பாசிர் சாலாக்

பாசிர் சாலாக் (ஆங்கிலம்: Pasir Salak; மலாய்: Pasir Salak; சீனம்: 巴西沙叻; ஜாவி: ڤاسير سالق) என்பது மலேசியா, பேராக் மாநிலம், பேராக் தெங்கா மாவட்டத்தில் (Perak Tengah District) அமைந்துள்ள ஒரு கிராமப்பகுதி ஆகும். இந்தக் கிராமப்புற நகரம் ஒரு வரலாற்று வளாகமாகவும் அறியப்படுகிறது.

பாசிர் சாலாக் Pasir Salak பேராக்
பாசிர் சாலாக் வரலாற்று வளாகம்
பாசிர் சாலாக்
ஆள்கூறுகள்: 4°8′1.96″N 100°53′22.33″E
நாடு	மலேசியா
மாநிலம்	பேராக்
மாவட்டம்	பேராக் தெங்கா
நேர வலயம்	மலேசிய நேரம் ஒ.ச.நே + 08:00
அஞ்சல் குறியீடு	36800
தொலைபேசி எண்	[phone]
போக்குவரத்துப் பதிவெண்கள்	P

இந்த நகரம் பேராக் ஆற்றின் கரையில் அமைந்துள்ள ஒரு முக்கிம் ஆகும். பேராக் ஆற்றின் மறுகரையில் கம்போங் காஜா நகரம் உள்ளது. பாசீர் சாலாக்கின் தென்பகுதியில் செபராங் பேராக் எனும் அரிசிக் களஞ்சியம் உள்ளது.

ஜேம்சு பர்ச்

பேராக், பாசிர் சாலாக் (Pasir Salak) எனும் இடத்தில் பிரித்தானிய ஆணையர் ஜேம்ஸ் பர்ச் (James Wheeler Woodford Birch); மகாராஜா லேலா (Maharaja Lela) என்பவரால் 1875 நவம்பர் மாதம் 2-ஆம் தேதி கொலை செய்யப்பட்டார். ஜேம்ஸ் பர்ச் பேராக் மாநிலத்தின் முதல் பிரித்தானிய முதல்வராக அனுப்பப்பட்டவர். அதன் பின்னர் பேராக் போர் நடந்தது.^[1]

உள்ளூர் மலாய்த் தலைவர்கள் மகாராஜா லேலா மற்றும் செபுண்டம் ஆகியோரின் சதியின் விளைவால் அந்த நிகழ்ச்சி நடந்தது. பின்னர் பிரித்தானிய இராணுவத் தலையீட்டின் மூலம் பிரச்சினை தீர்வு காணப்பட்டது. இந்த நிகழ்வு மலாயா மக்களிடையே பெரும் தாக்கத்தையும் ஏற்படுத்தியது.^[2]

குறிப்பிடத்தக்க இடங்கள்

• ஜேம்சு பர்ச் நினைவுச்சின்னம்
• பாசிர் சாலாக் மசூதி
• கூத்தாய் பாரம்பரிய வீடு
• செபுண்டம் நினைவகம்
• டத்தோ மகாராஜா லேலா நினைவிடம்
• ஜேம்ஸ் பர்ச் கொலை நடந்த இடம்
• படகு துறை
• பாசிர் சாலாக் வரலாற்று சுரங்கப்பாதை
• பேராக் மந்திரி பெசார் கலைக்கூடம்