上海市域铁路车票与票价

票價標準

金山鐵路

2012年，金山鐵路設定票價標準，最高10塊，最低3塊，好享受地面公交換乘優惠^[1]，必過換乘上海其他軌交線路弗好連續計價。

其他市域線路

根據上海市發展和改革委員會、上海市交通委員會《關於上海市軌道交通市域線票價機制有關事項個通知》（滬發改價調〔2024〕54號，以下簡稱「54號文」），2024年及以後開通個，由申通地鐵集團運營個市域線（包含市域鐵路、軌道快線（含地鐵22號線）），適用更高個費率：^[2]^[3]^[4]

設計最高時速160公里及以上個市域線，每人公里基準費率0.45元；
設計最高時速160公里以下個市域線，每人公里基準費率0.37元；
每人次起步價4塊；
假使乘客來勒市區線路搭市域線（含軌道快線）之間換乘，市區線路票價搭市域線（含軌道快線）票價直接累加。

票種

單程票

車站賣個當天單程票卡，來勒發售當天來勒賣票車站進站乘車。出站個辰光，車鈿要小於等於車票額定個鈔票，弗然要去服務中心補鈔票。同時支持地鐵單程票乘車子。

上海公共交通卡

主文章：上海公共交通卡

持有上海公共交通卡（含實體卡、虛擬卡）個乘客好享受虛擬換乘優惠幫自然月里向乘上海市域鐵路實際累積消費滿70塊個優惠。

上海公共交通卡個實體卡好來勒各站個CVM充值機（非售票機）進行辦理、充值、圈存。部分型號智能手機個用戶好通過內置個應用程式或上海交通卡APP自助開通虛擬交通卡乘地鐵（需要開啟手機NFC功能），優惠政策幫實體卡一式一樣個。

電子計次票

電子計次票採取實名制購買，只限制同一賬戶使用，有效期里向只好買一張，以20趟為一隻「基本套餐」，一趟個優惠幅度差弗多是7折（弗低過地鐵市區線最低票價3塊）。電子計次票買仔以後，用戶要來勒7天裏向手動激活才好用，到辰光沒激活個會得自動失效外加退鈔票，激活以後30天裏向儕好用個。使用電子計次票個乘客要刷對應個「二維碼電子憑證」才好乘車，同時弗好享受其他優惠。^[4]

Remove ads

優惠

申通地鐵集團補充實施箇些優惠規則：^[5]

公交換乘優惠：沿用地鐵優惠規則。用公交卡（包括虛擬公交卡）個乘客，來勒公交消費以後120分鐘裏向乘地鐵，或來勒地鐵出站以後120分鐘裏向來勒公交高頭消費儕好優惠1塊。
折扣：除開金山鐵路儕沿用地鐵優惠規則。每個自然月里向用同一張上海公共交通卡或同一渠道同一賬號個上海公共交通乘車碼乘上海市域鐵路實際累積消費滿70塊，箇只號頭裏向，滿70塊個箇筆搭挺下來個消費儕打九折，第二個號頭重置。