பத்தும் நிசங்க

பத்தும் நிசங்க (Pathum Nissanka, சிங்களம்: පැතුම් නිස්සංක , பிறப்பு: 18 மே 1998) இலங்கைத் துடுப்பாட்ட வீரர் ஆவார். இவர் இலங்கைத் துடுப்பாட்ட அணிக்காகத் தனது முதலாவது பன்னாட்டுப் போட்டியில் 2021 மார்ச் மாதத்தில் மேற்கிந்தியத் தீவுகள் துடுப்பாட்ட அணிக்கு எதிராக விளையாடினார்.^[1]

பத்தும் நிசங்க
Pathum Nissanka

தனிப்பட்ட தகவல்கள்
முழுப்பெயர்	பத்தும் நிசங்க சில்வா
பிறப்பு	18 மே 1998 (1998-05-18) (அகவை 27) காலி, இலங்கை
மட்டையாட்ட நடை	வலக்கை
பங்கு	துடுப்பாளர்
பன்னாட்டுத் தரவுகள்
நாட்டு அணி	இலங்கை (2021–இன்று)
ஒரே தேர்வு (தொப்பி 155)	21 மார்ச் 2021 எ. மேற்கிந்தியத் தீவுகள்
ஒநாப அறிமுகம் (தொப்பி 194)	10 மார்ச் 2021 எ. மேற்கிந்தியத் தீவுகள்
கடைசி ஒநாப	14 மார்ச் 2021 எ. மேற்கிந்தியத் தீவுகள்
இ20ப அறிமுகம் (தொப்பி 86)	3 மார்ச் 2021 எ. மேற்கிந்தியத் தீவுகள்
கடைசி இ20ப	7 மார்ச் 2021 எ. மேற்கிந்தியத் தீவுகள்
உள்ளூர் அணித் தரவுகள்
ஆண்டுகள்	அணி
2017–2018	பதுரெலியா
2019–இன்று	நொண்டசுகிரிப்ட்சு
வாழ்நாள் புள்ளிவிவரங்கள்
போட்டி வகை தே ஒநாப ப20இ மு.த ஆட்டங்கள் 1 3 3 33 ஓட்டங்கள் 112 42 81 3,445 மட்டையாட்ட சராசரி 112 14.00 27.00 67.54 100கள்/50கள் 1/0 0/0 0/0 13/13 அதியுயர் ஓட்டம் 103 24 39 217 வீசிய பந்துகள் – – – – வீழ்த்தல்கள் – – – – பந்துவீச்சு சராசரி – – – – ஒரு முறையில் 5 வீழ்த்தல்கள் – – – – ஒரு போட்டியில் 10 வீழ்த்தல்கள் – – – – சிறந்த பந்துவீச்சு – – – – பிடிகள்/இலக்கு வீழ்த்தல்கள் 0/0 0/0 1/– 18/–
மூலம்: கிரிக்கின்ஃபோ, 24 மார்ச் 2021

உள்நாட்டுப் போட்டிகள்

பத்தும் தனது முதலாவது பட்டியல் அ போட்டியில் அம்பாந்தோட்டை மாவட்ட அணியில் 2017 மார்ச் 17 இல் விளையாடினார்.^[2] முதலாவது இருபது20 போட்டியை பதுரெலிய விளையாட்டுக் கழகத்திற்காக 2018 இல் விளையாடினார்.^[3]

2018 இல், இவர் 2017-18 சூப்பர் 4 மாகாணச் சுற்றிலும்,^[4][5] 2018 மாகாண ஒருநாள் தொடரிலும் கண்டி அணியில் விளையாடினார்.^[6] தொடர்ந்து, 2019 மாகாண ஒரு-நாள் சுற்றிலும் கண்டி அணிக்காக விளையாடினார்.^[7]

பன்னாட்டுப் போட்டிகள்

2019 சனவரியில், பத்தும் இலங்கை-ஏ அணியில் முதல்-தரப் போட்டிகளில் அயர்லாந்து-ஏ அணியுடன் விளையாட சேர்க்கப்பட்டார். இரண்டு ஆட்டங்களில் இவர் 258 ஓட்டங்களை இலங்கை அணிக்காகப் பெற்றுக் கொடுத்தார்.^[8] 2019 பெப்ரவரியில் இவர் தனது 1,000-வது ம்,உதல்-தர ஓட்டங்களைப் பெற்றார்.^[9][10] 2019 தெற்காசிய விளையாட்டுப் போட்டிகளில் 2019 நவம்பரில் விளையாடினார்.^[11][12]

2021 பெப்ரவரியில், இலங்கையின் மேற்கிந்தியத் தீவுகளுக்கு எதிரான வரையிட்ட நிறைவுகள் அணியில் சேர்க்கப்பட்டார்.^[13] தனது முதலாவது பன்னாட்டு இருபது20 (ப20இ) போட்டியில் 2021 மார்ச் 3 இல், மேற்கிந்தியத் தீவுகளுக்கு எதிராக விளையாடினார்.^[14] பின்னர், இலங்கையின் தேர்வுத் துடுப்பாட்ட அணியில் சேர்க்கப்பட்டார்.^[15] தனது முதலாவது ஒருநாள் பன்னாட்டுத் துடுப்பாட்டப் போட்டியை 2021 மார்ச் 10 இல் மேற்கிந்தியத் தீவுகளுக்கு எதிராக விளையாடினார்.^[16] தனது முதலாவது தேர்வுப் போட்டியை 2021 மார்ச் 21 இல் மேற்கிந்தியத் தீவுகளுக்கு எதிராக விளையாடி,^[17] ஆட்டத்தின் இரண்டாவது பகுதியில் 103 ஓட்டங்களை எடுத்து, முதலாவது தேர்வுப் போட்டியில் சதம் எடுத்த நான்காவது இலங்கை வீரர் என்ற சாதனையை ஏற்படுத்தினார்.^[18]