தென்கிழக்கு ஆசிய விளையாட்டுகள்

தென்கிழக்கு ஆசிய விளையாட்டுகள், (மலாய்: Sukan Asia Tenggara; ஆங்கிலம்: Southeast Asian Games) என்பது தென்கிழக்கு ஆசியாவின் தற்போதைய 11 நாடுகளை உள்ளடக்கிய ஒரு விளையாட்டு நிகழ்வு. இரண்டு ஆண்டுகளுக்கு ஒருமுறை நடைபெறுகிறது.

தென்கிழக்கு ஆசிய விளையாட்டுகள்

தென்கிழக்கு ஆசிய விளையாட்டு கூட்டமைப்பு சின்னம்
சுருக்கம்	சி விளையாட்டுகள் SEA Games
முதல் நிகழ்வு	1959 தென்கிழக்கு ஆசிய தீபகற்ப விளையாட்டுகள்; பாங்காக், தாய்லாந்து
ஒவ்வொரு	2 ஆண்டுகள்
காரணம்	தென்கிழக்கு ஆசிய துணைக்கண்டத்தில் உள்ள நாடுகளுக்கான விளையாட்டு நிகழ்வு
தலைமையகம்	பாங்காக், தாய்லாந்து
தலைவர்	சாரூக் அரிச்சகரன்
இணையதளம்	SEAGFOffice.org

இந்தத் தென்கிழக்கு ஆசிய விளையாட்டுகளைச் சுருக்கமாக ‘சி’ விளையாட்டுகள் (SEA Games) என்று அழைக்கிறார்கள்.

தென்கிழக்கு ஆசிய விளையாட்டுகள் நிகழ்வு, தென்கிழக்கு ஆசிய விளையாட்டு சம்மேளனத்தின் (Southeast Asian Games Federation) கட்டுப்பாட்டின் கீழ் உள்ளது. அதே வேளையில் அனைத்துலக ஒலிம்பிக் மன்றம் (IOC - International Olympic Committee) மற்றும் ஆசிய ஒலிம்பிக் மன்றம் (Olympic Council of Asia - OCA) ஆகியவற்றின் மேற்பார்வையிலும் உள்ளது.

ஆசிய ஒலிம்பிக் மன்றத்தின் ஐந்து துணைப் பிராந்திய விளையாட்டு அமைப்புகளில் ஒன்றாக தென்கிழக்கு ஆசிய விளையாட்டுகள் விளங்குகிறது. மற்றவை:

• மத்திய ஆசிய விளையாட்டு (Central Asian Games)
• கிழக்கு ஆசிய இளைஞர் விளையாட்டு (East Asian Youth Games)
• தெற்காசிய விளையாட்டுப் போட்டிகள் (South Asian Games)
• மேற்கு ஆசிய விளையாட்டு (West Asian Games)^[1]
  

வரலாறு

இந்த தென்கிழக்கு ஆசிய விளையாட்டுகள் போட்டி தொடங்கிய காலத்தில தென்கிழக்கு ஆசியத் தீபகற்ப விளையாட்டுகள் (South East Asian Peninsular Games) அல்லது சியாப் விளையாட்டுகள் (SEAP Games) எனும் பெயரில் தொடங்கப்பட்டன.

1958 மே 22-ஆம் தேதி, ஜப்பான், தோக்கியோ நகரில் ஆசிய விளையாட்டுப் போட்டிகள் நடைபெற்றன. அந்தப் போட்டி நிகழ்வில் கலந்து கொண்ட தென்கிழக்கு ஆசிய நாடுகளின் பிரதிநிதிகள் ஒரு விளையாட்டு அமைப்பை நிறுவுவதற்கு ஒப்புக் கொண்டனர்.

தொடக்கக் கால உறுப்பிய நாடுகள்

பர்மா (இப்போது மியான்மர்), கம்பூசியா (இப்போது கம்போடியா), லாவோஸ், மலாயா (இப்போது மலேசியா), தாய்லாந்து மற்றும் வியட்நாம் குடியரசு (தென் வியட்நாம்) ஆகியவை உறுப்பிய நாடுகளாக இருந்தன.

இரண்டு ஆண்டுகளுக்கு ஒருமுறை விளையாட்டுகளை நடத்துவதற்கு 1959 ஜூன் மாதம் அந்த உறுப்பிய நாடுகள் ஒப்புக் கொண்டன.

