நிழல் நிஜமாகிறது

நிழல் நிஜமாகிறது (Nizhal Nijamagiradhu) 1978 ஆம் ஆண்டு வெளிவந்த தமிழ்த் திரைப்படமாகும். கே. பாலச்சந்தர் இயக்கத்தில் வெளிவந்த இத்திரைப்படத்தில் கமல்ஹாசன், சரத் பாபு மற்றும் பலர் நடித்திருந்தனர். இத்திரைப்படமானது மலையாள மொழியில் வெளியான 'அடிமைகள்' திரைப்படத்தின் மறுஉருவாக்கமாகும்.

நிழல் நிஜமாகிறது
நிழல் நிஜமாகிறது திரைப்பட ஒலிநாடாவின் அட்டைப்படம்
இயக்கம்	கே. பாலச்சந்தர்
தயாரிப்பு	பி. ஆர். கோவிந்தராஜன் ஜெ. துரைசாமி
திரைக்கதை	கே. பாலச்சந்தர்
இசை	எம். எஸ். விஸ்வநாதன்
நடிப்பு	கமல்ஹாசன் சரத் பாபு சுமித்ரா ஷோபா
ஒளிப்பதிவு	பி. எஸ். லோகநாத்
படத்தொகுப்பு	என். ஆர். கிட்டு
விநியோகம்	கலாகேந்திரா மூவிஸ்
வெளியீடு	24 மார்ச் 1978 (1978-03-24)[1]
நீளம்	3981 மீட்டர்
நாடு	இந்தியா
மொழி	தமிழ்

நடிகர்கள்

• கமல்ஹாசன் - சஞ்சீவி
• சுமித்ரா - இந்துமதி
• ஷோபா - திலகம்^[2]
• சரத் பாபு - வெங்கடாசலம்
• ஹனுமந்து - காசி
• மௌலி - மன்மத நாயுடு^[3]
• ஒரு விரல் கிருஷ்ணா ராவ் - காளிமுத்து
• எம். எஸ். சுந்தரி பாய் - பொண்ணம்மா
• கே. நடராஜ் - அய்யாவு

தயாரிப்பு

நிழல் நிஜமாகிறது மலையாள மொழியில் வெளியான 'அடிமைகள்' (1969) திரைப்படத்தின் மறுஉருவாக்கமாகும்.^[4] இந்தப் படத்திற்கான நகைச்சுவை காட்சிகளை மௌலி எழுதியுள்ளார்.^[3]

குழந்தை நட்சத்திரமாக நடித்த ஷோபா மலையாளம் மற்றும் கன்னட படத்தில் கதாநாயகியாக அறிமுகமானார். பின்னர் தமிழில் கே. பாலசந்தர் இயக்கத்தில் இப்படத்தில் கதாநாயகியாக நடித்தார். இப்படம் வெளியாக தாமதமானதால் காரைக்குடி நாராயணன் இயக்கத்தில் 1978 பிப்ரவரி 4ல் வெளியான 'அச்சாணி' தான் கதாநாயகியாக வெளிவந்த ஷோபாவின் முதல் தமிழ் படம் என அறியப்படுகிறது.^[2][5] சிறு வேடங்களில் நடித்து வந்த சரத் பாபு இப்படத்தின் மூலம் முக்கிய கதாபாத்திரத்தில் நடித்து கவனம் ஈர்த்தார்.

பாடல்கள்

எம். எஸ். விஸ்வநாதன் அவர்களால் இசையமைக்கப்பட்டு அனைத்து பாடல் வரிகளும் கண்ணதாசன்னால் எழுதப்பட்டுள்ளது. எஸ். பி. பாலசுப்பிரமணியம் பாடிய இரண்டு பாடல்களும் பெரும் வரவேற்பைப் பெற்றது.^[6]

எண்.	பாடல்	பாடகர்கள்	பாடலாசிரியர்	நீளம் (நி:வி)
1	"கம்பன் ஏமாந்தான்"	எஸ். பி. பாலசுப்பிரமணியம்	கண்ணதாசன்	4:25
2	"இலக்கணம் மாறுதோ"	எஸ். பி. பாலசுப்பிரமணியம், வாணி ஜெயராம்		4:27