虹桥2号航站楼站（市域铁路）

虹桥2号航站楼站（工程名虹桥站）来勒中国上海市闵行区虹桥枢纽上海虹桥站帮虹桥国际机场2号航站楼当中，是上海市域铁路机场联络线^[1]、嘉闵线^[2]搭仔示范区线^[3]个换乘站，机场联络线、示范区线个始发站。车站贴隔壁就是虹桥综合交通枢纽东交通中心帮铁路上海虹桥站，好换乘多种交通工具，还好换乘附近个地铁2号线、10号线虹桥2号航站楼站。

机场联络线虹桥2号航站楼站个站台层

车站主体结构2010年2月份就完工哉，伊个辰光是磁浮线个预留车站^[4]，必过沪杭磁浮项目暂停到现在，故咾一直荒勒伊头。2021年5月份，本站改造工程开工^[5]，2024年12月27号跟咾机场联络线一道开通运营。