முதல் சியாப் விளையாட்டுப் போட்டி

ஆறு நாடுகளைச் சேர்ந்த 527-க்கும் மேற்பட்ட விளையாட்டு வீரர்கள்; விளையாட்டு அதிகாரிகளுடன் முதல் சியாப் விளையாட்டுப் போட்டி 1959 டிசம்பர் 12-ஆம் தேதி தொடங்கி 17-ஆம் தேதி வரையில் பாங்காக் நகரில் நடைபெற்றது.

பர்மா (இப்போது மியான்மர்), லாவோஸ், மலாயா, சிங்கப்பூர், தெற்கு வியட்நாம் மற்றும் தாய்லாந்து ஆகிய 12 நாடுகள் பங்கேற்றன.

1975-ஆம் ஆண்டு 8-ஆவது சியாப் விளையாட்டுப் போட்டிகளில், புரூணை, இந்தோனேசியா, பிலிப்பைன்ஸ் ஆகிய நாடுகளைச் சேர்ப்பதற்கு சியாப் கூட்டமைப்பு பரிசீலித்தது.

தென்கிழக்கு ஆசிய விளையாட்டு கூட்டமைப்பு

அந்த நாடுகள் முறைப்படி 1977-ஆம் ஆண்டில் அனுமதிக்கப்பட்டன. அதே ஆண்டு சியாப் கூட்டமைப்பு தென்கிழக்கு ஆசிய விளையாட்டு கூட்டமைப்பு என்று பெயர் மாற்றம் செய்யப்பட்டது. அதுவே தற்சமயம் தென்கிழக்கு ஆசிய விளையாட்டுகள் என்று அழைக்கப் படுகின்றன.

2003-ஆம் ஆண்டு ஹனோய் - ஹோ சி மின் நகரில் நடைபெற்ற 22-ஆவது தென்கிழக்கு ஆசிய விளையாட்டுப் போட்டிகளின் போது கிழக்கு திமோர், அனுமதிக்கப்பட்டது.

தேசிய ஒலிம்பிக் குழுக்கள்

தேசிய ஒலிம்பிக் குழுக்கள்	அறிமுகம்	தேசிய ஒலிம்பிக் குறியீடு	இதர குறியீடுகள்
புரூணை	1977	BRU	BRN
கம்போடியா	1961	CAM	KHM (1972–1976, ISO)
இந்தோனேசியா	1977	INA	IHO (1952), IDN (FIFA, ISO)
லாவோஸ்	1959	LAO
மலேசியா	1959	MAS	MAL (1952 − 1988), MYS
மியான்மர்	1959	MYA	BIR (1948 – 1988), MMR (ISO)
பிலிப்பீன்சு	1977	PHI	PHL (ISO)
சிங்கப்பூர்	1959	SGP	SIN (1959 – 2016)
தாய்லாந்து	1959	THA
கிழக்குத் திமோர்	2003	TLS
வியட்நாம்	1959	VIE	VET (1964), VNM (1968–1976)

தென்கிழக்கு ஆசிய தீபகற்ப விளையாட்டுகள்

ஆண்டு	விளையாட்டு	பொறுப்பு நாடு (நகரம்)
1959	I	பாங்காக்
1961	II	யங்கோன்
1963	ரத்து செய்யப்பட்டது	புனோம் பென்
1965	III	கோலாலம்பூர்
1967	IV	பாங்காக்
1969	V	யங்கோன்
1971	VI	கோலாலம்பூர்
1973	VII	சிங்கப்பூர்
1975	VIII	பாங்காக்

தென்கிழக்கு ஆசிய விளையாட்டுகள்

ஆண்டு	விளையாட்டு	பொறுப்பு நாடு (நகரம்)
1977	IX	கோலாலம்பூர்
1979	X	ஜகார்த்தா
1981	XI	மணிலா
1983	XII	சிங்கப்பூர்
1985	XIII	பாங்காக்
1987	XIV	ஜகார்த்தா
1989	XV	கோலாலம்பூர்
1991	XVI	மணிலா
1993	XVII	சிங்கப்பூர்
1995	XVIII	சியாங் மாய் நகரம்2
1997	XIX	ஜகார்த்தா
1999	XX	பண்டார் ஸ்ரீ பகவான்
2001	XXI	கோலாலம்பூர்
2003	XXII	ஹனோய் - ஹோ சி மின் நகரம்3
2005	XXIII	மணிலா
2007	XXIV	நாகோன் ரட்சசிமா5
2009	XXV	வியஞ்சான்
2011	XXVI	ஜகார்த்தா - பலெம்பாங்6
2013	XXVII	நைப்பியிதோ
2015	XXVIII	சிங்கப்பூர்[2]
2017	XXIX	கோலாலம்பூர்
2019	XXX	டாவோ நகரம்

