Fondo Monetàrio Internasionałe
From Wikipedia, the free encyclopedia
Remove ads
El Fondo Monetàrio Internasionałe o FMI (in ingleze: International Monetary Fund, IMF) ła ze na organizasion finansiària internasionałe co sede a Washington D.C. inte i Stati Unii. El zera nasesto inte el 1944 dopo dei acordi de Bretton Woods, prinsipalmente partindo da łe idee de Harry Dexter White e John Maynard Keynes,[1], inte na reunion de 730 dełegai de 44 paezi liai de ła Seconda Guera Mondiałe, entrando in vigor ufisalmente inte el 27 de disenbre de 1945 co ła ratìfega da parte dei 29 paezi menbri[2], col fine de recostruir el sistema monetàrio internasionałe.
Dopo del 1976 e de ła sparision del sistema de cànbio fiso, el Fondo Monetàrio Internasionałe el ciapa un roło preponderante inte ła concesion de crèditi ai Stati dimandando in cànbio che sti cuà i inpleméntee łe so racomandasion[3]. Inte el 2010, durante ła 14.ª revizion zenerałe de łe cuote i fondi finansiari dispunìbiłi del FMI i contava èsar de 755 700 miłioni de U.S. dòłari[4].
Remove ads
Finałità
Traerso del fondo e altre atività cofà ła recołesion de statìsteghe e dati, monitorajo de łe atività econòmeghe dei paezi menbri, e ła demanda de pułìteghe concrete[5], el FMI el proclama de lavorar par mejorar ła economia dei so paezi menbri[6]. I fini proclamai da ła organizasion i ze[7]:
- promóvar ła cooperasion monetària internasionałe;
- fasiłitar el comercio internasionałe;
- redùzar ła desocupasion;
- rivar a tasi de cànbio sostegnìbiłi;
- rivar cresimento econòmego;
- concédar ai paezi menbri in dificultà econòmeghe de łe reserve monetàrie[8].
Remove ads
Finansiaminti
El Fondo Monetàrio Internasionałe el se finànsia co cuatro grandi instrumenti:
- cuote, versae da cadauno stato inte el momento de adezion al Fondo par el 75% in vałuta nasionałe e par el 25% in deriti speciałi de prełevo (special drawing rights);
- acordi de inpresto, che el Fondo el połe finir coi stati menbri par darghe asistensa finanansiària in baze a l'art. 7 del statuto;
- véndita de łe dispunibilità de oro, terso detentor dopo dei Stati Unii d'Amèrica e Zermània;
- tasi de intarese sui inpresti, doparai par speze oparadive cofà i stipendi del personałe.
Spartision de łe cuote e dei voti
.svg){kind=small}
.svg){kind=small}
Remove ads
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads