Umberto Tozzi

From Wikipedia, the free encyclopedia

Umberto Tozzi
Remove ads

Umberto Antonio Tozzi (Torin, 4 marso 1952 el ze un cantautor e ghitarista itałian. Co 70 milioni de copie vendùe, Umberto Tozzi el ze infrà i artisti itałiani che i ga vendùo el mazor nùmaro de dischi.

Info velòsi Biografia, Nasimènto ...
Remove ads

Biografia

El nase a Torin el 4 marso 1952 da zenidori orizenałi de Rodi Garganico in Provincia de Foxa. El ze el menor de só fradeło Franco Tozzi conosùo discretamente inte i ani sesanta, el move i primi pasi a łivèło muzegałe deventando el ghitarista de'l grupo che'l ło 'conpanja in tournée.

Inte el 1968, co'l ga sèdeze ani, el intra inte i Off Sound, un grupo rock torineze de bocie co'l cuało el 'conpanja anca só fradèło co'l cual el debuta in discografia inte'l 1970 indove el canta na strofa inte ła canson Qui. A Miłan el conose Adriano Pappalardo e co eło el crea un grupo de trèdeze ełementi e se zonta anca par el tour. El intra anca inte'l grupo La Strana Società restàndoghe insìn a'l 1976, co'l cuało el ga partesipà anca a Un Disco Par l'Estate, a un Festivalbar e a na edision de'l Festival de Sanremo; de 'sto grupo A ze famoza ła canson Popcorn.

Remove ads

I ani Setanta e i Data

Inte'l 1973 el sona ła ghitara ełètrega inte'l solo de'l brano Incontro d'amore insizo so un 45 ziri de ła Numero Uno (Caxa discografica) de Lucio Battisti che come lai B ga Go man, de ła cantaudora meregana Marva Jan Marrow. Senpre in cuel mèdemo parìodo el continua a far el sesion man par ła Numero Uno, sonando co el baterista Euro Cristiani in numarozi dischi de 'sta casa discogràfega, cofà par ezenpio Un essere umano ed Infinite fortune de Oscar Prudente.

Inte'l 1974, a l'età de vintido ani, el scrive co Damiano Dattoli ła canson Un corpo e un'anima, che interpretada da Wess e Dori Ghezzi ła vinse "Canzonissima" de cheł'ano; co el steso Dattoli e Massimo Luca el forma un grupo (i Data) che'l inside inte el mèdemo ano un disco singoło (''Strada bianca'') par ła caza discogràfega de Lucio Battisti, disco daseno raro parchè stanpà in poche copie. Inte'l 1975 el ze stà autor de ła mùzega (sempre co Dattoli, so testo de Maurizio Piccoli) de un brano un puòco conosùo par Mia Martini el cui titoło el jera Io ti ringrazio; inazonta el cołabora co Ivano Fossati come coaranzandor par l'àlbun Good-Bye Indiana.

L'incontro avùo co el muzeghista produtor-parołier Giancarlo Bigazzi el crea un doto fiso e pien de sucesi. Inte'l 1976 el debuta co l'àlbun ''Donna amante mia'' che a'l só interno el ga anca Io camminerò, za insizo co Fausto Leali ma drioman reciapà anca da Mina.

El suceso a łiveło parsonałe el ghe riva un ano drio cuando che'l inside Ti amo che'l vinse el Festivalbar e el resta in sima a ła clasifega de i singołi pì vendùi sensa mai fermarse da'l 23 łujo fin a'l 22 otobre 1977, (1.147.000 copie vendùe in Fransa, 8.000.000 in volta par tuto el mondo. Inte'l 1978 A vien fora Tu che'l sèvita el suceso avùo da ła canson "Ti amo".

El 1979 A ze l'ano de ''Gloria'', el só brano pì famozo che, da'l 1979 a'l 1984, el vende 29 miłion de copie par tuto el mondo, e sùito el se pozisiona a'l primo posto anca in Zvisara e in Spanja.

'Ste tre canson ("Ti amo", "Tu" e soratuto "Gloria") łe farà el ziro de'l mondo. Sia Ti amo che Gloria łe sarà cantàe in Ingleze da Laura Branigan, che ła rivarà a'l primo posto de ła clasifega de i singołi mericana propio co Gloria inte'l 1983. Resultado riusìo nome che a n'altro itałian : Domenico Modugno co''Nel blu dipinto di blu''. In Fransa invese, Ti amo el ga un gran sucesso inte ła version franseze interpretàda da Dalida , mentre inveçe in Zarmania sarà Howard Carpendale a far na cover de 'sto brano.

