Boreoale busschn van de Koopre-Ôogvlakte
Ekostreeke uut 't Nearctis in 't tajga-bioom From Wikipedia, the free encyclopedia
Remove ads
De Boreoale busschn van de Koopre-Ôogvlakte, geleegn in Alaska, zyn 'n ekostreeke uut d' ekozôone Nearctis vôgnst de Weirld Nateur-Stichtienge (WWF) [1][2]. Ze maakn dêel uut van 't bioom de boreoale busschn of de tajga. D' ippervlakte van d' ekostreeke besloat 1 709 392 êktoarn [3].
Remove ads
Beschryvienge
Die ekostreeke bestoat uut e grôote platte ôogvlakte in zuudôostlik Alaska by 400-900m boovn de zêespeegle, oemriengd deur ôoge bergn en deurspekt mê veele mêern en morassn. 't Gebied is bykans hêelegans geleegn in 't Nasjonoal Park Wrangell – St. Elias binst da de Denali-Ootoboane d' ekostreeke kruust in 't Nôordwestn. 't Is e styf natte en klamme streeke mê toe 460mm reegnvol ip e joar en mê temprateurn die goan van -27 °C in de wientre toe 21 °C in de zoomre zyndr plekkn van oendiepe permafrost [4].
Remove ads
Plantn-weirld
Vo te kunn oovreleevn moetn de plantn ier angepast zyn aan de natte omstandigeedn en den oovrêersnde boom is zwarte sparre (Picea mariana) binst da in de mêer veenige gebiedn dwergberkn gruujn (Betula glandulosa en Betula nana) tegoare mê struukn en Cyperaceae lik veenpluus (Eriophorum angustifolium) en zegge (Carex spp.) en kruudn lik woatredrieblad (Menyanthes trifoliata), Petasites frigidus (Asteraceae) en woatrefreize (Comarum palustre). Goed ofgewoaterde gebiedn ên gemêenschappn van witte sparre (Picea glauca), Westameriekoansche boalsmpopliere (Populus trichocarpa) en Ameriekoansche roatlpopliere (Populus tremuloides).
Remove ads
Bêestn-weirld
Mêer Louise, Mêer Paxson en de veele moerassn uut de vlakte zyn broedplatsn vo veele woatreveugls woaroendre trompêt-zwoane (Cygnus buccinator), de grotste veugl van Nôord-Amerika. De Koopre-Rieviere êrbergt zoalmn, in 't byzoendre sjienookzoalm (Oncorhynchus tshawytscha) en rôo zoalm (Oncorhynchus nerka). Zoogbêestn omvattn kuddn van karieboe (Rangifer tarandus) die trekt deur de westlikke kant van de vlakte.
Bedreigiengn en beschermienge
Leefgebied is verloorn gegoan vor oentwikklienge roend Glenallen en vor oetkap lanst de Koopre-Rieviere en ip land roend Alaska Native Regional Corporations by Chitina.
Zied ook noa
Remove ads
Eksterne koppliengn
Verwyziengn
Wikiwand - on
Seamless Wikipedia browsing. On steroids.
Remove ads