Michele Zarrillo
From Wikipedia, the free encyclopedia
Remove ads
Michele Zarrillo (Roma, 13 zunjo 1957) el ze un cantante e ghitarista itałian. Cantante e ghitarista bonorìvo, el ga sonà in diversi grupi de ła sena progressive rock itałiana avendo un gran suceso da sołista co ła vitoria a'l Festival de Castrocaro inte'l 1979 e al Festival de Sanremo 1987 inte ła sesion Nove Proposte.
Remove ads
Biografia
I ezordi
El nase a Roma segondogenito da pare che'l rivava da Rionero in Volture Potensa e de mare orizenaria de Corbara Sałerno[1]. Inte el 1972 el ezordise ch'el ze un mucio zóvene come ghitarista cantante co i Semiramis grupo progressive co'l cuało el pùblega un àlbun. L'ano drìo el grupo el se sfanta e Michele el entra par un parìodo non tanto łongo inte i Rovescio della Medaglia, un altro grupo inportante de l'avanguardia muzegałe de cuel parìodo. Inte i ani sucesivi el se verze anca a'l mondo de ła mùzega pop publegando inte'l steso parìodo i primi do singołi da sołista, co'l nome d'arte (che i discografici de cueł' epoca i ghe gaveva inponesto) Andrea Zarrillo.
Inte'l 1979 el torna a'l só vero nome e el vinse el Festival de Castrocaro co Indietro no, e el conpone łe mùzeghe de Sesso o esse par Renato Zero e Ricetta di donna par Ornella Vanoni (insidesta anca da Roberto Vecchioni).
Inte'l 1981 el ezordise a'l Sanremo co ła canson Su quel pianeta libero a cui l'ano sucesivo ghe va drìo, in una discusa edision de'l Festival, Una rosa blu, canson che ła deventarà un suceso un mucio de ani dopo, e sarà inserìa co altri 3 brani in una ristanpa in cd de l'àlbun "Sarabanda" inte'l 1998 intitołà propio Una rosa blu.
Dopo un altro 45 ziri pasà sensa rimarco La Voglia di Volare e Valery, el canbia caza discogràfega pasando a ła Fonit Cetra, e inte'l 1987 el riva a łe cuante ła vustu ła vitoria a Sanremo inte ła categoria "Nove Proposte" (dopo più de cuindez'ani de cariera) co'l brano La notte dei pensieri. El łado B de'l 45 ziri, E intanto vivo, el venjarà insidesto inte'l steso ano anca in un doto co Loretta Goggi, inte l'albun C'è poesia due, senpre de ła Fonit Cetra.
El suceso de 'sto brano no'l ze parò suportà adeguatamente da ła caza discogràfega e par Michele segue un łongo parìodo de fermada de cuatro ani anca se, inte'l 1988 ghe ze stà l'insìda de l'àlbun Soltanto Amici. Malgrado tute łe dificoltà e łe aprension de cuel parìodo, Michele el continua a créder in sè steso e a scriver canson. Nase cusì novi brani, cofà par ezenpio Strade di Roma che pì vanti el darà scominsio a na nova zvolta.
Inte'l 1989 ła cantante de ła band de l'epoca ła ghe prezenta Vincenzo Incenzo, autor de ła parte łetararia de ła mazor parte de i brani publegà fin ancùo. 'Sta nova cołaborasion co Incenzo ła fa sì che, pur sensa un contrato discogràfego, i brani par un eventuałe futuro àlbun i sia za a bon pónto.
Remove ads
El suceso
Inte'l 1990 el taca na cołaborasion co Alessandro Colombini, produtor stòrego de ła mùzega itałiana (Battisti, Bruno Lauzi, PFM, Bennato, Dalla, Venditti, co el cuało el dà vita ad un prozeto de łaoro, el cui primo rezultado el ze ła reałizasion de l'àlbun Adesso precedùo da ła partesipasion a'l Sanremo co ła za sora minsionada Strade di Roma, brano inte'l cuało Antontello Venditti el tien sanca inte el scriver el testo.
A Sanremo 1994 Michele Zarrillo el prezenta uno de i só mejo brani, da'l titoło Cinque dì che'l otien un strazordenario consenso popołar e de vendite e el deventa presto un clàsego de ła canson itałiana. El suceso de Cinque Dì el zenera un novo àlbun, Come uomo tra gli uomini. Ła sucesiva tournée teatrałe ła conferma el formidàbiłe momento artìstego de Zarrillo, che inte'l 1995 el se dedica a ła conpozision patòca de i brani par el novo àlbun, che'l ese dopo el Festival de Sanremo 1996 a cui el partesìpa co ła cansón L'elefante e la farfalla, canson che ła darà el nome a'l só àlbun.
