மம்பாவ்

மம்பாவ் (மலாய்; ஆங்கிலம்: Mambau; சீனம்: 曼巴乌) என்பது மலேசியா, நெகிரி செம்பிலான், சிரம்பான் மாவட்டத்தில்; சிரம்பான் மாநகரின் புறநகர்ப் பகுதியில் உள்ள ஒரு நகரம். சிரம்பான் நகரத்திலிருந்து 15 கி.மீ. தொலைவில் உள்ளது.^[1]

மம்பாவ்
Mambau
நெகிரி செம்பிலான்
மம்பாவ் நகரில் இருந்து போர்டிக்சனுக்குச் செல்லும் மலேசிய கூட்டரசு சாலை 53
ஆள்கூறுகள்: 2°40′N 101°55′E
நாடு	மலேசியா
மாநிலம்	நெகிரி செம்பிலான்
மாவட்டம்	சிரம்பான்
நேர வலயம்	மலேசிய நேரம் ஒ.ச.நே + 08:00
மலேசிய அஞ்சல் குறியீடு	70300
மலேசியத் தொலைபேசி எண்கள்	[phone]
மலேசியப் போக்குவரத்துப் பதிவெண்கள்	N

மம்பாவ் நகரம் வரலாற்றுச் சிறப்புமிக்க சிரம்பான் - போர்டிக்சன் தொடருந்து வழித்தடத்தின் போக்குவரத்து மையப் புள்ளியாக விளங்கியது. அந்த தொடருந்து வழித்தடம் மலேசியாவின் மிகப் பழைமையான தொடருந்து வழித்தடங்களில் ஒன்றாகும்.^[2]

பொது

மாம்பாவ் நகரம் மலேசிய கூட்டரசு சாலை 53-இல் அமைந்துள்ளது, இந்தச் சாலை சிரம்பான் நகரத்தை போர்டிக்சன் சுற்றுலா நகரத்துடன் இணைக்கும் ஒரு நெடுஞ்சாலை ஆகும். போர்டிக்சன் நகரம் மம்பாவ் நகரத்தில் இருந்து 30 கி.மீ. தொலைவில் உள்ளது.

அத்துடன் இந்த நகரம் லிங்கி ஆற்றின் கரையில் அமைந்துள்ளது. 15-ஆம் நூற்றாண்டில் ஒரு முக்கிய வணிகத் தளமாகவும், 18-ஆம் நூற்றாண்டில் ஈய வணிகத்திற்கான முக்கிய நிறுத்தமாகவும் பெயர் பெற்றது. தற்போது மாம்பாவ் நகரில் வசிப்பவர்களில் பெரும்பான்மையினர் சீனர்கள் ஆகும்.