பஞ்ச்கூர் மாவட்டம்
From Wikipedia, the free encyclopedia
Remove ads
பஞ்ச்கூர் மாவட்டம் (Panjgur District), பாகிஸ்தான் நாட்டின் பலூசிஸ்தான் மாகாணத்தின் 37 மாவட்டங்களில் ஒன்றாகும். பஞ்ச்கூர் மாவட்டம் பலூசிஸ்தானின் தென்மேற்கில், மக்ரான் கோட்டத்தில் உள்ளது. இதன் நிர்வாகத் தலைமையிடம் பஞ்ச்கூர் நகரம் ஆகும். பஞ்ச்கூர் நகரம், மாகாணத் தலைநகரான குவெட்டாவிற்கு தென்மேற்கே 518 கிலோமீட்டர் தொலைவில் உள்ளது.

Remove ads
மாவட்ட எல்லைகள்

பஞ்ச்கூர் மாவட்டத்தின் வடக்கில் வாசூக் மாவட்டமும், கிழக்கில் அவரான் மாவட்டமும், தெற்கில் கெச் மாவட்டமும், மேற்கில் ஈரான் நாடும் எல்லைகளாக உள்ளது.
பெயர்க் காரணம்
ஈரானிய மொழியில் பஞ்ச் எனில் ஐந்து என்றும்; கோர் எனில் கல்லறை என்றும் பொருள்.பஞ்ச்கூர் மாவட்டத்தில் ஐந்து கல்லறைகள் உள்ளது.
மாவட்ட நிர்வாகம்
பஞ்ச்கூர் மாவட்டம் கௌவர்கோ வட்டம், பஞ்ச்கூர் வட்டம், பரூம் வட்டம், கிச்சிக் வட்டம் மற்றும் கல்லாக் வட்டம் என ஐந்து வருவாய் வட்டங்களையும், 16 ஒன்றியக் குழுக்களையும் கொண்டது.[2]
மக்கள் தொகை பரம்பல்
2023 பாகிஸ்தான் மக்கள் தொகை கணக்கெடுப்பின்படி, 16,891 சதுர கிலோமீட்டர் பரப்பளவு கொண்ட பஞ்ச்கூர் மாவட்டத்தின் மொத்த மக்கள் தொகை 5,09,781 ஆகும். கிராமப்புறங்களில் 352,088 பேரும்; நகர்புறங்களில் 1,57,693 பேரும் வாழ்கின்றனர்.14 வயதிற்குட்பட்ட குழந்தைகள் 2,10,523 பேர் உள்ளனர். சராசரி எழுத்தறிவு 42.07% ஆகும். இம்மாவட்டத்தில் பலூச்சி மொழியை 5,07,884 (99.6%) பேரும், பிற மொழிகளை 1,817 பேரும் பேசுகின்றனர்.[3]இம்மாவட்டத்தில் இசுலாம் 99.20%, கிறித்தவம் 0.44% மற்றும் பிற சமயங்கள் 0.36% பின்பற்றுகின்றனர்.
Remove ads
மேற்கோள்கள்
Wikiwand - on
Seamless Wikipedia browsing. On steroids.
Remove ads