Gerry Scotti
From Wikipedia, the free encyclopedia
Remove ads
Gerry Scotti, a l'anàgrafe Virginio Scotti (Camporinaldo, 7 de agosto 1956), el ze un condutor tełevizivo, condutor radiofonego e ex-pułìtego itałian. Conosùo anca co'l apeładivo de Zio Gerry, e, soratuto in pasà, de Dottor Scotti o Signor Scotti, come condutor (e inte łe ùlteme stazon anca zùdexe) el ga a l'ativo al 2019 sirca 700 prime serade e oltre 8000 pontade de programi in day time so łe redi Mediaset.
Remove ads
Biografia
Virginio Scotti el nase a Camporinaldo (frasion de Miradolo Terme in provincia de Pavia) el 7 agosto 1956, ciapando el nome de só zio. Fiol ùnzoło, el pare Mario el ze un operaio che'l łaora a łe rodative de'l Corriere della Sera, mentre só mare, de Miradolo Terme, ła ze na cazałinga. Daspò un pochi de ani da ła nàsita de só fio, ła fameja Scotti ła se trasferise a Miłan. El frecuenta el łiceo clàsego[1] e può el se iscrive a giurisprudenza, sensa parò conpletar i studi, fermandose a sołi do exami dal tìtoło.[2]
Inte'l 1991 el se ga spozà co Patrizia Grosso da ła cuała el se ga separà inte'l 2002 e el ga infìn divorsià inte'l 2009.[3] I do i ga avùo un fìo, Edoardo, nasùo el 10 marso 1992; el 21 magio 2009 el ghe manda na łétara a'l diretor de'l Corriere della Sera in cui el manifesta ła só aprovasion par ła vertura de ła Cieza Catòłega inte i confronti dei devorsiài auspicada da'l cardinałe Carlo Maria Martini.[4]
Atività radiofònega
Radio Milano International
Gerry (che a l'inìsio se faseva ciamàr Gary) taca ła só carièra radiofònega a Radio Hinterland Milano2. A fin ani setanta el pasarà a Radio Milano International co le rubriche Il mercatino delle pulci, indove ch'el łezeva mesaji de parsone che vendeva o sercava robe uzàe, e po' Il puntaspilli, rubrica de anunci, par po' deventàr una de łe voze de ponta de ła radio co'l programa La mezz'ora del fagiano.
Radio DeeJay
Inte el periodo estivo del 1982 Gerry riva a Radio Deejay dopo èsar stà ciamà da Claudio Cecchetto. Prima de l'incontro co sto ùltemo Scotti el gaveva łaorà contenporaneamente par Radio Milano International e na agensia par ła cuała el inventava testi e canpanje publisitarie. El responsàbiłe de sta agensia ghe'l gaveva 'pena prenotà un biłieto aereo par i Stati Unii, indove ch'el gavarìa dovesto ndar par ciapar parte a un corso de regia tełeviziva, ma riva ła tełefonada de Cecchetto, che'l riese a convinserlo a restar in Itałia co na proposta interesante: devantar ła prima voze de Radio Deejay.[5] In riguardo el ga contà: "Gavevo un òtemo stipendio, un mucio de benefit, parfìn el dentista pagà. Cusì, quando che go dito a caza che vołevo darme al spetàcoło, par poco a mia mama no ghe ciapava un cocołon".[6]
Pròpio grasie a Radio DeeJay non soło el riva a'l gran pùblego, ma el zbarca anca in tełevizion co DeeJay Television. El łasarà 'sta radio solche inte'l 1988 par ndar a RDS, andove el restarà soło sìe mezi.
Radio R101
A l'inisio de'l 2006, dopo scuazi vinti ani, el torna in radio co Il quesito del fagiano, in onda so R 101 (che no'l ze altro che ła só vecia Radio Milano International), ed entra inte'l CdA de ła Monradio S.r.l. (ła sosietà Arnoldo Mondadori Editore nasesta par ła zestion de l'area radiofònega), indove el vien nomenà visepresidente.[7] Inte l'utuno 2006 el ze in onda co Sbanca 101, repropozision de'l só quiz Passaparola in radio. In inverno-primavera 2007 el prezenta Regalo di compleanno. Da'l zunjo 2007 el ze presidente de ła Monradio srl.[8]
Inte l'autun 2007 el torna co Sbanca 101. Da'l zenaro fin a zunjo 2008 el ze in radio co Smile. Inte'l 2007 el ze premià co ła Radiogrolla, el Premio Saint Vincent par ła Radio, par ła categoria mejo voze mascołìna.[9] Da l'utuno 2008 a zenaro 2011 el ze in radio co un programa de mùzega in onda el sabo, e in replica ła doménega, ciamà 101%. Inte'l zenaro 2012 el rasenja łe dimision da presidente par masa inpenji tełevizivi.[10]
Atività in tełevizion
Gerry Scotti conduxe quiz, varietà e talent show, ma el resita de frecuente anca in sit-com o film TV. El ga senpre prezentà so Mediaset, e l'azienda de Cologno Monzese ła ło considera un só personazo de ponta e de spico, reciamandoło in ocazion de crize de ascolto o de insucesi de trazmision. Mike Bongiorno, el re de i presentadori tełevizivi, el ło considarava el só erede.[11] Tìtoło confermà anca da ła zente: segondo ła sosietà de sondagi SWG, par conto de'l setemanałe Oggi, Gerry par el 58% de i tełespetadori intarvistài el ze l'erede tełevizivo de Mike Bongiorno. L'erede di Mike Bongiorno? Gerry Scotti! - www.mondotvblog.com, 16 settembre 2009 |date=marzo 2018 |bot=InternetArchiveBot }}</ref> Inte'l 2010 el ga declarà de vołerse ritirar da'l mondo tełevizivo intorno a i 60 ani de età. Poco prima de conpir 60 ani el ga parò desidesto de continuar a far tełevizion.[12]
Mùzega e varietà
Durante i primi ani Gerry el se spesiałiza inte ła condusion de programi muzegałi, ma non soło. El fa el só ezordio inte'l 1983 so Italia 1, sendo DJ de Radio DeeJay, co DeeJay Television, el primo programa tełevizivo che'l trazmete videoclip muzegałi, l'antesinjan de MTV. Inte'l 1985 el partesipa a Zodiaco' e a ła varsion estiva de DeeJay Television, ciamada Video Match, mentre l'ano drìo el partesipa a'l Festivalbar 1986 in cuałità de cantante.