Par zonta ghe ze ła produsion de un singoło de'l só baterista Euro Cristiani venjùo fora propio durante l'istà de'l 1979. L'amore è quando non c'è più, che Tozzi el reciaparà inte'l 1991 inte l'àlbun Gli altri siamo noi e inte l'àlbun Superstar de'l 2009.

Remove ads

I ani Otanta

I ani 1980 i se verze co l'àlbun Tozzi, strasinà da l'hit single Stella Stai, seguìo da'l só primo disco live, In concerto, senpre de'l 1980. Inte'l 1981 A vien fora Notte Rosa seguìo da Eva de'l 1982. El ga l'uzo de publegar onji ano un àlbun (e senpre poco prima che venja l'istà, venjindo mensonà "cantante par l'istà" - definision poco amada da eło) - se interompe inte'l 1983 co'l ze drìo publegar solche el 45 ziri Nell'aria c'è, hit da'l saor de istà. Inte'l 1984 el pùblega n'altro disco Hurrah, drioman el se zlontana par un serto parìodo fin a 'l 1987, cuando in conpanjia de Gianni Morandi e Enrico Ruggeri vinçe el Festival de Sanremo 1987 co Si può dare di più, brano che'l zera a l'interno de ła rancura Minuti di un'eternità publegà a l'indoman de ła vitoria de Sanremo. Co Raf el partesipa a l'Eurovision Song Contest co Gente di mare clasifegandose terso. Inte l'otobre de'l 1987, ese su'l mercà, (dopo tre ani de atesa), el só àlbun de inediti invisibile (che'l ga anca Immensamente). Inte'l 1988 ghe ze ła publegasion de'l só segondo disco da'l vivo Royal Albert Hall, rezistrà inte'l mèdemo teatro de Łondra el 21 febraro de cheł'ano.

I ani Novanta

Inte'l 1991 el partesipa darecao a'l Festival de Sanremo co ła canson Gli altri siamo noi, brano che'l dà el titoło a cuel àlbun, anca se el gavarave vosùo partesipar co Un adagio par dirti addio; 'sto brano, só desizion de Bigazzi, el só cołaborador, el ze stà reciapà da Marco Masini par crear Perché lo fai, par 'sta razon ghe ze stà la garbeta separasion artìstega tra i do : Tozzi e Giancarlo Bigazzi. 'Sto fato el menarà Tozzi a fermarse par un parìodo.

Inte'l 1994 Umberto el torna vinser el Festivalbar co ła canson Io muoio di te trato da l'àlbun Equivocando, i brani estrati i ze Io muoio di te, Lei e Equivocando. Inte l'albun Tozzi el deventa a tuti i efeti cantaudor, scrivéndoghe sia mùzeghe che testi.

Inte'l meze de apriłe de'l 1996 el pùblega Il grido seguìo da Aria % Cielo de'l 1997 (a cuełi testi ghe gaveva cołaborà anca Mogol). L'àlbun publegà inte'l 1999 che'l ga serà el miłenio el ze Bagaglio a mano de cui i primi do brani Conchiglia di diamante e Mai più così i zera inediti . El primo da'l saor estivo, e el segondo dedicà a ła separasion avùa co só muger Monica. I altri trèdeze brani i se refà a i só brani pì famozi.

Remove ads

I ani Domìłe

El nòvo miłenio se verze par Tozzi co el ritorno a Sanremo co la canson Un'altra vita(2000) seguìa da un àlbun drio che soło in Itałia el ga vendesto più de 150.000 copie, l'àlbun Un'altra vita da l'omònema canson ch'el ga menà a Sanremo.

Inte'l 2002 ghe ze ła publegasion de un CD dopio The Best of el cui singoło de rimarco el ze E non volo (R. Pacco - U. Tozzi - G. Giacomello).

Inte'l 2005 el partesipa par l'ùltema volta a'l festival de Sanremo co'l brano Le Parole (scrito a cuatro man co'l zóvene cantautor Riccardo Ancillotti dando el nome a l'àlbun publegà.

