காயா

காயா (Memecylon umbellatum) காய்ப்பது இல்லை. எனவே இதனைக் 'காயா' என்றனர். இம்மரம் இலங்கையில் காயான் என அழைக்கப்படும். இது அநேகமாக கத்தி கைபிடி, கோடரி கைபிடி, விறகிற்காகவும் பயன்படுத்தப்படுகிறது.

காயா
உயிரியல் வகைப்பாடு
திணை:	தாவரம்
தரப்படுத்தப்படாத:	பூக்கும் தாவரம்
தரப்படுத்தப்படாத:	இருவித்திலைத் தாவரம்
தரப்படுத்தப்படாத:	ரோசிதுகள்
வரிசை:	Myrtales
குடும்பம்:	Melastomataceae
பேரினம்:	Memecylon
இனம்:	M. umbellatum
இருசொற் பெயரீடு
Memecylon umbellatum Burm.f.

திருமால் தெய்வத்தை 'காயாம்பூ மேனியன் என்பர். மை நிறம் கொண்ட இந்தத் தெய்வத்தைத் தொல்காப்பியம் 'மாயோன்' எனக் குறிப்பிடுகிறது. மாயோனைத் தெய்வமாகக் கொண்ட முல்லை நிலத்துக் கருப்பொருள்களில் ஒன்று காயா-மலர்.

சங்க இலக்கியங்களில் காயா

காயா என்னும் மலர் சங்க இலக்கியங்களில் இவ்வாறு பயின்று வருகிறது. அவற்றில் அது விளக்கப்படும் பாங்கினை இங்குக் காணலாம்.

முல்லை-நிலத்தில் மணி என்னும் நீல-நிறத்தில் பூக்கும்.^[1]
மயில் கூட்டம் போல் பூத்துக் கிடக்கும்.^[2]
செறிவான இலைகளை உடையது. மகளிர் நெற்றியில் கைக்கும் பொட்டுப்போல் பூத்துக் கிடக்கும்.^[3]
மகளிர் பறித்து விளையாடித் தழையாடையில் இணைத்துப் பயன்படுத்துவர்.^[4]
சிறுசிறு பூக்களாக இருக்கும்.^[5]
முல்லை-நிலத்தில் பூக்கும்.^[6]
தேன் கொண்டது.^[7]
மென்மையானவை.^[8]
மணியைப் போன்ற காயா பவள நிற முல்லை நிலத்தில் உதிர்ந்து கிடக்கும்.^[9]

மேலும் பார்க்க

• சங்ககால மலர்கள்

வெளி இணைப்புகள்

• வள்ளலார் பாடல்களில் காயாம்பூ