தகதிமிதா
சுந்தர் சி. இயக்கத்தில் 2005 ஆம் ஆண்டு வெளிவந்த தமிழ்த் திரைப்படம் From Wikipedia, the free encyclopedia
Remove ads
தகதிமிதா (Thaka Thimi Tha) என்பது 2005 ஆம் ஆண்டைய இந்திய தமிழ்த் திரைப்படமாகும். இப்படத்தை சுந்தர் சி. இயக்க, புதுமுகங்களான யுவ கிருஷ்ணா மற்றும் அங்கிதா ஆகியோர் முக்கிய கதாபாத்திரங்களில் நடித்துள்ளனர்.[1][2]
Remove ads
கதை
கிருஷ்ணா (யுவ கிருஷ்ணா) விவேக் (விவேக்) என்பவருக்கு சொந்தமான உணவகத்தில் பணிபுரிகிறார். காயத்ரி (அங்கிதா) ஒரு வானொலி அறிவிப்பாளர். இவர்கள் அண்டை வீட்டுக்காரர்கள். இவர்களது இரு குடும்பங்களுக்கு இடையில் சண்டை தோன்றுகிறது. என்றாலும் இவர்களது குடும்பங்கள் பின்னர் நட்பு கொள்கின்றன. இந்த இரு குடும்பத்தாரும் தங்கள் இளம் பிள்ளைகளுக்கு இடையே திருமணத்தை ஏற்பாடு செய்விக்க முடிவு செய்கிறார்கள், ஆனால் அவர்கள் இருவரும் இதற்கு மறுக்கிறார்கள். விவேக் அவர்களுக்கு இதற்கான காரணத்தை சொல்கிறார்.
கிருஷ்ணாவும் காயத்ரியும் கல்லூரியில் ஒருவருக்கொருவர் காதலித்தனர். அப்போது, அவர்களுக்கிடையே சண்டை தோன்றி இருவரும் தங்கள் காதலை முறித்துக்கொண்டனர். கல்லூரி படிப்பை முடித்ததும் காயத்ரியின் குடும்பம் யுவாவின் வீட்டுக்கு எதிரே உள்ள வீட்டிற்கு குடிவந்தது.
அவர்களது இரு குடும்பத்தாரும் விவேக்கும் அவர்களிருவரும் மீண்டும் ஒன்று சேர முயற்சி செய்கிறார்கள். இதற்கிடையில் காயத்திரியின் உறவினராக ஸ்ரீ (சிறீமன்) அவளது மனதை தன்வசமாக்க முயற்சிக்கிறார். காயத்ரி ஸ்ரீயை திருமணம் செய்துகொள்ள ஒப்புக்கொள்கிறாள். தங்கள் கல்லூரி நண்பரின் திருமணத்திற்காக, கிருஷ்ணாவும் காயத்ரியும் செல்கின்றனர். விவேக்கும், அவர்களது கல்லூரி தோழர்கள் கிருஷ்ணாவையும் காயத்ரியையும் மீண்டும் ஒன்றாக்க முயற்சிக்கிறார்கள். கிருஷ்ணருக்கு மன மாற்றம் ஏற்படுகிறது. அவன் ஒரு பாடலால் அவளை சமாதானப்படுத்துகிறான், முடிவில் இருவரும் சமரசம் ஆகிறார்கள்.
Remove ads
நடிகர்கள்
- கிருஷ்ணாவாக யுவ கிருஷ்ணா
- காயத்திரியாக அங்கீதா
- விவேக்காக விவேக்
- கிருஷ்ணாவின் தாத்தாவாக ம. சு. விசுவநாதன்
- கிருஷ்ணவின் தந்தையாக ராஜீவ்
- பாலாவாக மனோபாலா
- ஸ்ரீயாக சிறீமன்
- கிருஷ்ணாவின் நண்பன் சேவாக்காக சாய் பிரசாந்த்
- கிருஷ்ணாவின் நண்பன் தேவாக தேவா ஆனந்த்
- கிருஷ்ணாவின் நண்பனாக தீபக் தினகர்
- கிருஷ்ணாவின் நண்பனாக பப்லு
- தேவதாசாக மதன் பாப்
- விச்சுவாக விச்சு விசுவநாத்
- ஸ்ரீயின் உறவினராக சிங்கமுத்து
- ஸ்ரீயின் உறவினராக பெரிய கருப்பு தேவர்
- கிருஷ்ணாவின் தாயாக நிரோஷா
- காயத்திரியின் தாயாக தேவிஸ்ரீ
- சாந்தியாக தேஜாஸ்ரீ
- ஜுலியாக ஜுலி
- அரியம்மாளாக பரவை முனியம்மா
- ரதி வர்மணாக சாபர் கான்
- ரமாவாக சகீலா
- காவல்காரராக செல்லதுரை
- முருகனாக செல் முருகன்
- பூசாரியாக வெள்ளை சுப்பையா
Remove ads
இசைப்பதிவு
இப்படத்திற்கு டி. இமான் இசையமைத்தார்.[3][4]
வெளியீடு
குறைந்த செலவில் எடுகப்பட்ட படங்களான கிரிவலம் மற்றும் குருதேவா ஆகியவை வெளிவந்தபோது அவற்றுடன் வெளியான இப்படம் நல்ல வரவேற்பைப் பெறவில்லை.[5]
குறிப்புகள்
Wikiwand - on
Seamless Wikipedia browsing. On steroids.
Remove ads