பட்டாளம்
சென்னையிலுள்ள ஒரு புறநகர்ப் பகுதி From Wikipedia, the free encyclopedia
Remove ads
பட்டாளம் (ஆங்கிலம்: Pattalam) என்பது இந்தியா தீபகற்பத்தில் தமிழ்நாடு மாநிலத்தின் சென்னை மாவட்டத்திலுள்ள ஒரு புறநகர்ப் பகுதியாகும்.[1][2][3][4]
கடல் மட்டத்திலிருந்து சுமார் 32 மீட்டர் உயரத்தில் அமைந்துள்ள பட்டாளம் பகுதியின் புவியியல் ஆள்கூறுகள் 13.100100°N 80.261500°E ஆகும். பெரம்பூர், அயனாவரம், ஓட்டேரி, புளியந்தோப்பு, வியாசர்பாடி மற்றும் புரசைவாக்கம் ஆகியவை பட்டாளம் பகுதிக்கு அருகிலுள்ள முக்கிய புறநகர்ப் பகுதிகளாகும்.
பட்டாளம் பகுதியில் அமையப் பெற்றுள்ள ஆஞ்சநேய சுவாமி கோயில்,[5] எல்லையம்மன் கோயில்[6] மற்றும் சித்தி புத்தி விநாயகர் மற்றும் இலட்சுமி அம்மன் கோயில்[7] ஆகியவை தமிழ்நாடு அரசின் இந்து சமய அறநிலையத் துறை கட்டுப்பாட்டின் கீழ் இயங்கி வருகின்றன. மேலும், ஏகாத்தம்மன் கோயில் ஒன்றும் இங்கு அமைந்துள்ளது.
பட்டாளம் பகுதியானது, பெரம்பூர் (சட்டமன்றத் தொகுதி) வரம்புக்கு உட்பட்டதாகும். இதன் சட்டமன்றத் தொகுதி உறுப்பினராக 2021 ஆம் ஆண்டு நடத்தப்பட்ட தேர்தலில் வெற்றி பெற்றவர் ஆர். டி. சேகர் ஆவார். மேலும் இப்பகுதி, வட சென்னை மக்களவைத் தொகுதி சார்ந்தது. இதன் மக்களவைத் தொகுதி உறுப்பினராக கலாநிதி வீராசாமி, 2019 ஆம் ஆண்டு நடத்தப்பட்ட தேர்தலில் வெற்றி பெற்றார்.
Remove ads
மேற்கோள்கள்
வெளி இணைப்பு
Wikiwand - on
Seamless Wikipedia browsing. On steroids.
Remove ads