Maskat
From Wikipedia, the free encyclopedia
Remove ads
Maskat (arab.: مَسْقَط Maskaṭ [ˈmasqatˤ]) om Omanan pälidn da kaikiš suremb lidn. Se om ühtennimižen agjan administrativižeks keskuseks mugažo. Maskat om meriport Omanan lahten randal.
Remove ads
Istorii
Torguindmeriport om tetab 1. voz'sadaspäi meiden erad. Erazvuiččil pordoil mülüi Persijan i Ottomanan imperijoihe, oli Portugalijan i Suren Britanijan kolonijan palaks.
Maskat šingotase tervhudenkaičendan kompleksoil, torguindan sijaližil kompanijoil, järedal meriportal i kivivoil.
Geografijan andmused
Lidn sijadase Arabijan pol'sarel, valdkundan pohjoižpäivnouzmaižel mererandal, 69 m ü.m.t. keskmäižel korktusel. Vedase pidust' mererandad 60 kilometraks. Lidnfartaloiden territorii — 273,9 km².
Klimat om tropine letetazangišton, räk kuiv, päivoikaz vodes läbi. Voden keskmäine lämuz om +28,6 C°, sulakun-redukun +29,7..+35,2 C°, tal'vkun-uhokun +21,3..+22,6 C°. Ekstremumad oma +1,6 C° (viluku) i +49,2 C° (heinku, eloku). Kezaaigan minimum om +21,3 C° (eloku), tal'vaigan maksimum om +38,5 C° (uhoku). Il'man lämuz voib ületada +34 C° joga kul, ei voi olda madalamb mi +19 C° kezakus-sügüz'kus. Paneb sadegid 100 mm vodes, enamba tal'vkus-sulakus (13..24 mm kus), sezon sadegoita oleskeleb kezakus-redukus (koume millimetrad pordos). Kun keskmäine relätivine nepsuz vajehtase 42..49 % röunoiš sulakus-kezakus, 55..67 % toižiš kuiš.
Maskatan agj jagase kudeks provincijaks (vilajetaks).
Remove ads
Eläjad
Vn 2015 semendkus lidnan eläjiden lugu oli 1,288,330 ristitud, valdkundan koumandez. Kaikiš suremb lidnan ristitišt om nügüd'. 17. voz'sadaspäi se ližadub znamasižes märas Indijan i Pakistanan eläjil, hö ratas inžiniringan kompanijoiš, sauvondsarakos i torguindas.
Päuskond om islam. Toižile religijoile voib panda pühäpertid (induizm, hristanuskond), no ei sa lugeta pühäpaginoid toižiš sijiš.
Transport
Oficialižed avtobusad (14 maršrutad), populärižembad baiza-avtobusad (tehtas seižutest miččel taht sijal) i taksid oma kundaližeks transportaks lidnas. Sultan-Kabus-meriport radab aglomeracijan pohjoižpäivnouzmaižes čogas.
Rahvahidenkeskeine civiline Maskat-lendimport[1] (MCT / OOMS, 12,9 mln passažiroid vl 2024) sijadase aglomeracijan keskuzpalas, koumekümnes kahtes kilometras päivlaskmha vanhas lidnaspäi (meriportaspäi). Tehtas reisid Azijan lähižihe i äjihe edahaižihe maihe, Evropan surihe lidnoihe, om jügureisid Kairha i Honkongha.
Remove ads
Galerei
Vanh lidn (2006)
Maskatan Verajiden muzei (2010)
Kunigahan operan sauvusen südäimes, vn 2014 nägu
Viktorijan mererandišt Kabus-sultanan portas (2012)
Rahvahidenkeskeižen lendimportan ühthine nägu vl 2014
Homaičendad
Irdkosketused
Wikiwand - on
Seamless Wikipedia browsing. On steroids.
Remove ads