வெனம் (திரைப்படம்)
From Wikipedia, the free encyclopedia
Remove ads
வெனம்[9] (Venom) என்பது 2018 ஆம் ஆண்டு வெளியான அமெரிக்க மீநாயகன் திரைப்படம் ஆகும்.[10] இப்படம் மார்வெல் காமிக்ஸில் வரும் 'வெனம்' எனும் கதாப்பாத்திரத்தை அடிப்படையாகக் கொண்டு மார்வெல் ஸ்டுடியோ மற்றும் டென்சென் பிக்சர்ஸ் ஆகியோருடன் இணைந்து, கொலம்பியா பிக்சர்ஸ் தயாரிக்க சோனி பிக்சர்ஸால் வெளியிடப்பட்டது.
இது சோனியின் இசுபைடர் மேன் பிரபஞ்சத்தின்[11] முதல் படமாகும். ரூபன் பிளைஷர் என்பவர் இயக்கும் இந்த திரைப்படத்திற்கு ஜெஃப் பிங்க்னர், சுகாட் ரோசன்பர்க் மற்றும் கெல்லி மார்செல் ஆகியோர் திரைக்கதை எழுத டோம் ஹார்டி, மிசெல் வில்லியம்சு, ரிசு அகமது, சுகாட் ஹேய்சு மற்றும் இரெல்டு சுகாட் போன்ற பலர் நடித்துள்ளர்கள்.
வெனம் படம் 5 அக்டோபர் 2018 அன்று ஐக்கிய அமெரிக்காவில் வெளியாகி வசூல் ரீதியாக வெற்றி பெற்று உலகளவில் 856 மில்லியன் டாலர்களை ஈட்டிய 2018 ஆம் ஆண்டில் ஏழாவது மிக அதிக வசூல் செய்த படமாக அமைந்தது. டோம் ஹார்டியின் நடிப்பு சிலரால் பாராட்டுக்களைப் பெற்றிருந்தாலும், அதன் திரைக்கதை மற்றும் இசுபைடர் மேனுடனான தொடர்பு இல்லாததால் விமர்சகர்களிடமிருந்து பொதுவாக எதிர்மறையான விமர்சனங்களைப் பெற்றது. இந்த திரைப்படத்தின் தொடர்ச்சியாக வெனம்: லெட் தேர் பி கார்னேஜ் என்ற படம் 2021 ஆம் ஆண்டு வெளியாவுள்ளது.
Remove ads
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads