2020 பெத்திரீனியா நிலநடுக்கம்

2020 கொரோவாசிய நிலநடுக்கம் (2020 Croatia earthquake) அல்லது பெத்திரீனியா நிலநடுக்கம் (Petrinja earthquake) 2020 திசம்பர் 29 அன்று கிட்டத்தட்ட பிப 12:20 ம.ஐ.நே (11:20 ஒ.ச.நே) குரோவாசியாவின் சிசாக்-மொசுலாவினா மாவட்டத்தில் இடம்பெற்ற 6.4 M_w (6.2 M_L) அளவு நிலநடுக்கம் ஆகும். இதன் நிலநடுக்க மையம் பெத்ரீனியா நகரில் இருந்து 3 கிமீ (1.8 மைல்) மேற்கு-தென்மேற்குப் பகுதியில் நிலைகொண்டிருந்தது.^[1] இதன் ஆகக்கூடிய செறிவு ஐரோப்பிய நுண்புவியலைவு அளவுகோளில் VIII (பெரும் பாதிப்பு) முதல் IX (நாசம்) ஆகக் கணக்கிடப்பட்டது.^[2][3] இந்நிகழ்விற்கு முன்னதாக முந்தைய நாளில் மூன்று முன்னதிர்வுகள் ஆகக்கூடியது 5.2 M_w அளவில் இடம்பெற்றிருந்தது.^[4] இந்த நிலநடுக்கத்தின் பின்னர் 4.8 M_w வரையான பல பின்னதிர்வுகள் இடம்பெற்றன.^[3]

2020 பெத்திரீனியா நிலநடுக்கம்
2020 Petrinja earthquake

நிலநடுக்க அளவு	6.4 Mw,[1] 6.2 ML[2]
ஆழம்	10 கிமீ (6.2 மைல்)
Epicentre	45.422°N 16.255°E / 45.422; 16.255[1]
வகை	திருப்பு பிளவுப்பெயர்ச்சி
பாதிக்கப்பட்ட பகுதிகள்	சிசாக்-மொசுலாவினா மாவட்டம் சாகிரெப் மாவட்டம் சாகிரேப் வடமேற்கு பொசுனியா எர்செகோவினா சுலோவீனியா
அதிகபட்ச செறிவு	IX (பெருவெடிப்பு)
முன்னதிர்வுகள்	3 (ML 4.0 அல்லது மேல் பெரியது: Mw 5.2 05:28 ஒசநே, 28 திசம்பர் 2020
பின்னதிர்வுகள்	பல பெரியது: Mw 4.8 05:15 ஒ.ச.நே, 30 திசம்பர் 2020
உயிரிழப்புகள்	7 இறப்புகள், 26 பேர் காயம்

இந்நிலநடுக்கத்தினால் ஏழு பேர் உயிரிழந்ததாகவும், 26 பேர் காயமடைந்ததாகவும் அதிகாரபூர்வமாக அறிவிக்கப்பட்டது. பெத்ரீனியா நகரில் பல கட்டடங்கள் முற்றாக இடிந்து வீழ்ந்தன.^[5] நகரின் அரைவாசிப் பகுதி சேதமடைந்ததாக நகர முதல்வர் தாரிங்கோ தும்போவிச் அறிவித்தார்.^[6][7][8][9]

இந்நிலநடுக்கத்தின் தாக்கம் வடக்கு குரோவாசியா, மற்றும் அயல் நாடுகளான சுலோவீனியா, ஆஸ்திரியா, பொசுனியா எர்செகோவினா, செர்பியா, அங்கேரி, சிலோவாக்கியா, இத்தாலி ஆகியவற்றின் பல பகுதிகளிலும், அத்துடன் மொண்டெனேகுரோ, ஜெர்மனி, செக் குடியரசு வரை உணரப்பட்டது.