகுதியில் லோக் சௌக்கிட் (Loke Chow Kit) எனும் ஈயத் தொழில் செல்வந்தர் இருந்தார். அவர் அப்போதைய பிரித்தானிய மலாயா அரசாங்கத்தில் நகராட்சி மன்ற உறுப்பினராகவும் பதவி வகித்தார். அவர் பல தார்மீகப் பணிகளில் ஈடுபட்டு மக்களுக்கு உதவிகள் செய்தார். அவரின் நினைவாக அப்பகுதிக்கு சௌக்கிட் என்று பெயர் வைக்கப்பட்டது.

அருகாமை நிலயங்கள்

அருகாமையில் உள்ள நிலையங்கள்:^[3]

• 6 புக்கிட் பிந்தாங் மோனோரெயில் நிலையம்
• 7 ராஜா சூலான் நிலையம்
• 8 புக்கிட் நானாஸ் நிலையம்
• 9 மேடான் துவாங்கு நிலையம்; →  KJ12  டாங் வாங்கி எல்ஆர்டி நிலையம் 5 கிளானா ஜெயா வழித்தடம் (300 மீட்டர்)

நிலைய தள அமைப்பு

L2	தள நிலை	பக்க மேடை
		தளம் 1 8 கோலாலம்பூர் மோனோரெயில் →  MR11  கோலாலம்பூர் சென்ட்ரல் (மேடான் துவாங்கு) (→)
		தளம் 2 8 கோலாலம்பூர் மோனோரெயில் →  MR1  தித்திவங்சா நிலையம் (←)
		பக்க மேடை
L1	இணைப்புவழி	கட்டணம் கட்டுப்பாடு, பயணச்சீட்டு தானியங்கி, நிலையக் கட்டுப்பாடு, இணைப்புவழி, கட்டணமில்லாத பகுதி, நகரும் பாதை ⇌ தெரு நிலை. நுழைவாயில் B
G	தெரு நிலை	துவாங்கு அப்துல் ரகுமான் சாலை; கடைகள், வாடகை வாகனங்கள் முனையம், பாதசாரி கடப்பு. நுழைவாயில் A & C

இந்த நிலையத்தில் 2 வெளியேறும் வழிகள் உள்ளன. ஒரு வழி துவாங்கு அப்துல் ரகுமான் சாலையின் வடக்கு முனையின் மேற்குப் பக்கத்தில் உள்ளது; மற்றொன்று ராஜா மூடா சாலைக்கு கிழக்குத் திருப்பத்தில் உள்ளது.

காட்சியகம்

சௌக்கிட் நிலையக் காட்சிப் படங்கள் (2023):

• 
• 
• 
• 
• 

மேலும் காண்க

• துன் சம்பந்தன் நிலையம்
• துவாங்கு அப்துல் ரகுமான் சாலை
• இம்பி நிலையம்
• ராஜா சூலான் நிலையம்
• மகாராஜாலேலா நிலையம்