Boreoale busschn in ôostlik Kanada
Ekostreeke in Ôostlik Kanada uut 't bioom van de tajga From Wikipedia, the free encyclopedia
Remove ads
De boreoale busschn in ôostlik Kanada, zyn 'n ekostreeke uut d' ekozôone Nearctis vôgnst de Weirld Nateur-Stichtienge (WWF). D' ippervlakte van d' ekostreeke besloat 486 900 km² [1][2][3][4]. Ze maakn dêel uut van 't bioom de boreoale busschn of de tajga.
Remove ads
Beschryvienge
Die ekostreeke bevat 'n antal bergachtige gebiedn van d' ôostkuste van Kanada en lanst de Rieviere Sint-Lowrêns in ôostlik Kebêk (woaroendre 't Eiland Anticosti in de Sint-Lowrêns en de kuste by Labrador, ip 't eiland Newfoundland, in d' ooglandn van Niew-Brunswick, en d' Ooglandn van Cape Breton ip 't Eiland Cape Breton, Niew-Schotland. De bergn die dr by ôorn zyn de Lowrentynsche Bergn, in 't Nôordn van d' ekostreeke, en bergkeetns van 't uuterste Nôordn van d' Appalachn no 't Zuudn, mê piekn oovr de 1000 meetrs, woaroendre 't ruuwe Schiereiland Gaspé in Kebêk. 't Kliemoat is koele en nat en an de kuste istr veele mist, in 't biezoendre ip de Zêestroate van Belle Isle tusschn Labrador en Newfoundland byvôorbeeld. D' ekostreeke busschn van 't sentroal Kanadeesch Schild ligt landinwoarts no 't Westn en ê mêer zwarte sparre (Picea mariana) of de boalsm-denne (Abies balsamea) da d' oovrêersnde boom is in die ekostreeke.
Remove ads
Plantn-weirld
D' oovrêersnde boomn van die busschn uut de kust-streeke zyn boalsm-denne tegoare mê zwarte sparre, witte sparre (Picea glauca) ip de kustlyne, en papierberke (Betula papyrifera) en popliern woada 't bus woada 't bus weere groejt achtr dat gekapt is of ip 'n andre verstôorienge. Andre plantn omvattn mossn en Ericaceae. Beschutte gebiedn in de bergn, lik de valleje roend 't Mêer St. Jean, ên e verschillnd bus-patrôon.
Remove ads
Bêestn-weirld
Da kust-gebied is de kroam-kaamre vo grôote koloonjes eiders (Somateria spp.) en andre zêeveugls. De zoogbêestn omvattn eeland (Alces alces), Ameriekoansche zwarte beir (Ursus americanus), Kanadeesche lynx (Lynx canadensis), rôo vos (Vulpes vulpes), snêewschoe-oaze (Lepus americanus) en grysde wolf (Canis lupus).
Bedreigiengn en beschermienge
Da kust-gebied is aalange beweund en 't bus is styf veele veranderd in 't byzoendre deur oetkap. Pertanks bluuftr toch nog 40% in den ôorsproenklikke stoat, zeekr in 't Nôordn van Kebêk, binst da 't Schiereiland Gaspé, nôordlik Niew-Brunswick en Newfoundland dichtr bevôkt zyn en de leefomgeevienge doadeure sterkre veranderd is en in stiksjes gekapt. Mynbow êt ook de leefgebiedn in sommtige streekn angetast, lik in Matamec. Beschermde zôones zyn Nateurgebied Bay du Nord, Nateurgebied Avalon, Wildernisse Middle Ridge en Nasjonoal Park Terra Nova in Newfoundland; Nasjonoal Park Valin-Gebergte te nôordn van de Rieviere Saguenay, Nasjonoal Park Gaspésie, Nasjonoal Park Saguenay en Nasjonoal Park Forillon in Kebêk; en Nasjonoal Park Ooglandn van Cape Breton en Pollett's Cove in Niew-Schotland.
Remove ads
Zied ook noa
Remove ads
Eksterne koppliengn
Verwyziengn
Wikiwand - on
Seamless Wikipedia browsing. On steroids.
Remove ads