Inte'l 2006 el festegia i só primi trent'ani de cariera da sołista, el rezista tre avenjimenti de rimarco, a febraro, un conserto sold-out che'l ze entrà inte ła storia a l'Olympia de Parigi, e insenbre a l'usìda de un novo prozeto Heterogene in cui el proa novi soni e stiłi muzegałi, cofà ambient, lounge e chill-out e co'l cuało Tozzi el zbandona l'esperiensa de trent'ani avùa coła caza discogràfega Warner par tacar na nova esperiensa co MBO. Par zonta el 26 de Majo vien publegà un dopio cd da'l nome Tutto Tozzi, greatest hits in cui ghe ze 43 de i só più grandi sucesi, do de cuesti i ze in franseze, in cubia co Lena Ka e Céréna, za best-seller inte'l mercà de oltralpe inte'l 2002 e 2003.

El ze uno de i cantanti pì conosùi a l'estaro e durante ła só cariera el ga vendùo oltra 50 miłioni de dischi.

El 24 novenbre de'l 2006 el pùblega un àlbun in cołaborasion co Marco Masini, co'l cual el gavéa za cołaborà durante el conserto a'l Royal Albert Hall de Łondra inte el 1988. 'Sto àlbun ciamà co'l nome de i do Tozzi Masini el ga sèdeze trase, conposte da tre inediti seguìi da łe revizitasion da parte de una de łe canson de l'altro, cavando fora T'innamorerai che ła ze stada cantada in doto.

Inte l'istà del 2008 el organiza na tournée internasional co data de spico el 18 ługio a Verona co l'U.T. Day, zornada reałizada da'l só sito internet ofisiałe in cui Tozzi par ła prima volta el ga dedicà na zornada intiera a i só fans, prima co na direta radiofònega, può co un incontro e so'l fenir co un conserto in piasa co 11 000 partesipanti che i rivava da tuta Europa.

L'8 setembre 2008 vien publegà nome che su'l web Petite Marie, cover de na vecia canson de'l 1974 insiza in Fransa da Francis Cabrel, cantautor franseze ben conosùo. El recavado de ła vendita de'l singoło el vien devołùo par intiero in benefisensa par un ospeal pediàtrego. 'Sto brano, par zonta, el verzarà ła strada ad un duplice prozeto : un dopio CD da'l titoło Non solo (Live), insìo el 23 zenèr 2009, precedùo da un singolo de gran presa tipicamente "tozziana" dal titolo Anche se tu non vuoi, seguìo da'l segondo singoło Cerco ancora te, conposto da Emilio Munda e Matteo Gaggioli. Tal usìda ła se conpanja a'l zlanso de un setemenal audio tuto dedicà a ła só mùzega, ła Tozzi Radio Web zestìa da Massimo Bolzonella e Bruno Mannella, co el suporto gràfego tècnego de Maurizio Calvani. I tre i zestise el sito ufisial e i ze oramai considerài streti cołaboradori a puzo de l'atività promosional de l'artista torineze.

Remove ads

I ani Domìłediese

Sitadìn itałian residente inte'l Prinsipado de Monaco da difarenti ani. El 2 łujo 2011 el se ezibise 'rente el Pałaso de i Prinsipi de Monaco a łe nose de'l prinsipe Alberto II de Monaco co Charlène Wittstock, drìo l'invido de'l steso prinsipe.[Fonte nesesària]

El 26 marso 2012 A ze usio in Fransa, Belzo e Zvisara l'àlbun Yesterday, today. El 15 magio 2012 ze venjùo fora el novo àlbun de Umberto Tozzi, un dopio cd, respetivamente co el riaranzamento de i só 17 singołi e co 11 nove canson.

Inte'l 2013, ła só famoza hit, Gloria, ła viene sernìa da Martin Scorsese, par el só film co Leonardo Di Caprio, The Wolf of Wall Street cofà cołona sonora orizinal.

Da l'8 febraro 2014 parte, dopo sincue ani de asensa da'l palcosènego, el Tour 2014 de Umberto Tozzi, co tape, tra łe pì inportanti, Torin, Roma, Miłan, Bołonja e el Teatro Ariston de San Remo. Inte i vari concerti el cantarà tre novi inediti, non ancora disponìbiłi in CD o in download dizitałe, Sei tu l'immenso amore mio, Meravigliosa e Andrea.

Remove ads

Prosedimenti giudisiari

El 16 zunjo 2012 el vien condanà a un ano de recluzion par evazion fiscałe.

