பூந்தோட்ட காவல்காரன்

பூந்தோட்ட காவல்காரன் திரைப்படம் 1988 ஆம் ஆண்டு வெளிவந்த தமிழ்த் திரைப்படமாகும், இதனை அறிமுக இயக்குநர் செந்தில்நாதன் இயக்கியிருந்தார். விஜயகாந்த், ராதிகா, ஆனந்த், வாணி விசுவநாத் மற்றும் லிவிங்ஸ்டன் ஆகியோர் முதன்மை கதாபாத்திரத்தில் நடித்திருந்தனர். இளையராஜா இசையமைக்க 1988 ஆம் ஆண்டு சூன் 10ஆம் தேதி வெளியானது.

பூந்தோட்ட காவல்காரன்
குறுந்தகுடு அட்டைப்படம்
இயக்கம்	செந்தில்நாதன்
கதை	லியாகத் அலிகான்
திரைக்கதை	லியாகத் அலிகான்
இசை	இளையராஜா
நடிப்பு	விஜயகாந்த் ராதிகா ஆனந்த் வாணி விசுவநாத்
ஒளிப்பதிவு	ராஜராஜன்
படத்தொகுப்பு	ஜி.ஜெயசந்திரன்
விநியோகம்	தமிழன்னை சினி புரொடக்‌ஷன்ஸ்
வெளியீடு	10 சூன் 1988
நாடு	இந்தியா
மொழி	தமிழ்

நடிகர்கள்

• விஜயகாந்த்
• ராதிகா
• ஆனந்த்
• வாணி விஸ்வநாத்
• லிவிங்ஸ்டன்
• எஸ். எஸ். சந்திரன்
• எம். என். நம்பியார்
• விஜய் கிருஷ்ணராஜ்
• கோகிலா
• சுபகலா
• எஸ். என். லட்சுமி
• பாண்டியன் (நட்புக்காக)
• செந்தில் (நட்புக்காக)
• மலேசியா வாசுதேவன் (சிறப்புத் தோற்றம் )

தயாரிப்பு

செந்தில்நாதன், எம்.ஜி.ராமசந்திரனை வைத்து நம் நாடு படத்தை இயக்கிய ஜம்புலிங்கத்தின் மகன் ஆவார். எஸ். ஏ. சந்திரசேகர் மற்றும் வி.அழகப்பன் ஆகியோரிடம் முன்னாள் உதவியாளராகப் பணியாற்றிய செந்தில்நாதன் இந்தப் படத்தில் இயக்குநராக அறிமுகமானார்.

பாடல்கள்

இளையராஜா இந்த படத்திற்கு இசையமைத்திருந்தார். ^[1]

எண்.	பாடல்கள்	பாடியவர்கள்	எழுதியவர்	நீளம் (m:ss)
1	என் உயிரே வா	எஸ்.பி. பாலசுப்பிரமணியம், சித்ரா	கங்கை அமரன்	04:31
2	அடி கானகருங்குயிலே	கே. ஜே. யேசுதாஸ்		05:35
3	காவல்காரா காவல்காரா	இளையராஜா		04:07
4	பாடாத தெம்மாங்கு	எஸ்.பி. பாலசுப்பிரமணியம்		05:32
5	பாராமல் பார்த்த நெஞ்சம்	மனோ, சித்ரா		04:26
6	சிந்திய வெண்மணி	கே. ஜே. யேசுதாஸ், பி.சுசீலா		04:22

வரவேற்பு

இந்தப் படம் மிகப்பெரிய வெற்றியடைந்தது மட்டுமின்றி செந்தில்நாதன் இயக்கிய படங்களில் தலைசிறந்த படமாக இப்படம் கருதப்படுகிறது. 1980 களில் வந்த அதிரடி சார்ந்த படங்களில் இதுவும் முக்கிய இடத்தைப் பிடித்தது. விஜயகாந்த் ஒரு சிறந்த நடிகராக இப்படம் அறியச் செய்தது.