Марсель Таишев
From Wikipedia, the free encyclopedia
Remove ads
Марсель Таишев, Марсель Мазһар улы Таишев (1943 елның 2 гыйнвары, ТАССР, Сарман районы, Сарман) — Татарстан Республикасының мәдәният министры (1985-1999), ТР атказанган мәдәният хезмәткәре (1992), тарих фәннәре кандидаты (1984).
Remove ads
Тәрҗемәи хәле
1943 елның 2 гыйнварында Татарстан АССР Сарман районы үзәге Сарман авылында укытучылар гаиләсендә туган. Сарман урта мәктәбен (1961, алтын медаль белән), Казан дәүләт химия-технология институтының КИПиА факультетын (1967)[1], Мәскәүдә КПСС Үзәк Комитеты каршындагы Иҗтимагый фәннәр академиясен (1984) тәмамлаган. Мәскәүдә тарих фәннәре кандидатлыгына диссертация яклаган (1984).
Хезмәт юлы
1961-1962 елларда Казан компрессор заводында слесарь-җыючы.
1967 елдан Казан Оргсинтез заводында контроль-үлчәү приборлары буенча мастер, ноябрьдә заводның ВЛКСМ комитеты сәркатибе итеп сайлана.
1971-1972 елларда ВЛКСМ Ленин райкомы беренче сәркатибе.
1972-1973 елларда ВЛКСМның Татарстан өлкә комитеты сәркатибе.
1973-1978 елларда КПСС Татарстан өлкә комитетында пропаганда-агитация бүлеге мөдире урынбасары.
1978-1981 елларда мәдәният һөнәри берлекләренең Татарстан өлкә комитеты рәисе.
1981-1984 елларда Мәскәүдә укый.
1984-1985 елларда КПСС Татарстан өлкә комитетында бүлек мөдире урынбасары.
1985-1999 елларда Татарстан АССР (1991 елдан ТР) мәдәният министры.
1999 елдан соң ТР министрлар кабинеты аппаратының мәдәният һәм сәнгать бүлеге җитәкчесе, ТР министрлар кабинеты каршындагы җәмәгать пулаты рәисе, ТР премьер-министрының мәдәният, сәнгать һәм гаммәви чаралар буенча киңәшчесе, ТР мәдәният министрлыгы каршындагы җәмәгать пулаты рәисе (2010), ТР президенты каршындагы Г. Тукай исемендәге ТР дәүләт премияләре буенча комиссия әгъзасы (2014)[2].
Remove ads
Бүләкләре, мактаулы исемнәре
Гаиләсе
Хатыны, ике баласы.
Искәрмәләр
Чыганаклар
Сылтамалар
Моны да карагыз
Wikiwand - on
Seamless Wikipedia browsing. On steroids.
Remove ads