Gitnang Kabisayaan

Ang Gitnang Kabisayaan (Ingles: Central Visayas) ay isang rehiyon ng Pilipinas na matatagpuan sa mga kapuluan ng Kabisayaan. Binubuo ito ng dalawang lalawigan: Bohol, Cebu, at ng mga nagsasariling lungsod ng Cebu, Lapu-Lapu, at Mandaue. Katutubong sinasalita ang wikang Sebwano. Ang lungsod ng Cebu ang sentro ng rehiyon.

Gitnang Kabisayaan Tunga-tungang Kabisay-an Rehiyon VII
Rehiyon
Taas at baba: Cebu Metropolitan Cathedral (Cebu); at Chocolate Hills (Bohol).
Palayaw:
Lokasyon sa Pilipinas
Mga koordinado: 10°00′N 123°30′E
Bansa	Philippines
Pangkat ng mga Pulo	Kabisayaan
Sentro ng Rehiyon	Lungsod ng Cebu
Lawak
• Kabuuan	15,895.66 km2 (6,137.35 milya kuwadrado)
Populasyon  (senso ng 2020)
• Kabuuan	8,081,988
Sona ng oras	UTC+8 (PST)
Kodigo ng ISO 3166	PH-07
Mga lalawigan	2 Bohol Cebu
Mga lungsod	10 Bogo Carcar Cebu City Danao Lapu-Lapu City Mandaue Naga Tagbilaran Talisay Toledo
Mga Munisipalidad	91
Mga Barangay	2,312
Mga Distrito	11
Mga Wika	Sebwano (Diyalektong Boholano) Porohanon Bantayanon Filipino Ingles

Mga Lalawigan at mga Lungsod

Ang Gitnang Kabisayaan ay binubuo ng 2 na mga lalawigan at 3 mataas na urbanisadong lungsod.

Mapang pampolitika ng Gitnang Kabisayaan

Lalawigan/Lungsod	Kabisera	Wika	Populasyon (2015)[1]	Lawak (km²)	Kakapalan (/km²)
Bohol	Lungsod ng Tagbilaran	Wikang Sebwano	1,313,560	4,820.95	272.5
Cebu	Lungsod ng Cebu	Wikang Sebwano	2,938,982	4,943.72	594.5
Lungsod ng Cebu¹	—	Wikang Sebwano	922,611	315.00	2,928.9
Lungsod ng Lapu-Lapu¹	—	Wikang Sebwano	408,112	58.10	7,024.3
Lungsod ng Mandaue¹	—	Wikang Sebwano	362,654	25.18	14,402.46

Bagaman ang Lungsod ng Cebu, Lungsod ng Mandaue, at Lungsod ng Lapu-Lapu ay kadalasang nakapangkat sa ilalim ng lalawigan ng Cebu para sa layuning estadistikal ng Pambansang Tanggapan ng Estadistika, bilang mga mataas na urbanisadong lungsod sila ay nagsasarili at hindi pinapamahalaan ng lalawigan ng Cebu.

Demograpiya

Senso ng Populasyon ng Gitnang Kabisayaan

Taon	Pop.	±% p.a.
1990	4,594,124	—
2000	5,706,953	+2.19%
2010	6,800,180	+1.77%
2015	7,396,898	+1.61%
Nabibilang ang Negros Oriental sa datos ng taong 2015. Source: Philippine Statistics Authority[2][3][4][5]

Ayon sa pinakahuling senso noong 2015, umabot sa 7 milyon ang populasyon ng Gitnang Kabisayaan. Ang Rehiyon VII ang ikalimang pinakamataong rehiyon ng Pilipinas.

Ang Sebwano ang pinakalaganap na wika sa rehiyon. Nakakaintindi rin ang nakakarami ng Tagalog, Ingles.

Transportasyon

Pandagat

Isang fastcraft terminal para sa mga pasaherong mula Cebu patungong Negros.

Dahil nahihiwalay ng dagat ang mga lalawigan sa rehiyon, isang malaking industriya sa rehiyon ang transportasyong pandagat. Ang Pantalan ng Cebu ang pangunahing daungan sa rehiyon na siya ring pinakamalaking daungan sa buong Kabisayaan. May mga biyahe rito papunta sa iba't ibang parte ng Kabisayaan, Mindanao at Luzon. Mayroon ring mga daungan sa ibang bahagi ng lalawigan ng Cebu. Marami ring daungan sa Bohol, Negros Oriental at Siquijor. Ilan dito ang mga pantalan ng Dumaguete, Tagbilaran at Larena.

Panghimpapawid

Ang Paliparang Pandaigdig ng Mactan–Cebu.

Ang Paliparang Pandaigdig ng Mactan–Cebu, na matatagpuan sa Lungsod ng Lapu-Lapu, ay ang ikalawang pinakaabalang paliparan sa Pilipinas (pagkatapos ng Paliparang Pandaigdig ng Ninoy Aquino) sa Kalakhang Maynila at ang tanging paliparan sa Kabisayaan na may mga pandaigdigang paglipad (maliban sa Paliparang Pandaigdig ng Kalibo).