From Wikipedia, the free encyclopedia
அகண்டன் வேலுசாமி இராதாகிருஷ்ணன் (Akandhan Velusami Radhakrishnan, பிறப்பு: 1 ஆகத்து 1952)[1] இலங்கையின் மலையகத் தமிழ் அரசியல்வாதியும், நாடாளுமன்ற உறுப்பினரும் ஆவார்.
வேலுசாமி இராதாகிருஷ்ணன் Velusami Radhakrishnan | |
---|---|
தாவரவியல் பூங்காக்கள் பொது பொழுது போக்கு அலுவல்கள் பிரதி அமைச்சர் | |
பதவியில் 9 அக்டோபர் 2014 – 10 டிசம்பர் 2014 | |
இலங்கை நாடாளுமன்றம் நுவரெலியா மாவட்டம் | |
பதவியில் உள்ளார் | |
பதவியில் 2010 | |
மத்திய மாகாணசபை உறுப்பினர் | |
பதவியில் 1999–2010 | |
தனிப்பட்ட விவரங்கள் | |
பிறப்பு | 1 ஆகத்து 1952 |
அரசியல் கட்சி | மலையக மக்கள் முன்னணி |
இனம் | மலையகத் தமிழர் |
இராதாகிருஷ்ணன் 1952 ஆகத்து 1 ஆம் நாள் நுவரெலியா மாவட்டம், பொகவந்தலாவையில் உள்ள இராணிகாடு தோட்டத்தில் பிறந்து கந்தப்பளை கோட்லோஜ் தோட்டத்தில் வளர்ந்தார். நுவரெலியா புனித திரித்துவக் கல்லூரி, கொழும்பு சென் பீட்டர்சு கல்லூரி, யோசப் கல்லூரி ஆகியவற்றில் கல்வி கற்றவர்.[2] திருமணமான இவருக்கு நான்கு பிள்ளைகள் உள்ளனர்.[1][2]
இராதாகிருஷ்ணன் 1991 இல் இலங்கைத் தொழிலாளர் காங்கிரஸ் கட்சியின் வேட்பாளராக நுவரெலியா பிரதேச சபைக்கு தெரிவு செய்யப்பட்டு அதன் தலைவராக நியமிக்கப்பட்டார்.[2] 1999 இல் மத்திய மாகாணசபை உறுப்பினராக தேர்ந்தெடுக்கப்பட்டார்.[2] கலாசார மற்றும் தமிழ்க் கல்விக்கான மாகாணசபை அமைச்சரானார்.[3][4] 2004 மாகாணசபைத் தேர்தலில் ஐக்கிய தேசியக் கட்சியின் சார்பில் போட்டியிட்டு மீண்டும் மாகாணசபை உறுப்பினரானார்.[5][6] 2009 மாகாணாசபைத் தேர்தலில் ஐக்கிய மக்கள் சுதந்திரக் கூட்டணி (ஐமசுக) வேட்பாளராகப் போட்டியிட்டு வெற்றி பெற்றார்.[7] 2009 மார்ச்சில் மாகாணசபை அமைச்சராக நியமிக்கப்பட்டார்.[8]
2010 நாடாளுமன்றத் தேர்தலில் ஐமசுக வேட்பாளராக நுவரெலியாவில் போட்டியிட்டு நாடாளுமன்றம் சென்றார்.[9][10] 2010 செப்டம்பர் 11 இல் இராதாகிருஷ்ணன் இலங்கை தொழிலாளர் காங்கிரஸ் கட்சியில் இருந்து விலகி சுயேட்சை நாடாளுமன்ற உறுப்பினராக ஐமசுக விற்கு ஆதரவளித்தார்.[11] 2010 அக்டோபர் 7 இல் மலையக மக்கள் முன்னணியில் சேர்ந்து அதன் அரசியல் பிரிவுத் தலைவரானார்.[12] 2014 அக்டோபர் 9 இல் தாவரவியல் பூங்காக்கள் பொது பொழுது போக்கு அலுவல்கள் பிரதி அமைச்சராக நியமிக்கப்பட்டார்.[13][14]
2014 டிசம்பர் 10 இல் ஐமசுக அரசில் இருந்து விலகிய இராதாகிருஷ்ணன் 2015 அரசுத்தலைவர் தேர்தலில் போட்டியிட்ட எதிரணியின் பொது வேட்பாளரான மைத்திரிபால சிறிசேனவிற்குத் தனது ஆதரவைத் தெரிவித்தார்.[15][16] தேர்தலுக்குப் பின்னர் புதிய அரசுத்தலைவராகத் தெரிவான சிரிசேன இவரைக் கல்வி இராசாங்க அமைச்சராக நியமித்தார்.[17][18]
2015 ஆம் ஆண்டில் இராதாகிருஷ்ணன் சனநாயக மக்கள் முன்னணியின் தலைவர் மனோ கணேசன், மற்றும் பழனி திகாம்பரம் ஆகியோருடன் இணைந்து தமிழ் முற்போக்குக் கூட்டணி என்ற கூட்டமைப்பை ஆரம்பித்தார்.[19][20] இக்கூட்டணி 2015 நாடாளுமன்றத் தேர்தலில் ஐக்கிய தேசியக் கட்சியுடன் இணைந்து போட்டியிடுகிறது.[21]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.