El łaoro drìo, L'amore vuole amore (otobre 1997), el rancura tute łe pì inportanti canson de Michele co ła azonta de do novi brani (L'amore vuole amore e Ragazza d'argento) e de nove reałizasion de tre canson senjifegadive de'l primo parìodo (La notte dei pensieri, Una rosa blu e Su quel pinaeta libero). 'Sti brani, (in partegołar Una rosa blu i otien un novo, strepitozo suceso e i porta l'àlbun a cuota 600 000 copie che zontàe a più de 120 conserti reałizài in un łongo e fortunà tour, i mena a ła definitiva consacrasion de l'artista. Inte el fraténpo in Spanja, vien publegà l'àlbun "Cinco dias", (tute łe canson łe ze stàe recantàe in spanjoło) e ła title track ła deventa na hit.
Intanto ła version itałiana de l'àlbun L'amore vuole amore ła vien distribuìa anca in tanti Paezi europèi. L'èco de l'anda pozitiva de'l parcorso artìstego de Michele el fa sì che da metà novenbre a metà desenbre '98 Zarrillo el se ezibise in serti conserti oltra oseano otenjindo na gran controłarìa de pùblego e critica.
Inte'l zunjo 2000 Michele Zarrillo el pùblega el novo albun da'l titoło Il vincitore non c'è, inte'l cuało el se dedica a na reserca muzegałe più fondìva, capase de far convìver el só pasà de muzeghista d'avanguardia co'l pop d'autor. Inte'l corso de un tour teatrałe, in un momento de ispirasion fondìva, Michele el conpone L'acrobata, che vien prezentà a Sanremo 2011. 'Sto brano el va a zontarse co cuełi pì senjifedavi de ła só vita artìstega. Sucesivamente taca a zviłuparse un prozeto a'l cual Michele Zarrillo el pensa da tenpo: reałizar un àlbun da'l vivo, el primo de ła só łonga cariera.
A tal fìn vien reałizàe łe rezistrasion durante i do conserti-avenimento che'l se tien a Roma e a Firense, inte i cuałi el grupo el ga na sesion de archi zontada. Inte'l fraténpo Michele el conpone serte nove canson. Infrà cueste, ghe ze, Gli Angeli che ła vien presielta par el Festival de Sanremo 2002. L'àlbun live el vien publegà suito dopo el Festival co el titoło Le occasioni dell'amore. Inte i do CD ze rancurài diznove de i grandi sucesi e tre brani inediti reałizài in studio (ła title track, Gli Angeli e Sogno par oltra do ore de mùzega.
Inte l'otobre 2003, a tre ani de distansa da'l presedente àlbun da studio, vien publegà "Liberosentire", che'l ga dieze canson inedite reałizàe in cołaborasion co Lele Anastasi. Co 'sto àlbun Michele el conferma un stazordenario momento de cresita artìstega, tocando, inazonta a l'amor, temàdeghe de caràter sosiałe, tratàe co ła consueta sensibiłità e sincerità. Michele Zarrillo el alterna i sucesivi inpenji tra i conserti e ła conpozision de novi brani.
Inte'l 2006 el pùblega el CD L'alfabeto degli amanti reałizà in cołaborasion co Lorenzo Maffia e el steso ano el partesìpa a'l 56° Festival de Sanremo, prezentando el titoło che'l ghe ga dà el nome a l'àlbun. Co tałe brano el razonze ła final de'l festival che, cueł'ano ła prevedeva l'aceso a ła finałe soło de 8 canson so 30 partesipanti.
Inte'l 2008 el partesìpa oncora a'l Festival de Sanremo co un brano da'l titoło "L'ultimo film insieme" reałizà co Giampiero Artegiani. Segue ła publegasion de l'àlbun Nel tempo e nell'amore, na rancura de i sucesi da'l 1981 a'l 2008, in 2 CD, contenente ła canson prezentada a'l Festival.
Inte'l magio 2009 ese Michele Zarrillo Live - Roma, un cd più dvd fruto de'l conserto de'l 30 magio 2008 a'l Palalottomatica de Roma. El łaoro el contien el brano inedito L'amore infinito.
