Košice
From Wikipedia, the free encyclopedia
Remove ads
Košice (mugažo slovakan kelel, virktas [ˈkɔʃitsɛ], mad'j.: Kassa «Kašša», saks.: Kaschau «Kašau») om Slovakijan kahtenz' lidn eläjiden lugun mödhe. Se om Košicen randan administrativine keskuz.
Remove ads
Istorii
Eländpunkt mainitase ezmäižen kerdan vl 1230 kuti Mad'jaranman kunigahan Villa Kassa-külä. Sai lidnan ezmäižid oiktusid vl 1290, oli Mad'jaranman kunigahan joudjaližeks lidnaks. Vl 1657 universitetan aluz om pandud lidnha.
Geografijan andmused
Lidn sijadase valdkundan päivnouzmas, Gornad-jogen randal (slovak.: Hornád), 184..851 m korktusil, 208 m ü.m.t. keskmäižel korktusel. Matkad Mad'jaranman röunhasai om 20 km suvhe, Bratislav-pälidnhasai om 312 km päivlaskmha orhal vai 390 km avtoteidme.
Klimat om ven kontinentaline. Keza om päivoikaz, tal'vaig om pil'vekaz lujas. Voden keskmäine lämuz om +9,9 C°, kezakun-elokun +19,2..+20,8 C°, tal'vkun-uhokun 0..−1,9 C°. Ekstremumad oma −26,9 C° (viluku) i +38,5 C° (heinku). Kezaaigan minimum om −0,4 C° (kezaku), tal'vaigan maksimum om +16,4 C° (uhoku). Ei voi panda halad heinkus-elokus. Paneb sadegid 613 mm vodes, enamba semendkus-elokus (66..93 mm kus), vähemba vilukus-keväz'kus (24..27 mm kus). Paneb lunt 50 päiväd tal'ves keskmäras. Kun keskmäine relätivine nepsuz vajehtase 62..68 % röunoiš keväz'kus-elokus, 84..86 % kül'mkus-vilukus.
Remove ads
Eläjad
Vl 2014 lidnan eläjiden lugu oli 239 464 ristitud, vl 2017 — 239 095 ristitud. Kaikiš suremb lidnan ristitišt oli 240 688 eläjad vl 2011. Kaik 550 tuhad ristituid eliba ezilidnoidenke 2 709 km² pindal vl 2011.
Edeline lidnan pämez' (slovak.: primátor Košíc) om Ričard Raši (Richard Raši, tal'vku 2010 — keväz'ku 2018).
Sebruzlidnad
|
Remove ads
Homaičendad
Irdkosketused
Wikiwand - on
Seamless Wikipedia browsing. On steroids.
Remove ads