Inte'l 1987 el conduze Candid Camera, in istà Deejay Beach e in autun Smile, programa che'l condurà fin a'l 1990. Da'l 1988 e fin a'l 1991 el prezenta tre stazon de Candid Camera Show, otenjendo un considerévołe suceso: ła media de i ascolti ła supara i 4 miłioni de tełespetadori. In istà el torna a'l Festivalbar, che'l condurà fin a'l 1992 par un totałe de sincue edision, e el prezenta anca Azzurro da'l 1989.[13]
Da'l 10 setenbre 1990 el ciapa el posto de Raimondo Vianello inte Il gioco dei 9, che'l conduze fin a l'11 zenaro 1992, dove po' el zogo el ze pasà so Italia 1, par dar spasio el 13 zenaro de'l steso ano a'l nomentato TG5. Inte'l 1991 el conduze co Cristina D'Avena Sabato al circo', co ła partesipasion de Massimo Boldi. Senpre in cueł'ano, Scotti el interpreta el roło de Porthos inte'l tv-muxical I Tre Moschettieri. El 1992 so Canale 5 ze l'ano de La grande sfida, trazmision de'l vènare sera condota co Natasha Stefanenko, e de'l poco fortunà programa de'l mezozorno Ore 12, tanto criticà parché considerà clone de i programi de Michele Guardì in onda so Rai 2.
Dal 5 ługio a'l 18 setenbre 1993 el conduze Campionissimo so Italia 1 e in autun de ła segonda edision de La grande sfida co Valeria Marini e Nino Frassica, ma soratuto, da'l 24 otobre 1993 a'l 24 apriłe 1994, de Buona Domenica so Canale 5 insieme a Gabriella Carlucci. In istà el prezxenta so Canale 5 tre spesiałi so ła moda: ModaMare, Donna sotto le stelle e Bellissima; senpre in istà onji doménega el prezenta Il Quizzone. Senpre a'l fianco de Gabriella Carlucci el conduzarà oncora da'l 16 otobre 1994 a'l 28 magio 1995 Buona Domenica.
Inte'l 1995 el coduze so Canale 5 La sai l'ultima? co Paola Barale, ła trazmision muzegałe Super[14], varsion azornada de ła fortunada trazmision de Maurizio Seymandi Superclassifica Show, e in istà da novo Il Quizzone. So Italia 1 da'l 3 de novenbre 1996 a'l 5 de zenaro 1997, el conduze el programa, che tutavia el otien poco suceso, Non dimenticate lo spazzolino da denti, insieme a na stra zóvane Ambra Angiolini. Inte l'autun senpre de'l 1995 el zbarca anca so Rete 4 a l'ora de diznar, indove el conduze Adamo contro Eva, ma ła trazmision ła sarà serada dopo poco par insuceso.[15]
Inte'l 1996 el conduze Miss & Mister '96 e La sai l'ultima?. Inte ła verta de'l steso ano, par Scotti riva ła prima e fin deso ùnega esperiensa de condusion tełeviziva in un programa non targà Fininvest/Mediaset: se trata de Storie di stelle, cuatro pontàe in onda a'l vènare in prima serada so ła Tełevizion de ła Zvisara Itałiana (l'atuałe RSI La 1). A l'interno del' show reałizà par ła Tv elvetica, Scotti el incontra sèłebri personazi de ła sena muzegałe itałiana par sotołinearghene esperiense profesionałi, sucesi, projeti futuri: el condutor paveze el ze coadiuvà da Carla Petracca[16]. In istà, de ritorno a Mediaset, Gerry el prezenta oncora Il Quizzone e, da'l 1º de łujo a'l 30 de setenbre 1996, inte'l preserałe de Canale 5 el conduze el quiz Vinca il migliore. Inte'l 1997 el conduze oncora Miss & Mister '97, La sai l'ultima? co Natalia Estrada e el prezenta in magio Striscia la notizia co Franco Oppini. Inte'l 1998 el prezenta so Canale 5 Scopriamo le carte co Natalia Estrada e in istà Forza Papà co Mara Venier. El ga anca resità tra el 1996 e el 1998 inte ła sit-com tełeviziva, Io e la mamma co Delia Scala. In azonta inte'l 1998 el ga partesipà a ła sètema pontada de ła prima edision de Ciao Darwin indove l'è stà a cao de ła categoria Peòchi.
Gran tifozo de'l Milan, el ga prezentà ła serada de adio a'l calcio de Franco Baresi a'l Stadio San Siro el 28 de otobre 1997, ła festa scudeto rosonera inte'l 1999 e el 15 de desenbre de'l steso ano el ga conduzesto, insenbre a Simona Ventura, in direta da l'Alcatraz de Miłan ła serasa sełebradiva par el sentener miłanista da'l titoło "100 Milan - Buon Compleanno"; el tuto el ze stà trazmetesto da Italia 1.
Passaparola e Chi vuol essere milionario?