• ¹ பிலிப்பைன்ஸ்; இந்தோனேசியா விளையாட்டுப் போட்டிகளில் பங்கேற்ற பின்னர் மறுபெயரிடப்பட்டது.
• ² தென்கிழக்கு ஆசிய விளையாட்டுகள் வரலாற்றில் ஒரு தலைநகரம் அல்லாத நகரத்தில் விளையாட்டுகளை நடத்துவது இதுவே முதல் முறை.
• ³ தென்கிழக்கு ஆசிய விளையாட்டுகளின் வரலாற்றில் ஹனோய் மற்றும் ஹோ சி மின் நகரம் ஆகிய இரண்டு நகரங்களில் விளையாட்டு அரங்குகள் அமைவது இதுவே முதல் முறை.
• ⁴ பிலிப்பைன்ஸ் நாட்டின் பல நகரங்களில் விளையாட்டுப் போட்டிகள் நடைபெற்றன
• ⁵ சோன்புரி மற்றும் பாங்காக் நகரங்கள் 24-ஆவது விளையாட்டுப் போட்டிகள் நடைபெறும் இடங்களில் அடங்கும்.
• ⁶ பலெம்பாங் விளையாட்டுகளின் முதன்மையாளர்; ஜகார்த்தா இணையாளர்.

பதக்க அட்டவணை

ஆசிய ஒலிம்பிக் மன்றம் மற்றும் முந்தைய தென்கிழக்கு ஆசிய விளையாட்டுப் பதக்க அட்டவணைகளை வைத்து இருந்த பிற காப்பகத் தளங்களின் தரவுகளைச் சமநிலைப் படுத்திய பிறகு இந்த அட்டவணை சரி செய்யப்பட்டது. மேற்கூறிய தளங்களில் இருந்து சில தகவல்கள் விடுபட்டு உள்ளன அல்லது புதுப்பிக்கப் படவில்லை.^{[3][4][5][6][7][8]}

தென்கிழக்கு ஆசிய விளையாட்டுப் பதக்க அட்டவணை^[1]

நிலை	தேசிய ஒலிம்பிக் குழுக்கள்	தங்கம்	வெள்ளி	வெண்கலம்	மொத்தம்
1	தாய்லாந்து (THA)	1885	1930	1943	5758
2	இந்தோனேசியா (INA)	1824	1703	1780	5307
3	மலேசியா (MAS)[2]	1303	1273	1685	4261
4	பிலிப்பீன்சு (PHI)	1067	1193	1477	3737
5	சிங்கப்பூர் (SGP)	947	1002	1363	3312
6	வியட்நாம் (VIE)[3]	928	967	991	2886
7	மியான்மர் (MYA)[4]	564	741	992	2297
8	கம்போடியா (CAM)[5]	69	115	258	442
9	லாவோஸ் (LAO)	69	93	319	481
10	புரூணை (BRU)	14	55	163	232
11	கிழக்குத் திமோர் (TLS)	3	6	26	35
மொத்தம் (11 தேசிய ஒலிம்பிக் குழுக்கள்க்கள்)		8673	9078	10997	28748

• ^[1] - 2017 தென்கிழக்கு ஆசிய விளையாட்டுகளின் போது ஊக்கமருந்து வழக்குகள் காரணமாகச் சில பதக்கங்களின் எண்ணிக்கை, இந்தப் பதக்க அட்டவணையில் சேர்க்கப்படவில்லை
• ^[2] – 1961 வரை மலாயா எனும் பெயரில் போட்டியிடப்பட்டது.
• ^[3] – வியட்நாம் குடியரசு ஜூலை 1976-இல் கலைக்கப்பட்டது. வடக்கு வியட்நாம்; தென் வியட்நாமுடன் இணைந்தது. எனவே, இந்த நாட்டிற்கான பதக்கங்களின் எண்ணிக்கை 1975 வரை காட்டப்படுகிறது. தெற்கு வியட்நாம் வென்ற பதக்கங்கள் ஏற்கனவே இங்கு இணைக்கப்பட்டு உள்ளன.
• ^[4] – 1987 வரை பர்மா எனும் பெயரில் போட்டியிட்டது.
• ^[5] – கம்பூச்சியா மற்றும் கெமர் குடியரசு எனும் பெயரில் போட்டியிட்டது.

வெளி இணைப்புகள்

• Olympic Council of Asia Regional Hosting List
• SEA Games Federation பரணிடப்பட்டது 2018-11-23 at the வந்தவழி இயந்திரம்
• Medal Tally 1959-1995