Inte'l 2009 el ga cantà inte l'ùltemo disco de Claudio Baglioni "Q.P.G.A.", inte ła canson "Nuvole e sogni".
El 20 setenbre 2011 vien publegà l'àlbun de inediti Unici al mondo
Remove ads
Discografia
Albun
Co i Semiramis
- 1973 - Dedicà a Frazz
45 xiri
- 1976 - Maledetta signora/E poi st'amore matto (Aris, AN 410; incixo cofà Andrea Zarrillo)
- 1976 - Il vero amore/I miei cari sentimenti (Aris, AN 426; incixo cofà Andrea Zarrillo)
- 1979 - Indietro no/Quanto (CBS, 7277)
- 1980 - Più forte/Troppo amore (CBS, 8520)
- 1981 - Su quel pianeta libero/Strano (CBS, 9532)
- 1981 - Non ze finita/Sarabanda (CBS, A 1226)
- 1982 - Una rosa blu/Venere (CBS, A 1970)
- 1983 - La voglia di volare/Valery (CBS, A 3317)
- 1987 - La notte dei pensieri/E intanto vivo (con Loretta Goggi) (Fonit Cetra, SP 1848)
- 1987 - Dammi un po' di più/Sotto il cielo non c'è niente di nuovo (Fonit Cetra, SP 1859)
- 1988 - Come un dì di sole/Da quando l'aria sei tu (Fonit Cetra, SP 1862)
- 1992 - Strade di Roma/Strade di Roma (strumentale) (RTI Music, 0702-7)
Sołista
- 1982 - Sarabanda (CBS)
- 1988 - Soltanto amici (Fonit Cetra, LPX 196)
- 1992 - Adesso (RTI Music, 1004-1)
- 1994 - Come uomo tra gli uomini (RTI Music)
- 1996 - L'elefante e la farfalla (Rti Music)
- 1997 - Una rosa blu
- 2000 - Il vincitore non c'è
- 2003 - Liberosentire
- 2006 - L'alfabeto degli amanti
- 2011 - Unici al mondo
Racòlte
- 1997 - L'amore vuole amore (con due inediti)
- 2008 - Inte el tempo e nell'amore (con un inedito)
- 2011 - Le mie canzoni
Live
- 2002 - Le occasion dell'amore (con tre inediti)
- 2009 - Michele Zarrillo Live - Roma
Singołi
- 1992 - Innamorando
- 1992 - Adesso
- 1994 - Cinque dì
- 1994 - Il sopravvento
- 1994 - Il canto del mare
- 1994 - Gli assolati vetri
- 1994 - Perdono
- 1996 - L'elefante e la farfalla
- 1996 - Domani
- 1996 - Come hai potuto
- 1996 - L'infanzia negata
- 1997 - L'amore vuole amore
- 1997 - Ragazza d'argento
- 2000 - Bellissima
- 2000 - Io e te
- 2000 - Prima o poi
- 2001 - L'acrobata
- 2001 - Il vincitore non c'è
- 2002 - Gli angeli
- 2002 - Le occasion dell'amore
- 2002 - Sogno
- 2003 - Un nuovo dì
- 2003 - Ballando inte i dì del mondo
- 2003 - Dove il mondo racconta segreti
- 2006 - L'alfabeto degli amanti
- 2006 - Soltanto un attimo
- 2006 - L'amore che resta
- 2006 - Tutta la vita che c'è
- 2008 - L'ultimo film insieme
- 2009 - L'amore infinito
- 2011 - La prima cosa che farò
- 2011 - Unici al mondo
Remove ads
Partecipasion al Festival de Sanremo
- 1981 Su quel pianeta libero (Categoria unica - 8º posto)
- 1982 Una rosa blu (Categoria unica - NF)
- 1987 La notte dei pensieri (Categoria Nuove Proposte - 1º posto)
- 1988 Come un dì di sole (Categoria Big - 15º posto)
- 1992 Strade di Roma (Categoria Big - 11º posto)
- 1994 Cinque dì (5º posto)
- 1996 L'elefante e la farfalla (11º posto)
- 2001 L'acrobata (4º posto)
- 2002 Gli angeli (11º posto)
- 2006 L'alfabeto degli amanti (2º posto ne ła categoria Omeni, finałista ne ła clasifica xenerałe)
- 2008 L'ultimo film insieme (11º posto, a struco guałìvo, co altri partesìpanti)
Remove ads
Note
Linganbi foresti
Wikiwand - on
Seamless Wikipedia browsing. On steroids.
Remove ads