மாமனிதன்

மாமனிதன் (Maamanithan) என்பது இயக்குநர் சீனு இராமசாமி எழுத்து, இயக்கத்தில் 2022-இல் வெளியான இந்தியத் தமிழ்த் திரைப்படமாகும்.^[1][2] யுவன் சங்கர் ராஜாவின் ஒய்.எஸ்.ஆர் புரொடக்சன்ஸ் சார்பாக இத்திரைப்படத்தைத் தயாரித்தார். விஜய் சேதுபதி, யுவன் சங்கர் ராஜா, சீனு ராமசாமி ஆகிய மூவருக்கும் தென்மேற்கு பருவகாற்று, இடம் பொருள் ஏவல், தர்மதுரை போன்ற படங்களுக்குப் பிறகு இணையும் நான்காவது படமாகும்.^[3][4] மேலும், யுவனுடைய தந்தை இளையராஜாவுடன் இணைந்து இசையமைத்தார். நடிகை காயத்ரி ஒரு முக்கிய வேடத்தில் விஜய் சேதுபதியுடன் நடித்தார்.

மாமனிதன்
திரைப்படச் சுவரொட்டி
இயக்கம்	சீனு இராமசாமி
தயாரிப்பு	யுவன் சங்கர் ராஜா சான் சுதர்சன்
கதை	சீனு இராமசாமி
இசை	இளையராஜா யுவன் சங்கர் ராஜா கார்த்திக் ராஜா
நடிப்பு	விஜய் சேதுபதி காயத்ரி குரு சோமசுந்தரம் ஷாஜி சென் ஜுவெல் மேரி
ஒளிப்பதிவு	சுகுமார்
படத்தொகுப்பு	ஏ. ஸ்ரீகர் பிரசாத்
கலையகம்	ஒய்.எஸ்.ஆர் புரொடக்சன்ஸ்
நாடு	இந்தியா
மொழி	தமிழ்

கதைச்சுருக்கம்

தனி ஒட்டுநரான இராதாகிருஷ்ணன் தன் மகளையும் மகனையும் தனியார் பள்ளியில் படிக்கவைப்பதற்காகத் தன் தொழிலில் இருந்து மாறி படுகுழியில் விழுகிறார். இதனால் ஏற்பட்ட சிக்கல்களால் தன் குடும்பத்தையும், ஊரையும் விட்டுத் தலைமறைவாகிறார். இச்சூழலில் தன் குடும்பத்தைக் காக்க என்ன செய்தார் என்பதை இப்படம் சித்தரிக்கிறது.

நடிகர்கள்

• இராதகிருஷ்ணனாக விஜய் சேதுபதி
• இரம்யாவாக காயத்ரி
• கே. பி. ஏ. சி. இலலிதா
• குரு சோமசுந்தரம்
• ஷாஜி சென்
• ஜுவெல் மேரி
• அனிகா
• சரவண சக்தி ^[5]

தயாரிப்பு

2018 திசம்பர் 15 அன்று ஓர் எளிய விழாவுடன் மதுரையில் இந்தப் படத்திற்கான படப்பிடிப்பு தொடங்கியது.^[6] படப்பிடிப்புக்கான இரண்டாவது கட்டமாக கேரளத்திலும், வாரணாசியிலும் நடைபெற்றது.^[7]