மாங்காடு (காஞ்சிபுரம்)

வேறு பயன்பாடுகளுக்கு மாங்காடு கட்டுரையைப் பார்க்க.

மாங்காடு (Mangadu) இந்தியாவின் தமிழ்நாடு மாநிலத்தில் அமைந்துள்ள காஞ்சிபுரம் மாவட்டத்தில் குன்றத்தூர் வட்டத்தில் இருக்கும் ஒரு நகராட்சியாகும். சென்னை பெருநகர பகுதியின் ஓர் அங்கம் ஆகும்.இங்கு புகழ்பெற்ற மாங்காடு காமாட்சி அம்மன் கோயில் உள்ளது. இதனருகில் பூந்தமல்லி உள்ளது.

மாங்காடு
ஆள்கூறு
நாடு	இந்தியா
மாநிலம்	தமிழ்நாடு
மாவட்டம்	காஞ்சிபுரம்
வட்டம்	குன்றத்தூர்
ஆளுநர்	ஆர். என். ரவி[1]
முதலமைச்சர்	மு. க. ஸ்டாலின்[2]
மாவட்ட ஆட்சியர்	கலைச்செல்வி மோகன், இ. ஆ. ப [3]
மக்கள் தொகை • அடர்த்தி	38,188 (2011[update]) • 4,546/km2 (11,774/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	8.40 சதுர கிலோமீட்டர்கள் (3.24 sq mi)
குறியீடுகள் • அஞ்சல் குறியீட்டு எண் • 600 122 • வாகனம் • TN 85
இணையதளம்	www.townpanchayat.in/mangadu

நகராட்சியாக தரம் உயர்த்தல்

12 செப்டம்பர் 2021 அன்று இப்பேரூராட்சியை நகராட்சியாக தரம் உயர்த்தப்பட்டது.^[4]

அமைவிடம்

மாங்காடு நகராட்சி பல்லவரத்தில்லிருந்து 11 கி.மீ.; சென்னை சென்டரல் இரயில் நிலையத்தில்யிலிருந்து 19 கி.மீ., சென்னை விமான நிலையத்திலிருந்து 15 கி.மீ. தொலைவிலும் உள்ளது. அருகமைந்த தொடருந்து நிலையம் 11 கி.மீ. தொலைவில் உள்ள ஆவடி ஆகும்.

நகராட்சியின் அமைப்பு

8.40 சதுர கிலோமீட்டர் பரப்பும், 27 நகர மன்ற உறுப்பினர்களையும், 482 தெருக்களையும் கொண்ட இந்நகராட்சி திருப்பெரும்புதூர் (சட்டமன்றத் தொகுதி) மற்றும் ஸ்ரீபெரும்புதூர் மக்களவைத் தொகுதிக்குட்பட்டதாகும்.^[5] தற்போது இந்த நகராட்சியுடன் அய்யப்பந்தாங்கள், கொழுமணிவாக்கம், சிக்கராயபுரம், பரணிபுத்தூர், மௌலிவாக்கம், மலையாம்பபாக்கம் ஆகிய ஊராட்சிகள் இணைய உள்ளன.

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இந்நகராட்சி 9,438 வீடுகளும், 38,188 மக்கள்தொகையும், கொண்டது. மேலும் இந்நகராட்சியின் எழுத்தறிவு 86.91% மற்றும் பாலின விகிதம் 1,000 ஆண்களுக்கு, 1004 பெண்கள் வீதம் உள்ளனர்.^[6]