Raahe
From Wikipedia, the free encyclopedia
Remove ads
Raahe (mugažo suomen kelel, virktas [ˈrɑːhe], roč.: Brahestad [brɑːheˌstɑːd]) om Suomenman lidn valdkundan keskuzpalan päivlaskmas, Pohjoižpohjanma-agjas.
Remove ads
Istorii
Eländpunktan aluz om pandud vl 1649 ročilaižel Per Brage noremb-grafal, Suomenman jenaralgubernatoral. Lidn om nimitadud hänen oiktastuseks. Vl 1791 Brahestad sai štapel'oiktust sauvomha torguindvaražomid. Puine pertišt om saudud uden varuitoman projektan mödhe vn 1810 suren lämoipalon jäl'ghe.
Raahe šingotase meriportal kivivoiterminalanke i raudan metallurgijan kombinatal.
Geografijan andmused
Lidn sijadase Botnižen lahten randal.
Matkad agjan Oulu-keskushesai om 75 km pohjoižpäivnouzmha, Hel'sinki-pälidnhasai om 502 km suvhe orhal, 604 km avtotedme vai raudtel.
Vn 2022 andmusiden mödhe lidnan ühthine pind om 1 888,94 km², sidä kesken kuivma — 1 015,33 km², meri — 860,72 km², sokaz ma otab 12,89 nellikkilometrad.
Tobmuz
Lidnankund jagase 23 nimitadud rajonaks (üks'lugu suom.: kaupunginosa). Raahen municipaline suim kogoneb 43 ezitajaspäi.
Edeližed lidnan pämehed oma Ari Nurkkala (keväz'ku 2017 — semendku 2022), Kari Karjalainen (2006−2016).
Eläjad
Vl 1980 kundan eläjiden lugu oli 27 362 ristitud, vl 2000 — 26 766 ristitud, vl 2010 — 25 656 ristitud, vl 2020 — 24 679 ristitud. Kaikiš suremb kundan ristitišt oli 28 431 eläjad vl 1985.
Mamankelen mödhe (2016): suomen kel' — 97,5 %, ročin kel' — 0,1 %, toižed keled — 2,4 %.
Galerei
Lidnan ohjastusen pert' vl 2014
Raahen lüteranine jumalanpert' vl 2018 (om saudud vll 1909−1912)
Softpolis-ofisad vl 2006
Lidnan läžundkodi (2013)
Raahen muzei vl 2009
Sebruzlidnad
Čerepovec, Vologdan agj, Venälaine Federacii (vspäi 1968)
Košice, Slovakii (1987)
Mu i Ran, Norvegii
Homaičendad
Irdkosketused
Wikiwand - on
Seamless Wikipedia browsing. On steroids.
Remove ads