Салават Фаязов

Салават Фаязов, Салават Фоат улы Фаязов (Салават Фаатович Фаязов; 1958 елның 12 ноябре, СССР, РСФСР, ТАССР, Калинин районы, Иске Кадермәт) ― очучы, генерал-майор, корпус командиры. Россия Федерациясенең атказанган хәрби очучысы (2001)^[1]

Салават Фаязов
Туу датасы	12 ноябрь 1958(1958-11-12) (66 яшь)
Туу урыны	СССР, РСФСР, Калинин районы (Татарстан АССР), Иске Кадермәт
Иялек	СССР РФ
Гаскәр төре	авиация
Дәрәҗә	генерал-майор
Җитәкчелек иткән	корпус командиры
Бүләкләр һәм премияләр

Википедиядә Фаязов фамилияле башка кешеләр турында мәкаләләр дә бар.

Тәрҗемәи хәле

1958 елның 12 ноябрендә Татарстан АССР Калинин (1959 елдан Актаныш) районы (хәзер Иске Сәфәр авыл җирлегенә керүче) Иске Кадермәт авылында колхозчы гаиләсендә туган^[2].

Пучы урта мәктәбен тәмамлагач (1976), Ставрополь шәһәрендәге һава һөҗүменнән саклану очучылары һәм штурманнары югары хәрби авиация училищесына^[d] укырга кергән^[1].

1980 елдан^[3] ― Амурдагы Комсомольск шәһәрендә истребитель авиаполкында очучы. Су-15^[d] юл кисүче очкычында, Су-27 истребителендә, соңрак МиГ-31 истребителендә очып, ил күген саклаган, өлкән очучы, бүлекчә командиры, эскадрилья командиры урынбасары, экадрилья командиры булган. Гомеренең 2500 сәгатен һавада үткәргән^[1].

1988 елдан Г. К. Жуков исемендәге һава һөҗүменнән саклану хәрби команда академиясендә^[d] укыган^[1].

Хәрби академияне тәмамлагач, Мурманск өлкәсе Кола районы Килпъявр^[d] бистәсендә, Яңа Җир архипелагының Южный утравында урнашкан А́мдерма-2^[d] хәрби аэродромында, Архангельск өлкәсе Котлас шәһәрендә полк авиаочышлар куркынычсызлыгы хезмәте башлыгы, командир урынбасары булып хезмәт иткән^[1].

1996 елдан Ленинград өлкәсендәге авиаполк командиры, тагын 3 елдан Санкт-Петербургта урнашкан һава һөҗүменә каршы корпус командиры итеп билгеләнгән^[1].

2000 елда Архангельскига дивизия командиры итеп күчерелгән^[1].

2002 елдан ― Тверь өлкәсе Ржев 32нче һава һөҗүменнән саклану корпусы командиры урынбасары^[1].

2005 елның 1 сентябреннән Россия Федерациясе Кораллы Көчләре Генераль штабының академиясенә^[d] укырга кабул ителгән. Академияне тәмамлагач, корпус^[d] командиры итеп билгеләнгән^[1].

Бүләкләре, мактаулы исемнәре

• Кызыл Байрак ордены
• 2001 елның 4 августы ― Россия Федерациясенең атказанган хәрби очучысы^[d] ― авиация техникасын үзләштерүдәге аерым казанышлары, очучы кадрларны тәрбияләүдә һәм укытуда югары күрсәткечләре һәм хәрби авиациядә күпьеллык авариясез очу эше өчен^[1].

Шәхси тормышы

Гаиләле. Хатыны Рәзинә Фаиз кызы (Актаныштан). Балалары: кызы һәм улы^[1].