Torismo

El torismo el xe "el conpleso de łe manifestasion e de łe organixasion rełative a viaji e sojorni fati a scopo ricreadivo o de istrusion" (Devoto, Oli, 2011).

Venesia, una de łe sità pì vixitae al mondo

Inte el çentro de l'esperiensa toristega ghe xe el "torista", che el njien definio da l'Organixasion mondiałe del torismo (World Tourism Organization, ajensia speçałixada de łe nasion Unìe) come ła persone che ła viaja in paexi difarenti da ła so rexidensa abituałe e al de fora del proprio anbiente de tuti i dì, par on periodo de almanco na note, ma no pì longo de on an e che el fin del viajo el sia difarente da l'exercitasion de calsiasi laoro par schei drento del Stato vixità. In sto termine, i xe considerai tuti chełi che viaja par ripoxarse, divertirse, par na vacansa, na vixita a amighi o parenti, motivi de afari e profesionałi, de sałute, rełijosi e altre motivasion manco disfrutae.

Descrision

Torismo come setore economego

L'indusria del tenpo libaro ła raprexenta on setore economego vero e proprio e talvolta fondamentałe par alguni paexi del mondo, parché el porta schei drento a łe case del stato traerso difarenti manjiere: ła tasasion de servisi coreładi al torismo (tase aereoportuałi), łe tasasion dei servisi doparai dai toristi e altro. L'è nato da l'evolusion de ła industria culturałe.

Col termine turismo se połe intendare anca, a segonda del contesto, el setore industriałe e comerçale, parte del setore tersiario, che el se ocupa de vendare servisi come i trasporti (aerei, navi, pullman e altri), servisi de ospitałità (alberghi, viłaji toristeghi, baite e altri) e altri servisi corełai (guide toristeghe, ingreso inte i muxei, fiere, servisi de ristorasion, intrategnimento e atrasion toristeghe in xenerałe).

Drento a sto setore ghe xe i fornidori de servisi e i intermediatori come i operadori toristeghi e ajensie toristeghe. Se trata de on setore economego estremamente rico, che el finansia grande manifestasion e che ła i so afari i ga vuo na granda cresita da dopoguera in dopo.

A łiveło internasionałe, se stima che el torismo, al dì de oncò, el sia el 10% del prodoto interno łordo. Par dimostrar ła grandisima cresita del torismo, podemo dire che inte el 1950 ghe jera 25milioni de toristi internasionałi, inte el 2015 ghin'è stài 1186milioni e se pensa che inte el 2030 ghin sarà 1,8miliardi. El numaro de toristi interni l'è stimà a pì de 5milioni^[1].

L'è cusì tanto rico sto sistema economego, che tante organixasion no goernadive, łe ga tacà a trabacare inte el torismo par jutare el xviłupo de łe nasion poarete.

Motivasion soçołoxeghe

Inte el canpo soçołoxego, Raffaele Alberto Ventura el definise el torismo come «forma sublimada de ła critega sociałe parché el ne permete de vivare tenporaneamente come sitadini de socetà ideałi, ma del tuto artifiçałi.»^[2]

Torismo e el spasio xiografego, ła Zeografia economega

Limiti al torismo

Algune olte el torismo porta barufe co łe popołasion che vive inte el posto vixità par colpa de canbiamenti economeghi, soçałi, anbientałi e altre conseguense che el torismo połe portar.^[3] Par sto motivo, alguni i parla del ris-cio che ghe xe de far rivar el torismo a na situasion de neocolonialismo e de dominio.^[4]*^[5]

Statisteghe

Paexi pì vixitai al mondo

Clasifega par numero dei arivi internasionałi e de prexense inte łe struture ospitanti

