குருச்சேத்திரப் பல்கலைக்கழகம்

குருச்சேத்திரப் பல்கலைக்கழகம் (Kurukshetra University) என்பது 1956ஆம் ஆண்டு சனவரி மாதம் 11ஆம் நாள் நிறுவப்பட்ட பல்கலைக்கழகமாகும்.^[2] இந்தப் பல்கலைக்கழகம் இந்தியாவின் அரியான மாநிலத்தில் குருச்சேத்திரத்தில் அமைந்துள்ளது. குருச்சேத்திரா இந்தியத் தலைநகர் புது தில்லியிலிருந்து 160 கி. மீ. தொலைவில் அமைந்துள்ளது.^[3] இது பொதுநலவாயப் பல்கலைக்கழகங்களின் கூட்டமைப்பின் உறுப்பினராக உள்ளது.^[4]

குருச்சேத்திரப் பல்கலைக்கழகம்

குறிக்கோளுரை	yogastha kuru karmāṇi
வகை	கல்வி & ஆராய்ச்சி
உருவாக்கம்	1956 (1956)
வேந்தர்	அரியானா ஆளுநர்
துணை வேந்தர்	எஸ் என் சச்தேவா[1]
அமைவிடம்	குருச்சேத்திரம், அரியானா , இந்தியா 29°57′28″N 76°48′57″E
வளாகம்	நகரம்
சேர்ப்பு	பல்கலைக்கழக மானியக் குழு, தேசிய மதிப்பீடு மற்றும் தரச்சான்று அவை
இணையதளம்	www.kuk.ac.in

வரலாறு

குருசேத்திரா பல்கலைக்கழகத்தின் கலையரங்கம்

இப்பல்கலைக்கழகம் 1956-ல் இணைவு பெற்ற கல்லூரிகள் இல்லா பல்கலைக்கழகமாக இருந்தது. இந்தியக் குடியரசின் முதல் குடியரசுத் தலைவரான பாரத ரத்னா இராசேந்திர பிரசாத் பல்கலைக்கழகத்தினைத் தொடங்கிவைத்தபோது சமசுகிருத துறை மட்டுமே செயல்பட்டது.^[5] சமசுகிருத அறிஞரான சந்தேஷ்வர் பிரசாத் நாராயண் சிங், பஞ்சாப் மாநிலத்தின் குடியரசுத் தலைவராக இருந்தபோது இப்பல்கலைக்கழகத்தை நிறுவும் யோசனை உருவானது.

2012-ல், தத்துவவியல் துறை பகவத் கீதை பற்றிய பாடத்தை அறிமுகப்படுத்தியது.^[6]

வளாகம்

இப்பல்கலைக்கழகத்தின் வளாக 473 ஏக்கர்கள் (1.91 km²) ^[5] பரப்பில் இந்துக்களின் புனித நகரமான குருசேத்திரத்தில் பிரம்மசரோவர் நதியின் மேற்குக் கரையில் அமைந்துள்ளது.^[7]

கல்வி

தரப்படுத்துதல்

1வது மற்றும் 2வது பருவத்தில் பெற்ற மதிப்பெண்களின் 20% பங்களிப்புடன், 8வது வரையிலான ஒவ்வொரு பருவமும் 10% பங்களிப்பைக் கொண்டு, தரங்களைக் கணக்கிடுவதற்கான முறையினை பல்கலைக்கழகம் பின்பற்றுகிறது.^[8]

தரவரிசைகள்

2020-ல் தேசிய கல்வி நிறுவனங்களுக்கான தரவரிசையில் இப்பல்கலைக்கழகம் 99வது இடத்தைப் பிடித்தது. கல்வி உலக தரவரிசை 2020ன் படி இது 68வது இடத்தில் உள்ளது ^[8]

நிறுவனம்

சிறப்பு மையம்

• சரசுவதி நதி பற்றிய ஆராய்ச்சிக்கான சிறப்பு மையம்: படிம வடிகால்கள் மற்றும் வடிநிலம் குறித்த புவி அறிவியல் ஆய்வு^[9]
• நிலநடுக்க ஆய்வுகளில் மேம்பட்ட ஆராய்ச்சி மையம்: அரியானாவின் நில அதிர்வு அபாய வரைபடம் மற்றும் 24x7 நில அதிர்வு கண்காணிப்பு^[9]
• சுற்றுச்சூழல் அறிவியலில் பயன்பாட்டு உயிரியலுக்கான மையம்: காலநிலை மாற்றம் மற்றும் மாசு பற்றிய ஆராய்ச்சி^[9]
• தகவல் தொழில்நுட்பம் மற்றும் தானியங்கி மையம்: பெருந்தரவு மற்றும் வணிக பகுப்பாய்வு பற்றிய ஆராய்ச்சி ^[9]
• மேம்பட்ட பொருள் ஆராய்ச்சி மையம்: வேதிவினைக்குழு, ஒளியியல் பொருட்கள் மற்றும் நானோ கட்டமைப்புகள் பற்றிய ஆராய்ச்சிக்கான அயன் கற்றை மையம் ^[9]