Da'l 1999 Gerry el riva a ła fasa preserałe de Canale 5, indove el taca conduzer vari quiz. L'11 de zenaro de'l steso ano infati el prezenta so Canale 5 Passaparola, a fianco de Alessia Mancini e da altre toze ciamàe Letterine. El programa, che Scotti el prezentarà fin a'l 7 de zenaro 2006 (fora che da'l 1º de marso a'l 26 de zunjo 1999 parché sostituìo da Claudio Lippi) cuando che'l termenarà el só siclo, ciapa el posto de'l sfortunà Superboll conduzesto da Fiorello[17] e el otien un gran suceso. Da'l 1º de marso a'l 12 de zunjo 1999, insieme a Gene Gnocchi (copia za rodà ad Il gioco dei 9) el conduze Striscia la notizia. Propio inte ła prima pontada de Striscia conduzesta da ła copia Scotti-Gnocchi, Gerry el sfondra el bancon de Striscia saltando come fazeva abitualmente Ezio Greggio. Gerry el ametarà che'l salto e ła rotura de'l bancon i jera prevedesti e i jera stà provài, ma el sfondamento vero e propio no'l zera prevedesto.
El 13 de setenbre 1999 el reprende Passaparola senpre co suceso. Vien anca trazmetesta ła sit-com Finalmente soli, spin-off de Io e la mamma; Gerry interpreta sénpre Gigi Mantelli, ma stavolta el se ga spozà e fato na fameja; so mujer ła ze intarpretà da Maria Amelia Monti. Inte'l zenrao 2000 el prezenta co Roberta Lanfranchi Provini - Tutti pazzi per la TV. El 22 de majo 2000 el sperimenta un novo quiz, un format de ła Endemol che mete in pałio ben un miłiardo de łire e che'l ga otenjesto tanto suceso a l'estaro: Chi vuol essere miliardario? (che po' el venjarà intitołà Chi vuol essere milionario?). El zogo el otien un ben grando suceso.[18] Inte'l zunjo 2000 el prezenta Un disco per l'estate.
L'11 de setenbre 2000 el prezenta ancora Passaparola, da'l 23 de otobre a'l 18 de novenbre 2000 el torna a conduzer Chi vuol essere miliardario?, e el 20 de novenbre parò el reprende Passaparola. In otobre A ze in onda ła segonda serie de Finalmente soli. Da'l 7 de zenaro a'l 15 de apriłe 2001 el conduze ancora Chi vuol essere miliardario?, ma ła doménega e in prima serada[19] e Passaparola inte'l preserałe. El conduze elGran galà della pubblicità e ła disdotèzema edision de'l Gran Premio Internazionale dello Spettacolo co Maria De Filippi.[20] In istà el conduze ła 37ª edision de Un disco per l'estate.
El 10 de setenbre 2001 el reprende Passaparola inte'l preserałe e da'l 16 de setenbre a'l 4 de novenbre 2001, Chi vuol essere miliardario? inte'l prime time de ła doménega e, dal 19 de novenbre a'l 1º de desenbre, in preserałe. Inte'l 2002 tra inverno e primavera i do quiz i se alterna e co l'avento de l'euro Chi vuol essere miliardario?el deventa Chi vuol essere milionario? (ła doménega da'l 13 de zenaro a'l 24 de febraro e da'l 22 de setenbre a'l 24 de novenbre 2002, in preserałe da l'11 a'l 30 de marso, da'l 13 a'l 25 de majo e da'l 25 de novenbre a'l 14 de desenbre 2002), co'l radopio de'l montepremi finałe. Drìoman A vien trazmetesta ła tersa serie de Finalmente soli.
La Corrida e Paperissima
Inte'l 2001 Marina Donato, só mujer de Corrado, selie Gerry cofà novo condutor de La Corrida (dilettanti alla sbaraglio), uno de i varietà pì seguìi de ła storia de ła tełevizion, che'l conduzarà da'l 16 marso 2002 par 11 pontade, senpre a'l fianco de'l mestro Roberto Pregadio, e ła otenjarà artanto suceso.[21]
Inte l'autun 2003 a setembre el conduze do spesiałi in prima serada par ła prima edision de La fabbrica del sorriso, el primo co Michelle Hunziker e Claudio Bisio, el segondo co Alessia Marcuzzi. Riprende[22] po', da'l 29 setenbre de'l steso ano, Passaparola e sarà trazmesa ła cuarta serie de Finalmente soli. Da'l 30 majo a'l 13 zunjo 2004 el reprende Chi vuol essere milionario? (che'l gaveva za conduzesto da'l 31 marso a'l 10 majo e da'l 1° a'l 27 setenbre in preserałe e da'l 19 otobre a'l 23 novenbre 2003 inte ła prima serada de ła doménega) e in apriłe co Raffaella Carrà el conduze ła 21ª edision de'l Gran Premio Internazionale dello Spettacolo. Da'l 21 de febraro a l'8 de majo 2004 el conduze co suceso ła só tersa edision de La Corrida.[23] In 'sto parìodo A se ga parlà de un pasagio de testimone tra łu e Amadeus de'l quiz Chi vuol essere milionario, ma a ła fine el condutor ravenate el resta in RAI e Scotti el continua a guidar el preserałe canpion de ascolti.[24]
Inte l'autun 2004 a setenbre el prezenta el show de ła segonda edision de La fabbrica del sorriso, el conduze Chi vuol essere milionario? ła doménega sera in prime time (drioman in preserałe da'l 10 zenaro a l'11 zunjo 2005) da'l 3 otobre a'l 28 novenbre 2004 e Passaparola inte'l preserałe da'l 6 setembre a'l 25 desenbre 2004. Da'l 10 desenbre 2004 a'l 28 zenaro 2005 el prezenta insieme a Michelle Hunziker ła nona ediion de Paperissima.[25] Nel febbraio 2005 conduce il Gran galà della pubblicità.[26] Da gennaio riprende Chi vuol essere milionario? nel preserale e da metà marzo un'altra vincente[27] edizione de La Corrida. El 14 apriłe 2005 el conduze na pontada de Striscia la notizia insieme a Mike Bongiorno (ła pontada ła ze vista da 7.832.000 tełespetadori).
