உ. இரா. அனந்தமூர்த்தி

யூ. ஆர். அனந்தமூர்த்தி என அழைக்கப்படும் உடுப்பி இராஜகோபாலாச்சாரிய அனந்தமூர்த்தி (Udupi Rajagopalacharya Ananthamurthy, கன்னடம்: ಉಡುಪಿ ರಾಜಗೋಪಾಲಾಚಾರ್ಯ ಅನಂತಮೂರ್ತಿ; 21 டிசம்பர் 1932 - 22 ஆகஸ்ட் 2014) கன்னட எழுத்தாளரும் இலக்கியவாதியும் ஆவார். கன்னட இலக்கியத் துறையின் வளர்ச்சிக்கு முக்கியப் பங்காற்றியவர். இந்திய அளவில் முன்னணி எழுத்தாளர்களில் ஒருவர்.^[1] 1994 இல் இந்திய அளவில் இலக்கியத் துறைக்கு வழங்கப்படும் உயரிய விருதான ஞானபீட விருதைப் பெற்றவர். இந்த விருது இதுவரையிலும் எட்டு கன்னட எழுத்தாளர்களுக்கு வழங்கப்பட்டுள்ளது.^[2][3] 1998 ஆம் ஆண்டு இந்திய அரசு இவருக்கு பத்ம பூசன் விருது வழங்கிச் சிறப்பித்தது^[4].

உ. ரா. அனந்தமூர்த்தி
பிறப்பு	உடுப்பி இராஜகோபாலாச்சாரிய அனந்தமூர்த்தி (1932-12-21)21 திசம்பர் 1932 மெலிகே, தீர்த்தஹள்ளி, சிமோகா மாவட்டம், மைசூர் அரசு, பிரித்தானிய இந்தியா
இறப்பு	ஆகத்து 22, 2014(2014-08-22) (அகவை 81) பெங்களூர்
தொழில்	பேராசிரியர், எழுத்தாளர், கர்நாடக மத்திய பல்கலைக்கழகத்தின் வேந்தர்
தேசியம்	இந்தியர்
வகை	கதை, இலக்கியம்
இலக்கிய இயக்கம்	கன்னட இலக்கியம்

புதினங்கள்

• சம்ஸ்காரா
• பாரதிபுரா
• அவஸ்தே
• பவா
• திவ்யா

திரைத்துறை

இவரது நாவல்களைத் தழுவி எடுக்கப்பட்ட திரைப்படங்களும் உண்டு.

• சம்ஸ்காரா
• பரா
• அவஸ்தே
• மௌனி
• தீட்சா

மொழிபெயர்ப்பு

அவருடைய சம்ஸ்காரா, அவஸ்தை உள்ளிட்ட சில புதினங்கள் தமிழில் வெளிவந்துள்ளன. 1993இல் சாகித்ய அகாதெமியின் தலைவராகத் தேர்ந்தெடுக்கப்பட்டார்.^[5].

விமர்சனம்

இந்தியாவில் சாதி முறைகளை விவரிக்கும் வர்ணாஸ்ரமங்களை எதிர்த்த இவர் 2014ஆம் ஆண்டு நடந்த மக்களவைத்தேர்தலின்போது இந்தியாவின் பிரதமராக மோடி வந்தால் நாட்டைவிட்டுச் சென்றுவிடுவேன் என்று கருத்துக்கூறியதால் பல இன்னல்களுக்கு உள்ளானார்.^[6]

மறைவு

உடல்நலக் குறைவால் மருத்துவமனையில் சிகிச்சை பெற்றுவந்த அனந்தமூர்த்தி, ஆகஸ்ட் 22, 2014 அன்று பெங்களூரில் காலமானார்^[7].