Costa Rica
From Wikipedia, the free encyclopedia
Remove ads
Costa Rica, ufisalmente Repùblega de Costa Rica, ła ze na nasion sovrana, organizada cofà na repùblega presidensiałista unitària formada da 7 province. Ubicada in Amèrica Sentrałe, ła ga un teritòrio co un àrea totałe de 51 100 km². Confina co Nicaràgua al nord, el mar Caribe verso est, Panamà al sudest e el osèano Pasìfego a l'ovest. In cuanto ai bordi marìtimi, ła sta arente de Panama, Nicaragua, Cołónbia e Ecuador.[15][16]
Ła conta de 5 163 068 abitanti drio cheło che dize ła so ùltema projesion demogràfega[17]. La so capitałe, sentro pułìtego e econòmego el ze San José, e la so łéngua ufisałe ła ze la łéngua spagnoła[18]. El ze el paeze pì meridionałe de Amèrica del Nord e el so punto pì austrałe el ze la ìzoła del Coco.
Co na sòłida e lonzeva democrasia, intrà le pì funsionałi del mondo[19][20][21], e na eficase capasità de mobiłità sociałe che ła ghe permite de rivar a un erlevà progreso zenerałe in rełasion a la destribusion e grandesa de ła so economia[22], Costa Rica ła ze el sincuantèzemo paeze pì rico del mondo drio cheło che dize dati del Fondo Monetàrio Internasionałe[23] e uno dei pì stàbiłi de Amèrica, otegnendo rezultai zeneralmente favoràbiłi in tuti i ìndazi de desviłupo e conpetitività.[24][25][26][27][28][29][30]. Par de pì, ła ga difarenti pułìteghe a ła vanguàrdia par la protesion de l'anbiente[31][32][33] e ła ze na nasion desmiłitarizada par pròpia vołontà dal 1948[34], mantegnendo un ełevà liveło de prosperità[35] e vegnendo considerada ła socetà pì contenta del pianeta, durante pì de na dècada, drio cheło che dize el New Economics Foundation[36].
De forma parałeła, el paeze atualmente el fa fronte a inportanti sfide inte el so desviłupo rełasionae a la condision defisitària e discapasità de mejorar ła so infraestrutura stradałe e de trasporti, un ełevà deficit fiscałe, la sostegnibiłità e eficasa del so stato de benestar, el stagnamento inte la poaresa[37], la tendensa verso alto inte i so tasi de dełincuensa, dezocupasion e dezigualiansa; e i profondi problemi ecolòzeghi rełasionai a pràteghe agrìcułe nozive, mała zestion de scarti e contaminasion dei corpi de àcua.[38][39][40][41]
Remove ads
Storia
El primo europeo a rivar in Costa Rica xe stà Cristoforo Colombo inte el 1502. Ła xona ła xe stà colonixà da i Spagnołi a partir dal 1563.
Inte el 1821 el Mèsego e tute łe altre nasion sentromericane łe gà dichiarà l'independensa da ła Spagna. Pa' un tocheto a Costa Rica ła ga fato parte de ła Federasion de łe Province Unìe de ła Amèrica Sentral, insieme co Guatemala, El Salvador, Honduras e Nicaragua. Dopo inte el 1838-1841 ła federasion ła xe presipità inte na guera çiviłe e ogni Stato el xe ndà par conto suo.
Inte el 1948 ghe xe stà na curta ma sanguinoxa guera çiviłe: defati a łe elesion presidensiai, el goerno usente guidà dal presidente Teodoro Picado Michalski el sà rifiutà de reconòsar ła vitoria de l'opoxision. Ełora questi i se ga rebelà soto ła guida de José Figueres Ferrer e i ga ciapà el podere. Dopo de che Figueres el ga fato na serie de riforme, dandoghe el voto a łe fémene e a i analfabeti e abołendo conpletamente el exerçito, pa' evitare el ris·cio de colpi de Stato. Dopo el 1948 nó ghe xe pi stai dixordini, contrariamente a quanto avegnùo inte i paexi visini.
Remove ads
Zeografia połitega
El Costa Rica el xe na Republica presidensial. La divizion teritoriałe de Costa Rica ła conprende 7 province divideste in 82 cantoni e sti cuà a so volta, sudividesti in 488 distreti cołejai.[42]
Ezèrsito
In Costa Rica i ga soło che łe forse de polisìa.
I fondi che prima i era destinai a łe spexe miłitari deso i vien doparai pa' altre robe, come l'educasion, ła sanità, ła salvaguardia del anbiente e el svilupo econòmego. Defati ła Costa Rica ła xe el quarto Stato mejo svilupà de tuta ła Amèrica Latina. Ła vita połitica ła xe chieta.
Remove ads
Demografia
I viventi in Costra Rica i xe de marełengua Spagnoła.
Gałeria de someje
Cordiłiera de Talamanca
fiume Rio Grando de Téraba
panorama de Cartago
sfere de piera de ła cultura Dicuìs int'el sito ONUESC de Finca 6
Note
Altri projeti
Łinganbi foresti
Wikiwand - on
Seamless Wikipedia browsing. On steroids.
Remove ads