ராம நாராயணன்

இராம நாராயணன், (Rama Narayanan, ஏப்ரல் 3, 1949 - சூன் 22, 2014) இந்தியத் திரைத்துறையைச் சார்ந்தவர். தென்னிந்திய மொழிகளில் திரைப்படங்களை இயக்கியவர். தயாரிப்பு பணிகளையும் செய்துள்ளார். இவரது திரைப்படங்களில் பலவற்றில் விலங்குகள் பயன்படுத்தப்பட்டிருக்கின்றன.^[2] 36 ஆண்டுகளில் 125 திரைப்படங்களை இவர் இயக்கியுள்ளது ஓர் உலக சாதனையாகும்.^[3][4] தமிழ்த் திரைப்படத் தயாரிப்பாளர்கள் சங்கத்தின் தலைவராகவும் இருந்தவர். இவர் ஒரு மலேய மொழிப் படத்தை இயக்கியுள்ளார்.^[4] சில திரைப்படங்களுக்கு கதையும் எழுதினார்.

இராம நாராயணன் [1]
பிறப்பு	(1949-04-03)ஏப்ரல் 3, 1949
இறப்பு	சூன் 22, 2014(2014-06-22) (அகவை 65)
மற்ற பெயர்கள்	ராமநாராயணன், ராம் நாராயண்
பணி	இயக்குநர், தயாரிப்பாளர்
பெற்றோர்(கள்)	இராமசாமி மீனாட்சி ஆச்சி
வாழ்க்கைத் துணை	இராதா (இறந்துவிட்டார்)
பிள்ளைகள்	தேனாண்டாள் முரளி

திரைப்படங்கள்

• குட்டிப் பிசாசு (தமிழ், தெலுங்கு, கன்னடம்), சுமை, ஆடிவெள்ளி, சிவப்பு மல்லி, சிங்கக்குட்டி, வேங்கையின் மைந்தன், சிவந்த கண்கள், சூரக்கோட்டை சிங்கக்குட்டி, கந்தா கடம்பா கதிர்வேலா, திருப்பதி ஏழுமலை வெங்கடேசா ஆகிய திரைப்படங்களில் பணி புரிந்துள்ளார்.

தயாரித்தவை

• கண்ணா லட்டு தின்ன ஆசையா

அரசியல்

இராம நாராயணன் 1989 முதல் 1991 வரை காரைக்குடி சட்டமன்ற உறுப்பினராக தமிழ்நாடு சட்டமன்றத்தில் பணியாற்றியுள்ளார்.^[5]

இறப்பு

இராம நாராயணன் சிறுநீரகக் கோளாறால் பாதிக்கப்பட்டிருந்தார். இதற்காக சிங்கப்பூரில் உள்ள ஓர் மருத்துவமனையில் சிகிச்சை பெற்று வந்தார். 2014 சூன் 22 அன்று சிகிச்சை பலனளிக்காமல் சிங்கப்பூரில் மரணமடைந்தார்.^[6]