上海市域铁路
From Wikipedia, the free encyclopedia
Remove ads
上海市域铁路，也叫上海轨道交通市域线，简称市域铁，是服务上海市主城区同新城搭仔近沪城镇、新城间个快速、中长距离个城市轨道交通系统，从属于由市域线、市区线、局域线三个层次组成个上海轨道交通网络。按照上海市城市总体规划，上海会得新造500公里个市域铁路。
运营线路
形式
按照造个辰光啊是国铁线路，好拿上海市域铁路个线路分成两类。
地铁制式个轨道快线
个是上海市域铁路个线路主要形式，线路设计、班次服务主要是近郊通勤服务，用市域C型车车型。个种线路可能有同国铁线路个联络线，开行一部分同国铁联通运行个通勤车次，或者同外省个市域铁路联通运营，比方讲机场联络线、南汇支线、嘉闵线、示范区线、南枫线咾啥个。个种一般性是上海申通地铁集团有限公司控股个上海市域铁路运营有限公司负责运营[2][3]。
通勤铁路制式个市域线
个种线路一开始是国铁来造个，线路走向、车站设置丄可能会得避开建成区、站距大，来勒上海同国铁合作以后才会得开通勤列车，甚至改造沿线车站，是中国铁路上海局集团有限公司运营个，比方讲金山线。
票价
除开咾早就开通个金山线，所有市域铁路侪执行0.45元/公里个票价。假使讲弗涉及帮地铁个换乘，个么最低票价就是4块洋钿。换乘个言话，假使弗是出站转乘个说话，倒是没最低票价个只讲法。[4][5]
参见
参考
Wikiwand - on
Seamless Wikipedia browsing. On steroids.
Remove ads