El 12 setenbre 2005 el conduze de novo Passaparola, che'l se prezenta co na nova fòrmuła in cui el condutor el intarazise co tuto el pùblego in studio. Da'l 30 setenbre a'l 4 novenbre 2005 el conduze co Michelle Hunziker Chi ha incastrato lo zio Gerry? (remake de Chi ha incastrato Peter Pan?) dove i protagonisti ze i putełi che i se esizbise in candid camera, i se conta, i zoga e i conduze interviste a i vip in studio e tante altre cose; ma ła trazmision no ła otien mìa un bon suceso. Da ła trazmision ze trato un spesiałe nadałisio Buon Natale con lo Zio Gerry. In desenbre ze trazmeso el film TV Il mio amico Babbo Natale in cui el resita co Lino Banfi e ła note de ła viziłia de Nadałe el conduze el Concerto de Natale in Vaticano. El 7 zenaro 2006 el tèrmena Passaparola e, da'l 9 zenaro a'l 10 zunjo de'l steso ano, el reprende a conduzer Chi vuol essere milionario?, e po' n'altra edision de suceso[28] de La Corrida da'l 14 zenaro a'l 1º apriłe 2006. Inte l'istà 2006 Scotti el aferma de vołer un parìodo de pauza tełeviziva, vołéndose dedegar più a ła fiction. Ma in autun Mediaset ła ło ciamarà par rezolver più de un problema.
Da'l 6 otobre a l'8 desenbre 2006 el prezenta Paperissima insieme a Michelle Hunziker; el 4 desenbre el ze reciamà in antisipo a presidiar el preserałe de Canale 5, a càuza de i flop de Formula segreta e Fattore C, co Chi vuol essere milionario?,[29] che'l conduzarà fin ad apriłe. Da'l 18 desenbre 2006 a'l 6 zenaro 2007 el conduze Striscia la notizia insieme a Ezio Greggio e vien trazmeso el film TV Il mio amico Babbo Natale 2 in cui el resita a'l fianco de Lino Banfi.
Da'l 14 zenaro 2007 el conduzarà Chi vuol essere milionario? anca ła doménega, daspò ła sopresion de Conversando. Da'l 10 marso a'l 26 majo 2007 el reprendarà a conduzer La Corrida, co ła cuała el otenjarà un suceso strepitozo: ła trazmision ła sera co ła media de 33% de share.
El 24 setenbre 2007 el torna co Chi vuol essere milionario?, ritorno non previsto, ma cauzà da l'insuceso de 1 contro 100. In desenbre ze trazmeso el film TV Finalmente Natale co Maria Amelia Monti. Da'l 16 desenbre 2007 a'l 27 zenaro 2008, sospendendo Chi vuol essere milionario?, el conduze na nova edision de Passaparola inte l'access prime time de ła doménega. El 14 zenaro 2008 el reprende Chi vuol essere milionario? e da l'8 marso a'l 24 majo 2008 el torna co La Corrida. Daspò l'insuceso de l'edision de Sanremo de Baudo-Chiambretti, el só nome el viena acostà più volte a'l Festival. El 21 marso el ze ospite de na pontada de Matrix dedicada a łu e ciamada Fenomeno Gerry.[30] El 21 apriłe, finìo Chi vuol essere milionario?, conduce un nuovo quiz targato Endemol 50 - 50 fino al 25 maggio.
Da l'8 setenbre 2008 el reprende Chi vuol essere milionario? da łuni a ła doménega e el conduze da'l 17 otobre a'l 12 desenbre Paperissima el vènare, a'l fianco de Michelle Hunziker. El resita anca in do film TV: marti 28 otobre co Finalmente a casa e marti 25 novenbre co Finalmente una favola, in onda senpre su Canale 5 co Maria Amelia Monti. Da'l 15 desenbre 2008 el ezordise co na nova edision revedùa e coreta de'l Milionario ciamada Chi vuol essere milionario? - Edizione straordinaria, prołongà fin a'l 29 marso 2009; da'l 30 marso a'l 7 zunjo el reprendarà el Milionario tradisionałe. Senpre inte'l 2009, da'l 10 zenaro a'l 4 apriłe, el conduze La Corrida, ma 'sta edision, par Gerry l'otava, no ła ga miga el suceso de cuełe presedenti. A'l só fianco parò no ghe sarà più el mestro Pregadio, ma il mestro Vince Tempera. Pregadio el dirà de èsar stà infastidìo da l'idèa de èsar afiancà da n'altro mestro, e el motivarà cusì ła sielta de ndársene; el inputa 'sta idèa a ła produsion, cavando Gerry da calsiase responsabiłità.
Łe ùlteme edision de'l Milionario, Italia's Got Talent e Io canto
Inte l'agosto 2009 el ga anunsià che no'l gavaria proposto La Corrida inte ła stajon sucesiva e da'l 31 agosto de'l steso ano el ga reprezo Chi vuol essere milionario?, in onda sete zorni so sete[31]. Inte'l desenbre de'l 2009 el ga partesipà cofà zùdeze a ła pontada zero de Italia's Got Talent, programa produzesto da ła Fascino PGT. Da'l 14 desenbre 2009 a'l 10 zenaro 2010 par 28 pontade el ga conduzesto, a'l posto de'l Milionario, un novo preserałe La stangata.[32] Da'l 9 zenaro a'l 20 marso 2010 el conduze un novo programa: Io canto, co ła rezìa de Roberto Cenci. Daspò el suceso de ła pontada zero, da'l 12 apriłe el ze zùdeze de ła prima edision de Italia's Got Talent, in onda inte ła primavera de'l steso ano.[33]
El 6 setenbre 2010 el inisia ła stazon tełeviziva co l'ùltema edision de'l Milionario, che'l conduze fin a'l 29 łujo 2011. Da'l 14 setenbre el conduze ła segonda edision de Io canto, otenjendo boni ascolti ma non in grado de bàter el concorente in onda su Rai 1 I migliori anni condoto da Carlo Conti. Da'l 15 desenbre 2010 a'l 23 febraro 2011 el ze tornà a'l timon de Paperissima, ancora a'l fianco de Michelle Hunziker.[34] Termenà el varietà de Antonio Ricci a febraro, a marso el ze tornà in prima serata so Canale 5, sostituendo Paola Perego a ła condusion de ła cuarta edision de Lo show dei record e durante l'otava e ùltema pontada Gerry el entra a far parte de i Guinness par aver conduzesto el major nùmaro de pontade de'l quiz Chi vuol essere milionario? de tuto el mondo. Tra majo e zunjo de'l 2011 el ze zùdeze de ła segonda edision de Italia's Got Talent.
