Bołìvia
From Wikipedia, the free encyclopedia
Remove ads
Bołìvia (denomenasion derivada dal nome del libarador Simón Bolívar[13] - aimara: Wuliwya; quechua: Buliwya; guaranì: Volívia), e dal 2009 ufisalmente Stato Plurinasionałe de Bołìvia[14][15], el ze un paeze sovran sensa litorałe situà inte ła rejon sentrosidentałe de Amèrica del Sud, pułitegamente formà cofà un stato plurinasionałe, desentrałizà, republegan[16] e co autonomie locałi[17].
El paeze el ze organizà in nove departementi, ła so capitałe costitusionałe e istòrega ła ze Sucre[18], andove che el susiste el òrgano zudisiałe; mentre che ła so Sede de Goerno ła susiste inte ła sità de La Paz, andove che i susiste i òrgani ezecutivo, lejislativo e ełetorałe.
La confina verso nord e a l'oriente col Braziłe, al sud co Paraguay e Arzentina, e a l'osidente col Chiłe e el Perù. El ze un Stato sensa litorałe e costitusionalmente el mantien na reclamasion teritoriałe col Chiłe par na desbocadura sovrana inte l'osèano Pasìfego. La so superfise ła ze ła sesta pì estendesta del Latinoamèrica e ła ze formada da vari geogràfeghi cofà ła cordillera de łe Ande, el Altipian, ła Amazònia, i Piani de Moxos e el Chaco, esendo uno dei paezi co pì granda biodiversità inte el mondo[19].
Inte el so teritorio i se ghea desviłupà siviłizasion preispàneghe cofà Tiwanaku, ła Cultura Idràułega de las Lomas[20], ła cultura moxeña e altre che łe soravive finmente inte i dì de uncó, cofà i Aymaras, urus, chiquitanos, guaraníes e altri. I Incas i ghea concuistà ła parte osidentałe de l'atuałe teritòrio bołiviano e i lo ghea denomenà Collasuyo. Posteriormente el Inpero spagnoło el ghea domenà e controłà el teritòrio, canbiàndoghe el nome e ciamàndoło Audiensa de Charcas finmente che inte el 6 de agosto del 1825 el se ghea indipendizà e inte l'11 de agosto de l'isteso ano el ghea ciapà el nome de Repùblega de Bolìvar, finmente rivar ciamarse inte el nome atuałe inte el 3 de otobre del 1825[21], o sia Bołìvia. Inte ła so atuałe costitusion pułìtega ła Bołivia ła se ghea declarà cofà un paeze plurinasionałe reconosendo reconosendo che inte el so teritòrio łe coeziste vàrie nasion che łe ga orìzeni antesedenti a ła cołonizasion spagnoła.
Ła conta de na popołasion de arente i 10,1 milioni de abitanti drio i dati de l'ùltemo censo del 2012. Ła Bołìvia ła ze un stato multiètnego, gavendo na popołasion formada da persone de orìzeni indìzene[22], mestise[23], eoropee[24], asiàteghe e africane[25].
Ła spagnoła ła ze ła łéngua ufisałe e predomenante, anca se 36 léngue indìzene łe detien el status de idioma ufisałe, de łe cuałe łe pì parlae łe ze el quechua par el 25%, el aimara par el 11% e el guaranì par el 1% de ła popołasion totałe[26]. Un censimento del 2001 el declara che l'88,4% de ła popołasion indìzena ła parla cofà łéngua mare o cofà seconda łéngua el spagnoło[27].
Ła Bołìvia ła ze un paeze in via de desviłupo de rèdito mèdio e ła se cata al 4º posto par ła Uguajansa de Rèdito inte l'Amèrica Latina e intrà i paezi che pì cresimento econòmego ła ga gavesto inte ła rejon sudamericana[28]. Ła ze stada un menbro fondador de ła Organizasion de łe Nasion Unie (ONU), el FMI, ła OEA, e ła Unasur. Atualmente ła ze in procedimento de adezion al Mercosur.
Remove ads
Zeografia połitega
Dal punto de vista połitego ła xe na republica presidensiałe composta da 9 departementi (departementos).
Organizasion teritoriałe
Bołìvia ła se organiza teritorialmente in nove departementi, che a so volta i se divide in 112 provinse, e ste cuà in 339 munisipi e teritòri indìzeni canpezini.[29]
In acordo a cheło che ze sta stabiłio da ła Costitusion Pułìtega del Stato, ła Leje de łe Autonomie e Desentrałizasion ła règoła el procedimento par ła ełaborasion de Statuti Autonòmeghi e Carte Orgàneghe, el trasferimento e distribusion de conpetense direte e conpartie intrà el liveło sentrałe e łe entità teritoriałi desentrałizade e autònome.[30] i susiste cuatro livełi de desentrałizasion:
- Goerno Departementałe
- Formà da na Asanblea Departementałe, co facoltà dełiberativa, fiscałizadora e lejislativa inte el contesto departementałe. El Órgano Ezecutivo Departementałe el ze comandà dal Goernadore che el vien ełezesto par sufrajo universałe.
- Goerno Munisipałe
- Constituio da un Consejo Munisipałe, co facoltà dełiberativa, fiscałizadora e lejislativa inte el contesto munisipałe. El so òrgano ezecutivo el ze presiedesto dal Sìndico che el vien ełezesto par sufrajo universałe.
- Goerno Rejonałe
- Conformà da vàrie provinse o munisipi co continuità zeogràfega e sensa traséndar lìmiti departementałi. El ze constituio da na Asanblea Rejonałe co facoltà dełiberativa, normativo-aministrativa e fiscałizadora inte el contesto rejonałe.
- Goerno Indìzeno Autòctono Canpezin
- Autogoerno de pòpułi indìzeni in teritori da lori abitai.
Remove ads
Gałeria de someje
Rio Beni
sałina de Uiuni[32]
panorama de Coċabanba
pałaso de el sentro istorego de Sucre, patrimonio ONUESC
.jpg)
Notasion
Altri projeti
Łinganbi foresti
Wikiwand - on
Seamless Wikipedia browsing. On steroids.
Remove ads