Arivi internasionałi

Poxision	Nasion	OMT Marcà rejonałe	Arivi de toristi internasionałi (2019)
1	Fransa	Eoropa	89,4 milioni
2	Spagna	Eoropa	82,8 milioni
3	Stati Unii de l'Amèrica	Nord de ła Amèrica	79,6 milioni
4	Cina	Axia	62,9 milioni
5	Itàłia	Eoropa	62,1 milioni
6	Turchia	Medio Oriente	45,8 milioni
7	Mèsego	Nord de ła Amèrica	41,4 milioni
8	Zermània	Eoropa	38,9 milioni
9	Taiłàndia	Axia	38,3 milioni
10	Regno Unìo	Eoropa	36,3 milioni

Prexense toristeghe inte łe struture ospitanti

Poxision	Nasion	OMT Marcà rejonałe	Arivi de toristi internasionałi (2019)
1	Stati Unii de l'Amèrica	Nord de ła Amèrica	milioni
2	Spagna	Eoropa	299,2 milioni
3	Regno Unìo	Eoropa	279,4 milioni
4	Itàłia	Eoropa	217,7 milioni
5	Cina	Axia	milioni
6	Fransa	Eoropa	136 milioni

Clasifega dei schei fati dal torismo par paexe

Dati OMT al 2018^[6]

Poxision	Nasion	Continente	Miliardi di $	Variasion
1	Stati Unii de l'Amèrica	Nord de ła Amèrica	214	2%
2	Spagna	Eoropa	74	4%
3	Fransa	Eoropa	67	6%
4	Taiłàndia	Axia	63	5%
5	Regno Unìo	Eoropa	52	2%
6	Itàłia	Eoropa	49	7%
7	Austràłia	Oçeania	45	11%
8	Zermània	Eoropa	43	3%
9	Japon	Axia	41	19%
10	Cina	Axia	40	21%

Clasifega dei arivi internasionałi e dei schei fati dal torismo par continente

Dati OMT al 2018^[6]

Poxision	Continente	Arivi (en milioni)	Miliardi de $	Variasion dei arivi/$ %
1	Eoropa	710	570	5/5
2	Axia e Pasifego	348	435	7/7
3	Amèriche	216	334	2/0
4	Africa	67	38	7/2
5	Medio Oriente	60	73	5/4

Spexe toristeghe par paexe

Dati OMT al 2018^[6]

Clasifega	Nasion	Continente	Miliardi de $	Variasion
1	Cina	Axia	277	5%
2	Stati Unii de l'Amèrica	Nord de ła Amèrica	144	7%
3	Zermània	Eoropa	94	1%
4	Regno Unìo	Eoropa	76	3%
5	Fransa	Eoropa	48	11%
6	Austràłia	Oçeania	37	10%
7	Rùsia	Eoropa	35	11%
8	Cànada	Eoropa	33	4%
9	Japon	Axia	32	1%
10	Itàłia	Eoropa	30	4%

Bibliografia

• Lucia Gangale, Fare Turismo. Manuale sul turismo e sulle profesion turistiche, Benevento, Il Chiostro, 2013
• Eric J. Leed, La mente del viaggiatore: dall'Odissea al turismo globale, Bologna : Il Mulino, 2007.
• Costa, P. (1991). Managing tourism carrying capacity of art cities. The Tourist Review, 46(4), 8–11.
• Garlick, S. (2002). Revealing the unseen: Tourism, art and photography. Cultural Studies, 16(2), 289–305.
• Gangale Lucia, La comunicazione turistica inte el mondo globalizzato, ISBN 9788827817735
• Gartner, W.C. (1993). Image formation process. Journal of Travel and Tourism Marketing, 2, 191–216
• Hughes, H.L. (1989). Tourism and the arts. Tourism Management, 10(2), 97–99.
• Phelps, A. (1986). Holiday destination image: The problem of assessment—an example developed in Minorca. Tourism Management, 7(3), 168–80.
• Richardson, S., & Crompton, J. (1988). Cultural variations in perceptions of vacation attributes. Tourism Management, 9(2), 128–36.
• Andrea Jelardi, Storia del viaggio e del turismo in Italia, Milano, Mursia, 2012.
• P. Kotler, J. Bowen e J. Makens, Marketing del turismo (a cura di A.G. Mauri), Pearson, Milano, 1910.