Dopo el Milionario: The Money Drop e The Winner Is...
El reprende ła stazon tełeviziva conduzendo ła tersa edision de Io canto el zioba in prima serada. Da'l 7 zenaro el torna insieme a ła De Filippi e Rudy Zerbi cofà zùdeze de ła tersa edision de Italia's Got Talent, par po' deventar zùdeze esterno anca ad Amici di Maria De Filippi inte ła primavera 2012. Inte'l desenbre 2011 el ze tornà inte ła fasa de'l preserałe co ła prima edision de'l novo zogo The Money Drop: inte l'ezordio de ła prima pontada de The Money Drop el share el ze stà sirca de'l 24% co più de sincue miłion de tełespetadori. [35]
Dopo 7 mezi de asensa da'l schermo, el 17 novenbre 2012 el reprende ła stajon tełeviziva conduzendo ła prima edision de The Winner Is..., el novo talent-game prodoto da ła Fascino PGT, in prima serada so Canale 5, el sabo sera. Da'l 12 zenaro 2013 el torna cofà zùdeze insieme a Maria De Filippi e Rudy Zerbi inte ła cuarta edision de Italia's Got Talent, termenada el 17 marso co renovà suceso de pùblego e critica. Da l'11 marso 2013 a'l 1° zunjo 2013 el ga conduzesto ła segonda edision de The Money Drop.
Avanti un altro!, Tú sí que vales e Caduta libera
Da l'8 setenbre a’l 10 novenbre 2013 el ze tornà a ła condusion de’l programa Io canto, zonto a ła cuarta edision, e da’l 14 setenbre 2013 a ła zurìa de ła cuinta edision de Italia's Got Talent insieme a Rudy Zerbi e a Maria De Filippi. Da’l 10 a’l 12 otobre 2013 el torna a ła condusion de Striscia la Notizia (come sostituto de Michelle Hunziker) insenbre a Virginia Raffaele. Inte’l marso 2014 el subentra a Paolo Bonolis inte ła condusion dei Avanti un altro!, sostitusion che ła ze po’ proseguìa da’l 31 marso a’l 6 zunjo 2014.
El recominsia ła stazon tełeviziva el 27 setenbre 2014 conduzendo insieme a Federica Panicucci na serada spesiałe in direta da l'Arena de Verona intitołada Intimissimi on Ice - OperaPop dedicada a’l patinagio so’l giaso. Da’l 4 otobre el reprende el roło de zurà insieme a Maria De Filippi e Rudy Zerbi par el novo talent Tù sì que vales che’l ga sostituìo Italia's Got Talent (apodà su SKY). El 20 novenbre el prezenta ła sètema pontada de l'edision 2014 de Zelig insieme a Teresa Mannino. Da’l 27 a’l 30 desenbre 2014, Bonolis e Scotti i ga conduzesto insieme cuatro pontade spesiałe de Avanti un altro!, dedicàe a łe festività nadałisie e che łe ga fato da traino par ła stafeta fra i do condutori, co ła condusion che da’l 2 zenaro 2015 è afidà a’l soło Scotti, afiancà da Luca Laurenti. Paolo Bonolis el tornarà a’l timon de Avanti un altro! da’l 12 a’l 30 apriłe 2015, da novo in copia co Gerry Scotti. Da’l 17 febraro a’l 6 apriłe 2015 el conduze ła sesta edision de Lo show dei record, accompagnato per la prima volta dal figlio Edoardo in veste di inviato.[36] Dal 4 maggio al 26 giugno 2015, conduce nella fascia preserale di Canale 5, per un totale di 48 puntate, un nuovo gioco a quiz intitolato Caduta Libera.
El recominsia ła stazon tełeviziva el 12 setenbre 2015 partesipando cofà zùdeze da ła segonda edision de Tù sì que vales insieme a Maria De Filippi, Rudy Zerbi e Mara Venier. El 23 e 24 setenbre 2015 el conduze insieme a Michelle Hunziker ła tersa e ła cuarta pontada de ła 28ª edision de Striscia la Notizia. Da’l 4 zenaro a’l 15 łujo 2016 el conduze inte’l preserałe de Canale 5 ła segonda edision de Caduta Libera.[37] El programa el otien gran suceso de pùblego e critica, in serte ocazion batendo anca L'Eredità e reabiłitando ła cariera de Scotti, che fin a poco prima el gaveva conosùo un parìodo de crizi, in cui el rezistrava boni ascolti soło cuando che’l recoverzeva el roło de zùdeze in Italia's got talent e Tú sí que vales. Da’l 2 a’l 23 zunjo 2016, par cuatro pontade, el conduze in prima serada el programa de mazìa Masters of Magic. El recominsia ła stazon tełeviziva el 10 setembre 2016 conduzendo in prima serada na pontada spesiałe de Caduta Libera intitołada Caduta Libera - La rivincita dei campioni. Da’l 12 setenbre 2016 a’l 14 zenaro 2017 el conduze ła tersa edision de’l programa inte’l preserałe de Canale 5, co renovà suceso. Da’l 24 setenbre 2016 el torna inte ła zurìa de Tú sí que vales par ła tersa edision insieme a Maria De Filippi, Rudy Zerbi, Mara Venier e Teo Mammucari. El 5 otobre el torna a Striscia conduzendo na pontada a fianco de Michelle Hunziker. Inte’l desenbre 2016 el conduze in prima serada łe prime do pontade de’l novo talent dedicà a i putełi Little Big Show,[38] più na pontada nadałisia de’l novo varietà de Canale 5 House Party co Laura Pausini, andada in onda el 21 desenbre 2016. Da’l 30 apriłe a’l 14 łujo 2017 el conduze ła cuarta edision de Caduta Libera e, inte’l zunjo de’l steso ano, el prezenta ła segonda edision de’l talent show The Winner Is....