கல்லூரிகள் மற்றும் பள்ளிகள்

பல்கலைக்கழகத்தின் கீழ் செயல்படும் கல்லூரிகள், பள்ளிகள் மற்றும் நிறுவனங்கள்^[10]

• பல்கலைக்கழக மேல்நிலை மாதிரி பள்ளி
• ஒருங்கிணைந்த மதிப்பு கல்வி நிறுவனம் (முன்னர் பல்கலைக்கழக கல்லூரி)
• பல்கலைக்கழக கல்வியியல் கல்லூரி
• சுற்றுச்சூழல் ஆய்வுகள் நிறுவனம்
• சட்டத்துறை
• புவி இயற்பியல் துறை
• பல்கலைக்கழக மேலாண்மை பள்ளி
• பல்கலைக்கழக பொறியியல் மற்றும் தொழில்நுட்ப நிறுவனம்
• மேலாண்மை ஆய்வுகள் நிறுவனம்
• மக்கள் தொடர்பு ஊடக தொழில்நுட்பம்

இணைவுபெற்ற கல்லூரிகள்

இந்தப் பல்கலைக்கழகத்தின் கீழ் 457 இணைவு பெற்ற கல்லூரிகள் மற்றும் நிறுவனங்கள் உள்ளன.^[2] இவற்றில் குறிப்பிடத்தக்க சில:

• இ-மேக்ஸ் பொறியியல் பயன்பாட்டு ஆய்வு பள்ளி
• அரசு பொறியியல் கல்லூரி, நிலோகேரி
• ஜிந்த் பொறியியல் தொழில்நுட்ப நிறுவனம்
• கர்னல் தொழில்நுட்பம் மற்றும் மேலாண்மை நிறுவனம், கர்னல்
• ஸ்ரீ கிரிஷன் பொறியியல் தொழில்நுட்ப நிறுவனம்
• ஜேஎம்ஐடி

சாதனைகள்

கல்வி

2011 ஆம் ஆண்டில் மின்னணு அறிவியல் துறைக்கு, இந்திய அரசின் அறிவியல் மற்றும் தொழில்நுட்பத் துறை மூலம் நானோ அறிவியல் குறித்த ஆய்விற்கு ₹2.96 கோடி (ஐஅ$3,50,000) ஒதுக்கப்பட்டது.^[11]

விளையாட்டு

குருசேத்ரா பல்கலைக்கழகம், விளையாட்டில் பல சாதனைகள் படைத்துள்ளது. 2015ஆம் ஆண்டில் குருசேத்ரா பல்கலைக்கழகத்தின் குத்துச்சண்டை அணி அனைத்திந்திய பல்கலைக்கழகங்களுக்கு இடையேயான குத்துச்சண்டை போட்டியில் இந்தியா முழுவதுலுமிருந்து 100க்கும் மேற்பட்ட பல்கலைக்கழக வீரர்கள் கலந்துகொண்ட போட்டியில் வென்றது.^[12] அகில இந்தியப் பல்கலைக்கழகங்களுக்கு இடையேயான குத்துச்சண்டை போட்டியில் ஜலந்தர் குத்துச்சண்டை பயிற்சியாளர் ராஜேஷ் குமார் ராஜவுண்டின் கீழ் குருசேத்ரா பல்கலைக்கழக வீரர்கள் 3 தங்கம் மற்றும் 3 வெண்கலப் பதக்கங்களை வென்றனர்.^[13] பல்கலைக்கழகத்திற்கு மௌலானா அபுல் கலாம் ஆசாத் சுழற்கேடயம் வழங்கப்பட்டது. 966-1967ஆம் ஆண்டில் இந்திய அரசால் சர்வதேச மற்றும் தேசிய அரங்கில் பல்கலைக்கழகங்களுக்கு இடையேயான விளையாட்டு மற்றும் பல்கலைக்கழக விளையாட்டு வீரர்களின் செயல்திறனுக்காக வழங்கப்படும் மிக உயர்ந்த விருதாகும்.^[14]