Woestenyn an de kustn van de schiereilandn Avalon en Burin
Ekostreeke uut 't Nearctis in 't bioom van de boreoale busschn From Wikipedia, the free encyclopedia
Remove ads
De woestenyn an de kustn van de schiereilandn Avalon en Burin is 'n ekostreeke uut d' ekozôone Nearctis vôgnst de Weirld Nateur-Stichtienge (WWF). D' ippervlakte van d' ekostreeke besloa 207 199 êktoarn [1]. De busschn maakn dêel uut van 't bioom de boreoale busschn of de tajga van nôordlik Kanada [2][3].




Remove ads
Beschryvienge
De woestenyn an de kustn van de schiereilandn Avalon en Burin bezettn d' uutendn van zuudlikke schiereilandn van Newfoundland, in de Kanadeesche provinsje Newfoundland en Labrador. De joarliksche gemiddelde temprateure bedroagt 5,5 °C. De gemiddlde zoomre-temprateure is 11,5 °C mo dr is veele mist in da sezoen. De gemiddelde wientre-temprateure is -1 °C. De joarliksche neerslag ligt tusschn 1200 mm en 1500 mm. Die ekostreeke is ook blôotgesteld an neevle uut de zêe hêel 't joar deure [4]. De twêe schiereilandn steekn 200 m ooge uut boovn de zêespeegle. De kantn goan boets noa beneen en zyn rotsachtig. Dichte by de kustn ist 't reljif diepe ingesneen deur d' eroozje van de woatre-loopn binst dat in 't binneland de streeke iddre plat en golvnd is. De natte stikkn vormn mêer of 25 % van d' ippervlakte van d' ekostreeke.
Remove ads
Plantn-weirld
De plantn-bedekkienge van de woestenyn an de kustn van de schiereilandn Avalon en Burin is êenig in Nôord-Amerika. Dr zyn vôorbeeln van glykoardige vegetoasjes te vienn in Ysland, in ’t nôordn van Schotland en ip Spitsbergn. De vegetoasje, oovrêersnd oogvêen, bestoat uut gezelschappn van mossn, korstmossn, Ericaceae en kreupl-oet van boalsm-denne (Abies balsamea).
Bêestn-weirld
De karieboe (Rangifer tarandus) en 't moras-snêew-oen (Lagopus lagopus) zyn typiesch vo die ekostreeke. De kustn ên rotswandn die geschikt zyn vo 't nesteln van zêeveugls, lkik de Jan-van-Gent.
Bedreigiengn en beschermienge
Dr wordt geschat da 95 % van die ekostreeke oengerept is. De winnige verstôorienge wordt in d' êeste plekke verôorzakt deur e poar gemêenschappn die lanst de kuste weunn.
Zied ook noa
Remove ads
Eksterne koppliengn
Verwyziengn
Wikiwand - on
Seamless Wikipedia browsing. On steroids.
Remove ads