The Wall, el ritorno de'l Milionario e Conto alla rovescia
El recominsia ła stazon tełeviziva l'11 settembre 2017 conduzendo inte’l preserałe ła cuinta edision de Caduta libera fin a’l 19 novenbre. Inte’l steso meze el torna a ła zurìa de ła cuarta edision de Tú sí que vales insieme a Maria De Filippi, Rudy Zerbi, Mara Venier e Teo Mammucari. Da’l 20 novenbre 2017 a’l 7 zenaro 2018 el conduze inte’l preserałe un novo game show, The Wall, ła cui prima edision ła ga avùo un notévołe suceso da parte de’l pùblego. Da l'8 zenaro a’l 3 febraro 2018 el torna a conduzer Striscia la notizia co Michelle Hunziker par po’ łasar el posto a Ficarra e Picone da’l 5 febraroo a’l 9 zunjo 2018. Da’l 15 apriłe a’l 6 majo 2018 el ga conduzesto in prima serada cuatro pontade spesiałe de The Wall mentre da’l 23 apriłe a’l 13 zunjo 2018 el ga conduzesto in preserałe ła sesta edision de Caduta libera. El reprende ła stazon tełeviziva el 9 setenbre 2018 conduzendo ła sètema edision de Caduta libera inte’l preserałe fin a’l 18 novenbre. Da’l 19 novenbre 2018 a’l 6 zenaro 2019 el ga conduzesto senpre inte’l preserałe ła segonda edision de The Wall che’l ga visto recreser i ascolti respeto a łe pontade in prima serada. Da’l 29 setenbre 2018 el reprende el roło de zurà inte ła cuinta edision de Tú sí que vales insieme a Maria De Filippi, Rudy Zerbi, Teo Mammucari e Iva Zanicchi. Da’l 7 desenbre 2018 a’l 14 marso 2019 el reprende ła condusion de Chi vuol essere milionario? co ła tredezézema edision in prima serada (sełebradiva de i 20 ani de’l format) daspò sete ani de asensa. L'11 apriłe 2019 el ze ospite de I tre tenori a’l Maurizio Costanzo Show insieme a Paolo Bonolis e Carlo Conti. Da’l 15 apriłe a l'8 zunjo 2019 el torna a conduzer Striscia la notizia co Michelle Hunziker. Da’l 21 apriłe 2019 el conduze inte’l preserałe l'otava edision de Caduta libera ininterotamente fin a’l 17 novenbre 2019. Par ła prima volta el ze ndà in onda anca par tuta l’istà e da’l 24 zunjo a l'8 setenbre el programa el canbia nome in Caduta libera Splash. Da’l 19 otobre 2019 el torna a ła zurìa de ła sesta edision de Tú sí que vales insieme a Rudy Zerbi, Maria De Filippi, Teo Mammucari e Sabrina Ferilli. A’l tèrmene de Caduta libera, da’l 18 novenbre 2019 a’l 5 zenaro 2020 el conduze senpre inte’l preserałe el novo zogo Conto alla rovescia da łu isteso ideà. El 7 Novenbre 2019 el ze ospite inte ła prima pontada de Adrian Live - Questa è la storia.... Da’l 22 zenaro 2020 el conduze in prima serada ła cuatordezézema edision de Chi vuol essere milionario? par sie pontade fin a’l 4 marso 2020. Da’l 2 marso el torna a ła condusion de Striscia la notizia, daprima co l’imitadora Francesca Manzini,[39] e da’l 9 marso sucesivo co Michelle Hunziker fin a fine stajon.[40]
Da’l 7 setenbre 2020 el reprende ła stazon tełeviziva co tre programi: da’l 7 setenbre a’l 18 novenbre 2020 el ga conduzesto inte’’l preserałe ła nona edision de Caduta libera, interota prima de’l previsto a càuza de ła pozitivà de’l condutor a’l COVID-19 rełevada a fine otobre, mentre da’l 10 setenbre a’l 5 novenbre 2020 el ga conduzesto in prima serada ła cuindezézema edision de Chi vuol essere milionario? co nove pontade rezistràe inte’l stòrego Michelangelo Studio de Cologno Monzese. Da’l 12 setenbre a’l 29 novenbre 2020 el ze par zonta tornà a ła zurìa de ła sètema edision de Tú sí que vales insieme a i só stòreghi cołeghi, ma tutaviaa cauza de ła só pozitivà a’ll COVID-19 el ze stà costreto par serte pontade a partesipar in cołegamento da caza sua. Da l'8 marso a’l 12 zunjo 2021, dopo èsar guarìo da’l COVID-19, el ze tornà a conduzer Striscia la notizia prima insieme a Francesca Manzini e poi insieme a Michelle Hunziker. Da’l 30 agosto 2021 el reprende ła stazon tełeviziva conduzendo ła desima edision de Caduta libera inte’l preserałe fin a l'11 desenbre 2021. Se trata de’l ritorno de’l programa daspò 9 mezi da l'ùltema edision, ła presedente, interota a càuza de ła pozitività de’l prezentador a’l COVID-19, e daspò un łongo parìodo de rèpleghe. Da’l 18 setenbre a’l 27 novenbre 2021, onji sabo, el ze tornà a ła zurìa de l’otava edision de Tú sí que vales insieme a Rudy Zerbi, Maria De Filippi, Teo Mammucari e Sabrina Ferilli. A’l tèrmene de l’edision in preserałe, da’l 16 desenbre 2021 a’l 5 zenaro 2022 el ga conduzesto in prima serada cuatro pontade spesiałe de Caduta libera intitolate Caduta libera - Campionissimi. Da’l 28 febraro el torna a conduzer Striscia la notizia prima co Francesca Manzini (sostituìa daspò serte pontade da Valeria Graci e Lorella Cuccarini a càuza de ła só pozitività a’l COVID-19) e po’ da’l 21 marso fin a’l tèrmene de ła stajon co Michelle Hunziker (sostituìa par un curto parìodo da Valeria Graci da’l 9 a’l 14 majo a càuza de ła só pozitività a’l COVID-19). Da’l 6 marso a’l 10 apriłe 2022 el ga conduzesto in prima serada l'otava edision de Lo show dei record daspò 7 ani da l'ùltema edision (inte l’ùltema pontada, ghe vien reconfermà el record par aver prezentà el major nùmaro de pontade de Chi vuol essere milionario? a’l mondo).