Partesipasion a'l Festival de Sanremo

Pì informasion Edision, Artista ...
Remove ads

Discografia

Albun co i Data

  • 1974 - Strada bianca

Albun sołista

  • 1976 - Donna amante mia
  • 1977 - È nell'aria...ti amo
  • 1978 - Tu
  • 1979 - Gloria
  • 1980 - Tozzi
  • 1981 - Notte rosa
  • 1982 - Eva
  • 1984 - Hurrah (restanpà in CD inte'l 1989, co'l titoło Nell'aria c'è)
  • 1987 - Invisibile
  • 1991 - Gli altri siamo noi
  • 1994 - Equivocando
  • 1996 - Il grido
  • 1997 - Aria e cielo
  • 2000 - Un'altra vita
  • 2005 - Le parole
  • 2009 - Non solo live (dopio: un CD co brani inediti in studio e un CD live)
  • 2012 - Yesterday, today (dopio: un CD co brani inediti in studio e un CD best of co brani rearanzài)

Albun cover

Albun speciałe

Racòlte co riarangiamenti

  • 1999 - Bagaglio a mano (co 2 inediti)
  • 2009 - Superstar (co 2 Inediti)

Rancure clàseghe

  • 1987 - Minuti di un'eternità
  • 1991 - Le mie canzoni (Donna Amante Mia e Io Camminerò łe ze varsion recantàe)
  • 2002 - The Best (co 2 inediti)
  • 2006 - TuttoTozzi
  • 2013 - Collection: Umberto Tozzi (triplo cd)

Live

  • 1980 - In concerto
  • 1988 - Royal Albert Hall
  • 2009 - Non solo live (dopio: un CD co brani in studio e un CD live)

45 ziri

  • 1973 - Incontro d'amore/Go man (el brano su'l łado B el ze cantà da Marva Jan Marrow)
  • 1974 - Compleanno/Attore di varietà (co i Data)
  • 1975 - Una manciata di sabbia/Par carità (co La Strana Società)
  • 1975 - Cucciolo di donna/Ma che ragione hai (co La Strana Società)
  • 1976 - Donna amante mia/Ripensando alla Freccia del Sud
  • 1977 - Ti amo/Dimentica dimentica
  • 1978 - Tu/Perdendo Anna
  • 1979 - Gloria/Aria di lei
  • 1980 - Stella stai/Gabbie (anca in varasion 12" extended mix - solo promosionałe par l'Itałia)
  • 1982 - Eva/Mama
  • 1983 - Nell'aria c'è/Come un carillon
  • 1984 - Hurrah! (edit)/Hurrah! (English version - edit) (anca in varsion 12" lp version - CGD 15147)
  • 1987 - Si può dare di più/La canzone della verità (con Gianni Morandi e Enrico Ruggeri) (anca in varsion 12" picture disc numarà e 12" stanpà su un łado singoło, su'l cui retro A ze reprodote in rełievo łe firme de i tre artisti)
  • 1987 - Gente di mare/Lascia che sia il tuo cuore (in cùbia co Raf) - Stanpà co 2 covertine diverse (ma un mucio simiłi), ma steso num. de catałogo. Łe difarense łe ze dovùe a ła scansełasion de'l logo so ła maja de Raf.
  • 1987 - Immensamente/Se non avessi te
  • 1988 - Immensamente (remix edit)/Tu sei di me (live) (anca in version 12" extended mix)
  • 1991 - Gli altri siamo noi/Dimentica dimentica (live) (stanpà co buzo sentrałe picoło) (anca in varsion 12" extended mix)
  • 1991 - Gli Innamorati/Gli altri siamo noi (stanpà co buzo sentral picoło)
  • 1991 - "Presto io e te/Gente di mare (Live - co Raf)"

Cd Single

  • 1994 - Io muoio di te (anca su mix 12"); Lei; Equivocando
  • 1996 - Il grido; E ti voglio; Miracolo d'amore
  • 1997 - Aria & cielo; Quasi quasi
  • 1999 - Conchiglia di diamante; Mai più così
  • 2000 - Un'altra vita (singoło); Io e te naturalmente; Rosa di frontiera
  • 2002 - E non volo; Angelita; You and I (singoło Umberto Tozzi); We are all the same
  • 2005 - Le parole (singoło); Sopra l'oceano
  • 2006 - Come si fa; Anima italiana
  • 2009 - Petite Marie; Anche se tu non vuoi; Cerco oncora te; L'amore è quando non c'è più
  • 2012 - Se tu non fossi qui

Materiałe video

  • Live Royal Albert Hall (VHS, 1989 - ed. Don't Worry)
  • Le Mie Canzoni in Concerto (VHS, 1991)
  • Live at Maple Leaf Gardens Toronto (VHS, 1993)
  • Equivocando Tour (VHS, 1994)
Pì informasion Controło de autorità ...
Remove ads
Loading related searches...

Wikiwand - on

Seamless Wikipedia browsing. On steroids.

Remove ads