El reinisia ła stazon tełeviziva el 29 agosto 2022 conduzendo in preserałe l'undezézema edision de Caduta Libera fin a’l 18 novenbre 2022. In ‘sta edision, el programa, inte ła zornada de’l 4 otobre, el sùpara łe 1 000 pontade. El 17 setenbre 2022 invese el torna a sentar inte ła zurìa de ła nona edision de Tú sí que vales insieme a i só stòreghi cołeghi fin a’l 19 novenbre 2022. Da’l 19 febraro 2023, el conduze in prima serada ła nona edision de Lo show dei record fin a’l 23 apriłe 2023 mentre da’l 13 marso 2023 el torna a conduzer Striscia la notizia prima co Francesca Manzini e po’ da’l 3 apriłe fin a’l tèrmene de ła stajon co Michelle Hunziker.
El ritorno de Io canto e de La ruota della fortuna e el debuto a’l Festival di Sanremo
Da’l 15 a’l 30 zunjo e po’ da novo da’l 4 setenbre a’l 16 desenbre 2023 el ga conduzesto ła dodezézema edision de Caduta Libera inte’l preserałe. Da’l 23 setenbre a’l 18 novenbre 2023 el torna a ła zurìa de ła desima edision de Tu si que vales insieme a i só stòreghi cołeghi (co ła novità de Luciana Littizzetto che ła sostituise Teo Mammucari) mentre da’l 24 setenbre a’l 29 otobre 2023 el ga conduzesto in prima serada sie pontade spesiałe de Caduta libera ciamàe Caduta libera - I migliori. El 31 otobre 2023 vien fora in łibraria el só primo łibro intitołà Che cosa vi siete persi ed edito da Rizzoli. Da’l 22 novenbre a’l 27 desenbre 2023, dopo 10 ani, el ze tornà a ła condusion de Io canto co un spin off intitołà Io canto Generation mentre da’l 4 febraro 2024 el conduze ła desima edision de Lo show dei record senpre in prima serada, fin a’l 21 apriłe 2024. Da l'11 marso 2024 el torna a ła condusion de Striscia la notizia insieme a Francesca Manzini prima e po’ insieme a Michelle Hunziker fin a fine stajon. Da’l 6 majo a’l 2 zunjo 2024 el torna inte ła fasa preserałe conduzendo na nova edision (ła ventézema in totałe) de La ruota della fortuna, cofà omagio a Mike Bongiorno inte’l sentenario de ła nàsita[41], co gran suceso.
El recominsia ła stazon tełeviziva el 2 setenbre 2024 conduzendo ła só segonda edision (ła ventunézema in totałe) de La ruota della fortuna fin a’l 19 zenaro 2025 co renovà suceso. Da’l 21 setenbre a’l 16 novenbre 2024 el ze tornà par l’undezézema edision a ła zurìa de Tu si que vales insieme a i só stòreghi cołeghi mentre da’l 9 otobre a’l 13 novenbre 2024 el ga conduzesto ła segonda edision de Io canto Generation in prima serada. El 29 otobre 2024, ze usìo fora inte łe łibrarie el só segondo łibro, Quella volta - Un viaggio nel passato di tutti noi, edito da Rizzoli. Da’l 10 a’l 31 zenaro 2025 el conduze, in prima serada, un ultarior spin off di Io canto: Io canto Senior, co protagonisti i adulti invese che i tozatełi mentre l'11 febraro 2025, par ła prima volta inte ła só cariera, el ga ciapà parte a’l Festival de Sanremo, come co-condutor de ła prima serada a’l fianco de’l diretor artìstego Carlo Conti e de Antonella Clerici. Da’l 5 marso a’l 15 majo 2025 el ga conduzesto, sempre in prima serada l'undezézema edision de Lo show dei record mentre da’l 24 marso 2025 el torna a’l timon de Striscia la notizia a’l fianco de Michelle Hunziker fin a ła fine de ła stajon. Da’l 12 majo a’l 28 zunjo 2025 el ze tornà inte’l preserałe reproponendo Caduta Libera de’l cuało el ga conduzesto ła tredezézema edision daspò un ano e mezo da ła fine de ła presedente. El 16 majo 2025, insieme a’l só renovo contratuałe co Mediaset, vien anunsià el só abandon de ła zurìa de Tú sí que vales da ła stajon sucesiva. El 24 zunjo 2025 el ga conduzesto a Torin na serada evento da’l titoło Torino is fantastic co ospiti racuanti artisti e cantanti. Ła serada ła ze ndà po’ in onda el 29 zunjo 2025.
Daspò l'esperiensa de’l 2019 (cuando che’l ze ndà in onda par tuta l'istà co l'otava edision de Caduta libera), el torna in onda durando el parìodo estivo da’l 14 łujo 2025 conduzendo ła ventidoézema edision de La ruota della fortuna in access prime time co tante novità respeto a łe edision in preserałe.
Atività muzegałe
Inte ła só cariera, Gerry Scotti el ga insidesto anca serti dischi de suceso, speso sigle de só trazmision tełevizive. I só cantanti preferìi i ze David Bowie e Zucchero Fornaciari, de’l cuało el fa anca na sinpàtega imitasion e co’l cuało el ga dotà el 14 zunjo 2008 cantando Per colpa di chi so’l palco de San Siro durante l'All the Best World Tour.[42]
- Smile/Smile (strum.) (Ibiza Records - 1987).
El ze el primo 45 ziri de Scotti. Prodoto da Claudio Cecchetto, el brano el gera ła sigla de l’omònema trazmision da łu prezentada. El ga zonzesto fin a’l primo posto in hit parade e tuti i proventi i ze stà devołùi a’l Telefono azzurro.[43] Su ła covertina gera rafegurài Gerry e un puteło : Conor Clapton, só fio de Lory Del Santo e Eric Clapton, morto inte’l 1991. - Aiè (oi iuai)/Let's show (Five Record - 1989).
Sigle de ła trazmision TV Candid Camera Show. Eziste na varsion cantada de’l brano Let's show, publegada soło inte l’àlbun Festivalbar 1989 (RCA - 1989). - Abbattiamoci le mani/Abbattiamoci le mani (strum.) (Five Records - 1990).
El brano el zera sigla de ła trazmision TV Candid Camera Show. - Siamo rovinati! (Five Records - 1991).
Album in condivizion co altri artisti, firmà Quelli di sabato al circo. - Luna Party co Cristina D'Avena (Five Records - 1991).
Sigla de l'omònema trazmision TV insidesta inte l’àlbun Fivelandia 9 – Le più belle sigle originali dei tuoi amici in TV. Inte’l ritorneło de ła canson de Bianca Atzei Abbracciami perdonami gli sbagli de’l 2017, ła baze muzegałe ła ze idèntega propio a ła sigla de ła stesa trazmision de Canale 5. - Siamo tutti equilibristi co Cristina D'Avena (Five Records - 1991).
Sigla de ła trazmision TV Sabato al circo insidesta inte’l 2007 inte l’àlbun Cristina D'Avena e i tuoi amici in TV 20. - La mia pepè (Tú sí que vales - 2021).
- Gerry Christmas (Warner Music Italy - 2023).
Remove ads
Vita privada
Da'l 1991 a'l 2009 el ze stà spozà co Patrizia Grosso, da ła cuała el ga avùo el só ùnego fio, Edoardo, nasùo inte'l 1992.[44] Da'l 2011 el ze łigà sentimentalmente a l'architeto Gabriella Perino.[45] El ze nono de do nevodi, Virginia e Pietro.[46]
El 21 majo 2009 el manda na łétara a'l diretor de'l Corriere della Sera Ferruccio de Bortoli in cui el manifesta ła só aprovasion par ła vertura de ła Cieza catòłega inte i confronti de i divorsiài auspicada da'l cardinałe Carlo Maria Martini.[47]
Remove ads
Atività połìtega
A łe ełesion połìteghe de'l 1987 el ze stà candidato inte'l cołegio de Miłan a ła Càmara de i deputati inte łe fiłe de'l Partìo Sosiałista Itałian, ałora guidà da Bettino Craxi, e el ze stà ełeto deputado co più de 9 286 prefarense (ła tornada ełetorałe ła ga visto afermarse come primo partìo ła Democrasia Cristiana, co ła nòmena a presidente de'l consejo de Giovanni Goria).[48] Anca a ł, oltra a Sandra Milo e ad altri parsonaji de'l spetàcoło, se ga referìo Rino Formica cuando che'l ga acuzà Craxi de aver infarsìo l'Asénblea Nasionałe (organo sostitutivo de'l Comitato Sentrałe) de'l PSI de nani e bałarine. El só mandato el ze finìo el 22 apriłe 1992.[49]
Su i só manifesti ełetorałi el co un garofano bianco che'l fa l'oceto dizendo: «Forse un garofano starebbe bene anche a voi».[50] Inte'l 1988 el ga firmà ła prefasion a'l łibro Dove andiamo a ballare questa sera? Guida a 250 discoteche italiane del socialista Gianni De Michelis, ałora visepresidente de'l Consejo de i menistri.
Da cuando no'l ze più inpenjà in połìtega, Scotti el parla asè de raro de i só 5 ani cofà parlamentare, dizendo senpre de considerarli un'esperiensa negativa, che no'l ga podesto dezvólzer a'l mejo e da ła cuała no'l ga recavà stimołi; durando el só mandato parlamentare, infati, el se ga fato notar soradetuto par łe asense.[48][51][52]
El ga parò revełà: «Mi affidarono le questioni (condizioni) giovanili e io presi la cosa talmente sul serio che cominciai a tempestare la Camera di proposte su proposte. Rimasero tutte inascoltate, lettera morta. Così non mi ricandidai e tornai alla tv».[6] El ga prezentà in totałe inte'l só mandato, 33 projeti de łeje, de i cuałi 26 soło inte'l 1987 e firmà 24 ati de inderiso e controło.[53]
Inte'l 2014 l'ałora presidente de'l consejo Matteo Renzi el declara de aver resevùo na rechiesta da parte de Scotti de renunsiar a'l vitałisio che ghe sarìa spetà come ex deputà a'l conpimento de i 65 ani de età.[54] Scotti el ga par zonta desidesto che, cuałora no ghe fuse consentìo de renunsiarghe, el persepirà comuncue ła suma mensiłe prevista (1400 euro sirca) ma el ła donarà intieramente a łe fameje che łe ga perso un conzunto so'l posto de łaoro.[54] Ad ancò no'l ze njancora riusìo a renunsiar a'l vitałisio.[55]
Remove ads
Notasion
Wikiwand - on
Seamless Wikipedia browsing. On steroids.
Remove ads